Popular Bible Verses from San Lucas 7

Паҳн кунед

Paady u̶u̶ch miich nnu̶ma'ay ko adaa to'oxyu̶jk winmekxy yu̶'u̶ myaybyoky, je̱' ko je̱'e̱ chojku̶ñ mu̶j tu̶ yajni'igu̶xu̶'u̶gy. Peru̶ je̱'e̱ ja'ay mu̶dyiibu̶ je̱'e̱ pyoky we̱e̱nu̶ yajwinmé̱kxpu̶ñ, we̱e̱nu̶ chojku̶ñ je̱'e̱ yajni'igu̶xu̶'u̶gy. Chi je̱'e̱ Jesús je̱'e̱ to'oxyu̶jk nu̶maay: —Tu̶ je̱'e̱ mboky yajwinme̱kxta'ay.

Chi je̱'e̱ Jesús nu̶maay je̱'e̱ to'oxyu̶jk: —Tu̶ je̱'e̱ mboky yajwinme̱kxta'ay, je̱' ko u̶u̶ch tu̶ xymyu̶bu̶ky; nu̶kxnu̶ agujk jootkujk.

Yaaxu̶p ñayñajtzpu̶gue̱e̱dzu̶u̶yu̶ ma je̱'e̱ Jesús tyekymyu̶jku̶ñ. Y yajxóku̶ je̱'e̱ Jesús tyeky mu̶u̶d je̱'e̱ wyinnu̶u̶ y po'ttu̶u̶ch mu̶u̶d je̱'e̱ kyu'uwaay, chi tzu'kxu̶ je̱'e̱ Jesús tyeky y yajjáxy je̱'e̱ perfume.

y paady u̶u̶ch je̱'e̱ njoot ka'p tu̶ nmu̶ktúñ ko nu̶kxy ku̶'u̶m n'u̶xta'ay, je'eyu̶du̶'ajty miich nigoo kapx wan u̶u̶ch je̱'e̱ nduumbu̶ cho'ogu̶ch. U̶u̶ch ku̶'u̶m nmu̶u̶du̶ch je̱'e̱ nwindzú̶n mu̶dyiibu̶ u̶u̶ch xy'ane̱'e̱mbu̶ñ, y nan nmu̶u̶du̶ch tziptuumbu̶ may mu̶dyiibu̶ u̶u̶ch n'ane'embyu̶ñ. Ko u̶u̶ch nidu'ugtu̶ nu̶ma'ay ajku̶xy ko wan nu̶kxy, nu̶kxp je̱'; y ko u̶u̶ch ja'adu'ug nu̶ma'ay ko wan miñ, miimb je̱'; y ko u̶u̶ch je̱'e̱ nduumbu̶ nu̶ma'ay ko wan ti du'umbu̶ tuñ, tyuumby je̱'.” Jesús mu̶k je̱'e̱ yajnú̶kxy yajju̶wu̶u̶y ko adayaaba du'un mu̶dooy neby je̱'e̱ capitán myu̶naañu̶ñ, y chi je̱'e̱ mayjya'ay ni''ijxwimbijty mu̶dyiijáty najty pamiinu̶bu̶ñ, nu̶maay ajku̶xy: —Tu̶y'ajtu̶ñ du'un nnu̶maaygyu̶xy ko ka'anu̶ u̶u̶ch nbaadyñu̶ Israel ja'ay mu̶dyiibu̶ u̶u̶ch du'un xymyu̶bu̶jkpu̶ñ neby adayaaba ja'ayu̶ñ.

Timymyu̶'ityu̶ je̱'e̱ Jesús pa'amja'ay may yajtzooky. Yajtzook nandu'un mu̶dyiibu̶ najty je̱'e̱ mu̶j'yuu mu̶jpa'am mu̶k yaj'ayoowu̶bu̶ñ ajku̶xy, y nan yajtzook pu̶njaty najty je̱'e̱ ka'a'óybyu̶ mu̶u̶d ma je̱'e̱ jyoot wyinma'añdyu̶ñ ajku̶xy, y may je̱'e̱ wiindzja'ay nandu'un yajwiindu̶kxu̶'ky. Chi je̱'e̱ Jesús je̱'e̱ Juan kyexyo'oybyu̶ nu̶maayu̶: —Nu̶kx je̱'e̱ Juan du'un nu̶maaygyu̶x neby tu̶ m'ijxku̶xy mmu̶doogu̶xyu̶ñ. Yajmu̶dmu̶dyaakku̶x ko je̱'e̱ wiindzpu̶ja'ay tu̶ wyindu̶kxu̶'kku̶xy, ko je̱'e̱ tekymya'atpu̶ja'ay tu̶ yo'oyu̶'kku̶xy, ko je̱'e̱ ju̶bu̶k pu'udzpa'ammu̶u̶dpu̶ tu̶ chookku̶xy, ko je̱'e̱ natpu̶ja'ay tu̶ myu̶doowu̶'kku̶xy ko je̱'e̱ o'ogyjya'ay tu̶ jyuugypyu̶jkku̶xy y je̱'e̱ ayoobu̶du̶jk yajmooygyu̶xp je̱'e̱ ayuuk tu̶y'ajt mu̶dyiibu̶ je̱'e̱ aanu̶mu̶ ni'idzooku̶ñ ye̱jkpu̶ñ.