Popular Bible Verses from Makòrzì 14

Паҳн кунед

Yerzù rzìi à òhwa nanù ema, “Ìi Tàà, Tatà ò tànɛyi lì gbeyà tɔ̀ mamɛ ema ò arza lì gbeyà. Ò nò wòwanè menè mètàkà. Ndi rzeketɛ nà òmà nà àrza ndi nà òma ò arza.”

È lìyà èhvɛnyɛ ò màkanɛ̀ aŋga nanù Lohwɛ̀ à rza emeyà nanù ema màkèkìrzɛnɛ̀ mà è jèeyà. Ŋmèma mò lìŋgàni lì gbeyà ndi è nyàmà nyò è òka wɔ̀ŋgɔ̀.”

Nà è òhweyà nà è jɔ̀kɛ̀ nanù ema, tɔ̀ ima èki ema Ŋmɛ̀ndì mò Gbamù mò òhwahwa ò ene rze yà arzɛ, hwa òhwa eyà ema ònò mòlanà à gbèyi ò lì mò ɔ̀ŋgɛlɛnɛ.”

Rzìi à hwa òhweyà nanù ema, “È ndùtù ema è hwèlì ò ŋmèma mò ami è tànɛyi lì nò òŋwa. È lììyà anù è lìyà èhvɛ̀nyɛ nà imba.”

Nà òmà Yerzù na hwà-òkòwèlì hwa eni hwà mà hwɛ lì làa Yerzù rzìi a wòwà ehvòòtò, a ŋgba Lohwɛ̀ jeka, à è kahwa à è ŋgba hwà-òkòwèlì hwa eni rzìi a òhwa nanù ema, “È wòwè e nyò ya ami ene.”

Rzìi à wòwà hvɛ lìwònde, à ŋgbà Lohwɛ̀ jèka rzìi à è hwa tɛ̀tìrzɛ̀ è lɔ̀ rzìi wɔ̀ hwa arzɛ hwa è nyɔ. Yerzù rzìi à hwa òhweyà nanù ema, “Màyìjà mà ami manù ema mà kòmèlì ò mèyòhvò mè rzayì-rzayì jà hwatò. Manù màyija mà hwèlì ndi màyija mà hweyi hvènya.

Yerzù rzìi a òhweyà hwà-òkòwèlì hwa eni nanù ema, “Inyɔ hwa arzɛ e ò kùwa lì hwaŋga lì nò rzɔ̀njɛlɛ. Èhwanja e tìlahwì ò Kaàti ya ama Lohwɛ̀ nanù ema, ‘Nà òŋwà è mɔ̀ɔŋgelì hwa mɛ̀lɛ̀ŋgù, rzìi mɛ̀ɛlɛ̀ŋgù me kùwa lì wùweya.’”

È tɛ̀mɛ̀ je ɛ̀ndɛ. È ɔ̀ŋgɔ e mòtò ema à ma nò àhwirzɛ̀ mòŋgò à jà.”

Yerzù rzìi à mò òhweyà nanù ema, “Nà ò òhweyà è jɔ̀kɛ̀, nanù ema ò wònò wùù mɛnɛ ndèŋgana è mòmɛ̀ wà wuhwà à è, tòŋga ŋgèlì ihwàkɛ ò nò rzɔ̀rzɔ̀ ŋgèlì Iyàwò.”