Popular Bible Verses from Prerito ke Kaam 1

Паҳн кунед

Lekin tumhaar uppar Pawitr Aatma aai aur tumme taagat mili aur tum hamaar baare meñ Yarushalam meñ, puura Juḍia meñ, Samaaria meñ aur dunia bhar meñ parchaar karega.”

Yeeshu ulog se bolis, “Kon ṭaaim kon cheej hoi, i baat tumme jaane ke koi kaam nai hei, sab hamaar Pita ke haath meñ hei.

Jab ki u chela log ke sañghe hee raha, u bolis,“Yarushalam se bahire abhi nai jaana aur Pita ke promis puura hoy ke khaatir agorna jeise ham tumse bataay raha.” Yuhanna to paani se baptisma dees raha lekin thoṛa din meñ tumme Pawitr Aatma se baptisma mili.

Yeeshu chaalis din tak dukh uṭhaay ke aur mare ke baad bahut rakam se saabit karis ki u fir se jinda hoy gais hei. U aapan prerit log ke saamne aais aur Parmeshwar ke raaj ke baare meñ ulog se baat karis.

I sab bole ke baad jab sab log Yeeshu ke dekhte rahin, tab uske uppar uṭhaay lewa gais aur u baadar ke beech meñ gaayab hoy gais. Ulog uske dekhe nai sakin

lekin jeise u uppar gais sab log asmaan ke bagal dekhte rahe gain. Achaanak wahi ṭaaim dui admi ujjar kapṛa pahine ulog ke bagal meñ aay ke khaṛa hoy gain. Ulog bolin, “Tum Galeel ke log, kaahe khaṛa hoy ke asmaan ke taraf dekhta hei? Yahi Yeeshu jon tumhaar lage se swarag meñ uṭhaay lewa gay hei, yahi rakam aai jeise tum log uske swarag meñ uppar jaate dekha hei.”