Popular Bible Verses from Lukas 16

Паҳн кунед

Tuwe taku iyotan cistinna on wicaka hecinhan, hee taku ota nakun on wicaka ece; qa tuwe taku iyotan cistinna kin on owotanna śni hecinhan, hee taku ota kin nakun on owotanna śni ece.

Ookiye kin tuwedan yuhe cin nonpa en wowidagic̣iye kta okihi śni; wanji śicedake kta, qa unma iś waśtedake kta; qa iś wanji en iyaihdaśke kta, qa unma kin iś ekta ewacin kte śni. Wakantanka qa mammon napin en wowidagnic̣iyapi kta oyakihipi śni ce.

Hecen woyuha owotanna śni kin he on wicayakapi śni ehantanhan, wicake cin he tuwe ecin yuheniciyapi kta he. Qa wicaśta tokeca taku tawa kin on wicayakapi śni ehantanhan, niye nitawapi kin hee tuwe ecin nic̣upi kta he.

Unkan heciya; Moses qa wicaśta wokcan kin hena anawicagoptanpi śni ehantanhan, ṭapi kin eciyatanhan wanji kini qeyaś, nakun wicadapi kte śni ce, eya.

Tuwe tawicu eḣpekiye c̣a wanji tokeca yuze cinhan, hee wawiciḣaḣapi econ ece: qa hihnaku eḣpeye ciqon he tuwe yuze cinhan he wawiciḣaḣapi econ ece.