Popular Bible Verses from LUKAS 9

Паҳн кунед

Wua'udde Mawu Yesus nabbisara taumata nambo isudde, “Taumata apan maapulu rumandinganna si Ya'u, ṛinone tawe mannaungnga manarane sassane, mamasanna arusane miallo-miallo wuṛṛu sidutu uatantalongnga si Ya'u.

Ana waugu taumata apan mannahekku wiakke, sarun awul᷊iannu wiakke udde. Arawe taumata apan mannantillu wiakke ana waugu apulu-U, i tou sarun masal᷊amatta.

Mawu Yesus nabbisara taumata udde, “Taumata apan mannattakke mammajeko see manaile liudda, tawe ṛinone maola'a lal᷊oṛṛon araratuannu Ruata.”

Apa sombangnge su sangkatou taumata amungkangngu ahewallu runia indi maola'a pussaane, arawe i tou mandal᷊eo wuṛṛu awul᷊iannu wiakke?

Amungkangngu taumata massili manga'u si Ya'u wuṛṛu al᷊ara'u, Ana'u Taumata lai massili manga'u taumata udde su tempo i Tou rumanta apia ringannu taṛṛino-Ne, wuṛṛu ringannu taṛṛinon Iamangnga wuṛṛu taṛṛino mala'ekatta apan susi!

Mawu Yesus sinumimbakka, “Serigala pia liangnge, wuṛṛu manu'u winalanganna pia sal᷊akke, arawe Ana'u Taumata tawe tampa lallalowangan-Ne.”

See i Tou nabbisara manga mallal᷊aṛṛenggen-Ne, “Taumata apan manarimmattu ana'a indi ana waugu i Ya'u, udde ere lai manarimmatta si Ya'u. Wuṛṛu taumata apan manarimmatti i Ya'u manarimmatti Tou lai apan nandolo-U. Ana waugu taumata apan adio'anne su wallatti yamiu, ete i tou apan ahewal᷊anne!”