Popular Bible Verses from Prerito ke Kaam 2

Паҳн кунед

Peeṭa bolis “Dil badlo! Aapan paap chhama kare ke waaste Yeeshu Maseeh ke naam se baptisma leo, tab tumme Pawitr Aatma mili.

Ulog prerit log se shikte rahin, aur ek palwaar ke rakam ek dusra ke sañghe rahin, aur Prabhu bhoj meñ bhaag leen, aur ek saathe preya karin.

Sab log Pawitr Aatma se bhar gain aur Pawitr Aatma ke taagat se bole ke suru kar deen. Ulog rakam rakam ke bhaasha bole lagin.

Achaanak asmaan se baṛa jor se hawa ke jhoka ke awaaj aais. Awaaj se puura ghar jahañ ulog beiṭha rahin bhar gais. Tab ulog kuchh dekhin jon dekhe meñ aagi ke rakam jeebh chaaro taraf ghuumat raha aur ek jeebh aay ke sab ke uppar utar gais. Sab log Pawitr Aatma se bhar gain aur Pawitr Aatma ke taagat se bole ke suru kar deen. Ulog rakam rakam ke bhaasha bole lagin.

Sab roj Mandir meñ milat rahin, paari paari sab ke ghare Prabhu bhoj lewat rahin. Aur khusi khusi khaana baaṭ ke khaawat rahin, aur Parmeshwar ke baṛaai karte rahin. Sab koi ulog ke laaik karin, aur har roj jon log bachaawa gain raha Prabhu ulog ke grup meñ joṛ dees.

“Aakhri din jab aai, ham aapan Aatma sab ke dega. Tumhaar beṭa, beṭi aay waala ṭaaim ke baare meñ bataai. Tumhaar naojawaan ke nawa khayaal dega, aur tumhaar buḍḍha log sapna dekhiyeñ.

Sab biswaasi log hardam milat rahin aur ek dusra ke cheej bina rukaawaṭ ke kaam meñ laawat rahin. Ulog aapan cheej aur samaan bech ke peisa ulog ke de dewat rahin jiske jaruurat raha.

Lekin jon koi Prabhu ke naam lei, uske bachaay lewa jaai.

Prabhu ke mahaan din aawe se pahile, suuraj añdhera hoy jaai, aur chaañd khuun ke rakam laal rahi.