Popular Bible Verses from San Lucas 8

Паҳн кунед

Peru̶ je̱'e̱ tu̶u̶md mu̶dyiibu̶ ka'awu̶ñ ma je̱'e̱ oyñaaxu̶ñ winja'atzkujk. Je̱'e̱ ja'ay je̱'e̱ ajku̶xy mu̶dyiibu̶ je̱'e̱ jyoot wyinma'añ oy tu'uda'agy mu̶u̶du̶ñ ajku̶xy, y tu'ug'aa tu'ugjoot amdo'ijtku̶xy y kuydyuungu̶xy oy yajxón je̱'e̱ Dios y'ayuuk cham oy yajxón panú̶kxku̶xy, mayu̶u̶by je̱'e̱ Dios y'ayuuk du'un ma je̱'e̱ jyoot wyinma'añ ajku̶xyu̶ñ.

Je̱'e̱ tu̶u̶md mu̶dyiibu̶ eptyjyooty wu̶dzatzjooty ka'awu̶ñ, je̱' je̱' ajku̶xy mu̶dyiibu̶ mu̶doogu̶xpu̶ñ je̱'e̱ Dios y'ayuuk, peru̶ du'un je̱'e̱ u̶dye'egy'eemby ja'aydyu̶gooygyu̶xnu̶ mu̶u̶d je̱'e̱ jootmáygyu̶xpu̶ je̱'e̱ kumeeñ'ajtu̶ñ y mu̶u̶d je̱'e̱ jootkujk'ajt tzu̶naayu̶ñ. Y ka'p je̱'e̱ Dios y'ayuuk wyu̶'u̶my ma je̱'e̱ jyoot wyinma'añ ajku̶xyu̶ñ.

Je̱'e̱ tu̶u̶md mu̶dyiibu̶ tzaa'agujk ka'awu̶ñ, je̱' je̱' ajku̶xy mu̶dyiibu̶ mu̶doogu̶xpu̶ñ je̱'e̱ Dios y'ayuuk y chi ku'ubu̶jkku̶xy agujk jootkujk, peru̶ ka'p je̱'e̱ may tyiktztu̶gu̶'u̶yñu̶ ajku̶xy; tzojku̶ okmu̶bu̶jkku̶xy, y ko je̱'e̱ win'u̶u̶mbu̶ agapxu̶u̶ybyu̶ paatku̶xy, chi u̶xmajtzku̶xnu̶.

Chi je̱'e̱ Jesús nu̶maay je̱'e̱ dyiscípulotu̶jk ajku̶xy: —¿Ma je̱'e̱ mmu̶bu̶jk'ajtu̶ñ miich ajku̶xy? Peru̶ je̱' ajku̶xy cham jyanchtzu̶gu̶u̶ygyu̶xy y yajnú̶kx yajju̶wu̶u̶ygyu̶xy, ñayyajtu̶u̶wu̶gu̶xy amíñ u̶xyu̶py: —¿Pu̶n ja'ay adaa da'a ko je̱'e̱ poj y je̱'e̱ nu̶u̶ yajwa'kxú̶py, y kyapxymyu̶doyii?

Y je̱'e̱ tu̶u̶md mu̶dyiibu̶ tu'ugujk ka'awu̶ñ, je̱' je̱' ajku̶xy mu̶dyiibu̶ mu̶doogu̶xpu̶ñ je̱'e̱ Dios y'ayuuk, peru̶ chi je̱'e̱ ka'a'óybyu̶ ñimiñyii, y yajpu̶dzu̶u̶mdaayu̶xu̶ je̱'e̱ Dios y'ayuuk ma je̱'e̱ jyoot wyinma'añdyu̶ñ, ka'pu̶ mu̶bú̶gu̶ch ajku̶xy y ka'pu̶ je̱'e̱ y'aanu̶mu̶ ñi'idzookku̶xu̶ch.

Nan ka'p ni pu̶n ni tii ayu'uch túnu̶ch y nu̶kxy kya'ani'igu̶xu̶'u̶gy; y nan ka'p ni pu̶n ni tii amechu̶ túnu̶ch y nu̶kxy kya'ayajnejwu̶'u̶y y kya'ayajmu̶doy'ádu̶ch.

Je̱'e̱ to'oxyu̶jk ñejwu̶u̶y je̱' ko ka'p mu̶baad kuyu'uch wyu̶'u̶mu̶'u̶y, chi ninu̶kxy janch tzu̶yuuyu̶p y ñayñajtzkojxtu̶na'awu̶u̶yu̶ ma je̱'e̱ Jesús wyinduuyu̶ñ, chi nigapxy mayjya'ayjyooty tii gyu̶xpu̶ najty tu̶ ni'idoonu̶ je̱'e̱ Jesús wyitpa'a, y neby najty tu̶ cho'ogyu̶ñ. Chi je̱'e̱ Jesús ñu̶maayu̶: —To'oxy'úng, tu̶ mdzo'ogy, je̱' ko u̶u̶ch tu̶ xymyu̶bu̶ky. Nu̶kxnu̶ agujk jootkujk.

Mu̶'it je̱'e̱ Jesús oy yajma'aybyu̶du̶'kku̶xy, nu̶maay ajku̶xy: —¡Windzú̶n! ¡Windzú̶n! ¡Cham nguiinu̶m ajku̶xy! Chi je̱'e̱ Jesús pyu̶du̶'ky, y ju̶jpkugapxu̶u̶y je̱'e̱ poj y je̱'e̱ mejy ko najty jyanchmu̶jje̱'tzpéty ma je̱'e̱ bárcu̶ju̶ñ. Chi ku̶xyu̶ wya'kxu̶jptaay, y myoondu̶gooydyaay.