Popular Bible Verses from LUKAS 10

Паҳн кунед

Asingkatewe! I yamiu suete inonggol᷊annu taṛṛino tadea'u i yamiu wotongnge maṛṛinda atoanna wuṛṛu kalajengking lapiddu mamadi al᷊awo'u auatannu seetta, ringannu tawe saran sambau wotongnge manilaka si yamiu.

“Marta, Marta!” sasimbakku Mawu Yesus. “I'o sussinggawangnga wuṛṛu maṛṛingiddu manara indi wuṛṛu manara udde; arawe apa apan pia gunane tumba'u sambau. Wuṛṛu i Maria suete namile lembon apianne, apan tawe iaal᷊appa wuassi tou.”

Taumata udde sinumimbakka, “ ‘Pandangngute Mawu Ruatanu ringannu ahewallu naungngu wuṛṛu ringannu ahewallu apendammu, ringannu al᷊awo'u auatannu, wuṛṛu ringannu anambon apandenu,’ wuṛṛu ‘Pandangngu sansul᷊ungngu ere lai i'o mandangngu wadangngu sassane.’ ”

“Wuane apan itinganna manambo,” unnu Mawu Yesus si mangitou. “arawe mangangitingnge matul᷊ungnga. Ana waugu udde padorongke su tatahuannu wailla tadea'u i tou mandolokku taumata mangitingnga wuan sinuananne.

Wua'udde Mawu Yesus nanginsuete watti'a udde ringannu aiwal᷊o indi, “Wuassu sire tallu udde, suapane tumuṛṛuttu addapannu apan nantul᷊ungngu sansul᷊ungnge wuassu taumata apan nipangaṛṛoanna udde?” Hurun agama apan niiwal᷊oanna udde sinumimbakka, “Taumata apan suete nantul᷊ungngu taumata udde.” “Ne, roote wuṛṛu pa'ola'e lai ereudde!” wisara Mawu Yesus.

Ne, roote! I Ya'u mandolokki yamiu ere domba su pattangngannu serigala.