Popular Bible Verses from LUKAS 5

Паҳн кунед

Wera Yesus ara seleb Imik Neyung yuba leboka nekgogowousuk dara, Simon bek, ”Anda hyak dom buruknaʾ nong ok pukoka biniboka, hadyaʾ dobnelam anasa, hadyaʾ oumaʾ akleng ara bobogalom,” hyok.

Danyek Simon bedya Yesus ak, ”Neyung neklesilimnya o, nunda inimnek pik hyak yeiriwoka hadyaʾ dobnob sene elmab bok, mekaʾ sibin anaba hnon doldonaʾ orok bok, wera neyung anja oruganelem anasa, naba hadyaʾ oumaʾ akleng doroganamna,” hyok. Wera sikda hadyaʾ akleng ara seleb dorogomek dara, hadyaʾ ara hyak nauba domekaʾ adya wera, hadyaʾ oumaʾ ara deknewoka deneb einimok.

Bok, li hnonda Yesus ara albeyok gakdenaʾ ak sam heng uboka molowonunaʾ aboka balamok.

Nara nunda pe ulumab senelemak nim emba yanggumsa, alda malya unaʾ nim enyek, sikja malya unulumakaʾ ak ab, ganya dangawoka lobnokaʾ aboka yeilimsa,” hyok.

Simon bera, anyek unumokaʾ ak eiyiboka, Yesus adyaʾ saramek koma lumugoka giboka, ”Wenelesilimnya o, nara malya unaʾanya ulumnaʾ anasa, nak anyeb lo bilom,” hyok.

Ban wenyanaʾ anasa, Yesus adya sikinek saaboka lebokaʾ ara, ”Nim eik nim edya hwebneseng senenggulumak bok, alda neiklamna nim edya ok hwebneseng senelemak.

Dara Simon beb, alja hemyabo yok nang eb dara, sikja mek ekla bunaʾ mek dubuk ab ara, mek gek beib lobek dara, yokaʾ-yokaʾ nidyaʾ loboka, Yesus ak diriga bilimek.

Dara onoʾ yok sum enyek, Yesus ara, yok nauba heikek don ulumok. Dara, an Yesus ulumok heik ara, nimi ben hnon gororomaʾ delemoknya bek ulumok. Wera gororomaʾ delemoknya bedya Yesus ak eiyimok dara, Yesus ak hogung dib malyingginiboka molowokaʾ ara, ”Neyung o, neyung anda nak or hwebnun senenemen dara, or hwebnenesom,” aboka lelemok. Dara, Yesus adya gororomaʾ delemoknya bek soruka diyiboka lemokja, ”Nadya dara, or merewolul senemnaʾ anasa, or merewalom,” hyok. Dara al wene salek enyek, gororomaʾ ara dengamok.

Bok Yesus amba yub era, mok soko nidyaʾ nauba so oboka lelero yabalamok dara, nimi nauba alja yuba keboka dobgiga, hnonda neiknaʾ hwebsululaʾ aboka yalamek.