Popular Bible Verses from Johanes 4

Паҳн кунед

Gott es een Jeist, un dee am aunbäden, motten em Jeist un Woarheit aunbäden.

Oba doa kjemt de Stund un es nu, doa dee woarhauftje Aunbäda däm Voda em Jeist un Woarheit woaren aunbäden; dan uk de Voda sieekjt soone aus siene Aunbäda.

oba wäa emma von dit Wota drinkjen woat, daut ekj am jäwen woa, däm woat nich darschten en Eewichkjeit; oba daut Wota, daut ekj am jäwen woa, woat en am eene Wotakjwal woaren, daut em eewjen Läwen kjwalt.

Jesus auntwuad un säd to ar: Wan du de Gottesgow kjanen kust, un wäa daut es, dee to die sajcht: Jeff mie to drinkjen, soo wurscht du am jebedd (jefroacht) haben, un hee haud die läwendjet Wota jejäft.

Jesus säd to an: Miene Moltiet es, daut ekj däm sien Wellen doo, dee mie jeschekjt haft, un sien Woakj vollbrinj (toenj brinj).

De Fru säd to am: Har, du hast kjeen Jefäss toom schapen, un de Borm es deep; von wua hast du dan daut läwendje Wota?

De Fru sajcht to am: Ekj weet, daut de Messias kjemt, dee doa Christus jenant woat; wan dee kjemt, woat hee ons aules dietlich moaken. Jesus säd to ar: Ekj sie (dee), dee met die rät.

Komt, kjikjt eenen Maun (Mensch), dee mie aules jesajcht haft, waut ekj jeemols jedonen ha; es disa veleicht de Christus?