Popular Bible Verses from Mwanzo 37

Паҳн кунед

Siikhu moote, Yuusufu khulottha jozi, noowooza attwiize yo khutepa wiiphiiriwa ti ye.

Ezirayiilu aari wawuuluvala, wakathi aavokoliweeyo Yuusufu. Tiito aari omphetaaye channu zayita aana apale akinoko aya. Khunsonela ajapi ya kisawu zawaatta.

Attwiize nawoona yoori oniiya oophetiwa ti papaaya zayita yo, khwaaza wiiphiiriwa ti ye khuhisala awahi onttakhulana saana.

Khurutela olottha khuwooza attwiize yoori: “Kalottha theenya! Njuwa, mweezi na matthottowa khumi na limote zikiinameliye.”

Waaza attaapho attwiize khuwaata nrima na ye, papaawe khusala apheleleza vitthu epile varoho vawe.

Ye khuwooza yoori: “Mwisiileze jozi kilotthiyeeyo! Kalottha niri mmashapa nifukaka misama za tiriku, nsama aka khweemela, misama zenu khuzukulela khwiinamela opu waka.”

Aphano akhweya. Nlaweni nimuule nimweeselele valiphotto nalupe yoori eetta orafuniwa ti nyama za ntthuttu. Noone olottha wawe vahali onttelaaye wiishelavo.”

Khunlazavo vanlipu aphale aamweeseleliyeevo, khuwoozanyeza annya esumayila aari oviraaye, a nti wa Midiyaani, na nzurukhu eshiriini wa feeta. Yo khunthuula khusala alawana Misuri.

Yo khuuzana yoori: “Ahee! Namalottha nwulu oto ontta ota!

Attwiize noomoona eettaka ota, ari peetiwene ahinawaafiyele khuwaza shawuri zoomuula.

Khulupa theenya yoori: “Nihimuule. Nimweeselele vanlipu oriiye n'yaara mpho, ila mwihinvulalise.” Ye alupaka toowo, aariye amuusuru ttwiiye arutele wa papaawe ari haayi.