Popular Bible Verses from LUKAS 4

Паҳн кунед

”Wenelesilnya bedyaʾ Geisinya ara nak ulunel. Wera anasa, alda nak seleb sekiyiwanyokaʾ ara, perob lero yanggan yub era, bonaʾ garan nim ek alja lelelulaʾ aboka, alda nak seleb orowek doboka sekiyinyok. Nara igin yakaʾ kwellilisak nim ek siksamba yuba irigoka sablulaʾ aboka hnon, heng lum nim ek henga gwelegiyiwosululaʾ aboka hnon, igina ulumna nim ek, jakmanaʾ gebsununaʾ aboka hnon, anya Wenelesilnya bedya alja nimi blebnesil sum enyek, sumen unuwanesil aboka wenyalasululaʾ aboka hnon, nara an bokol yeilinyokaʾ,” ara Yesaya yub ek eiyiboka einiwok.

Bok, Yesus adya Iblis ak saaboka lebokaʾ ara, ”Momnya dobokaʾ ulumlaʾ ara, Anja Wenelesilnya Imik Neyung bek ok giblemenekanya, alsamba ok unululom, wenyaboka momnya dobok,” hyok.

Bok, Yesus adya Iblis ak lebokaʾ ara, ”Momnya dobokaʾ ara, Nim embengaʾ ulumakaʾ ara, roti gwaneng adyok embengaʾ unggulumak,” hyok.

Wera Yesus ara, Imik Neyung Geisinya adya boro loboknya bera, alda Yordan mekek abaʾ ara yanggok dara, Imik Neyung Geisinya adya hwalek sam mok bo byuk.

Wenyek Yesus adya alak lebokaʾ ara, ”Imik Neyung yub ulumlaʾ ara, Anda anjaʾ Wenelesilnya Imik Neyung bek ara sunulyamenggom, hyak mem, alamla,” hyok.

Wera Iblis ara alja ban nidyaʾ sunulyamanaʾ ara seleb unubdakok dara, alda Yesus ak ab gokoka byuukanya, pewalya sum donok senewoka diri ubok.

Dara, alda Yesus ak bobookanya, yok senenggom imik olok bo welebookanya, hyak wene sab-sab enyek, mandewal henggonggom, alak yok-yok mok soko an nidyaʾ ara amawok. Anya Iblis ara Yesus ak, ”Nidyaʾ migib unaʾ ab, senenggomaʾ dub unaʾ gebman ab dara, nidyaʾ ara seleb nak lenyok. Dara ban nidyaʾ ululanya nenera, nadya benyek eleganamna senewanenya bek eleganamna anasa, anak eleganenggen. Anasa, anda nak koma lumugoka gibnemen dara, ban nidyaʾ ara anjaʾ yokaʾ danamla,” hyok. Bok, Yesus adya Iblis ak saaboka lebokaʾ ara, ”Momnya dobokaʾ ulumlaʾ ara, Anja Wenelesilnya Imik Neyung bek ok giblemenekanya, alsamba ok unululom, wenyaboka momnya dobok,” hyok.

Dara onoʾ alda Yesus ak eboka boboknya nera, Yerusalem heikek bo byuukanya, Imik Neyung gibnaʾ e erumaʾ dubuk, hyak imik bo sekel dil biniboka, alak lebokja, ”Anda aldib Imik Neyung me dara, an nong anyek, anyaganyebaʾ ara sakdo boublingdalom. Nera an momnya dobokaʾ ulumla sok, Ansamba dara, Imik Neyung ara alja lero nang ek, anak arawagenokaʾ aboka oruganesil. Dara, anja yan era girik ek ob lumugagelyek aboka dara, lero nang edya soruk yangab salawanenjak,” hyok. Wenyek Yesus adya alak lebokaʾ ara, ”Imik Neyung yub ulumlaʾ ara, Anda anjaʾ Wenelesilnya Imik Neyung bek ara sunulyamenggom, hyak mem, alamla,” hyok.