KECHENG 10
10
Noah Asomar Atum Aso-asu
(1 Phur 1.5-23)
1Noah asomar atum Shem, Ham, lapen Japheth dolo. La bangkethom atum asomar langthepi aphi dolo.
2Japheth asomar ke Gomer, Magog, Madai, Javan, Tubal, Meshekh, lapen Tiras atum helo amen keche-ir arat atum aphusarlo. 3Ashkenaz, Riphath, lapen Togarmah arat atum ke Gomer aso-asu atumlo. 4Elishah Spein, Saipras, lapen Rhodes arat atum ke Javan aso-asu atumlo; 5latum ke talo akung lapen lang-lom-heihei kedo arat atum aphusar atumlo. Japheth aso-asu atum ta prekjam prekjam akhei lapen adet along dolo, asongtin ta latum amethang alamsi cheningje rep-lo.
6Ham asomar ke Kush, Ijip, Libia lapen Kanaan helo, latum amen ke-ir arat atum aphusar atum lo. 7Seba, Havilah, Sabtah, Ramah, lapen Sabteka arat atum ke Kush aso-asu atumlo. Ramah aso-asu ke Sheba lapen Dedan arat atum helo. 8Kush asopo inut do, amen Nimrod, alangli ke pirthe keplangcheng kehaithor anokbelo. 9Hemphu akerap pen alangli inut sekar kethekpik abang-lo, la apotsi rat atum pulo, “Nimrod asonthot nangphan ta inut thedung asekarpo nang paplang-lonang!” 10Kechengsi la adet Bebilon, Erekh, lapen Accad anta parloponlo, la kethom ta Bebilon adetsi dolo. 11Halaso adet pen alangli Assiria anat damlo lapen Nineveh, Rehoboth Ir, Kalah, 12lapen Resen la Nineveh lapen Kalah arongsopi kethe angbong kedo, arongsopi-heihei kimlo.
13Ijip aso-asu ke Lidia, Anam, Lehab, Naphtuh, 14Pathrus, Kasluh, lapen Kaptor mate Krit arat atum helo, latum pensi Philistia atum nangplang-lo.#Ibri along ke Philistia atum Krit pensi nangkeplang 15Kanaan asomar atum Sidon, aklengsi lo, lapen Heth ke la amen ke-ir arat atum aphusar lo. 16Kanaan ke Jebusi, Amor, Girgash, 17Hivi, Arki, Sinai, 18Arvad, Zemar, lapen Hamath atum aphusarlo. Kanaan prekjam akhei-heihei nangdolo, 19latum Sidon anitur pen ha Gaza adung Gerar an Kanaan ahoi nangleletik, lapen nihang Sodom, Gomorrah, Admah, lapen Zeboiim anat ha Lasha adung an lele tik. 20Lahei helo Ham aso-asu atumlo, kaprek kaprek akhei-heihei lapen adet-heihei along dosi, asongtin ta amethang methang alam-aki cheningjerep-lo.
21Shem, la Japheth a-ik ke Ibri atum kedo-an aphusar lo. 22Shem asopo Elam, Asshur, Arpakhshad, Lud, lapen Aram atum ke la amen ke-ir arat atum aphusar lo. 23Aram aso-asu ke Uz arat, Hul, Gether, lapen Meshek arat atumlo. 24Arpakhshad ke Shelah apolo, la Eber apolo. 25Eber asopo banghini dolo: inut amen ke Peleg#Ibri penke kethak; pima alangli din ahutsi pirthe chephlakdak-lo; lapen akaprek abang amen ke Joktan. 26Joktan aso-asu ke Almodad, Sheleph, Hazarmaveth, Jerah, 27Hadoram, Uzal, Diklah, 28Obal, Abimael, Sheba, 29Ophir, Havilah, lapen Jobap arat atum helo. La kedo-an ta Joktan pensi kevang-lo. 30Alanglitum kedo adim Mesha pen nihang anglong adet ha Sephar an ledamlo. 31Lahei ke Shem aso-asu atumlo, prekjam prekjam akhei-heihei lapen adet-heihei along dosi asongtin ta amethang methang alam-aki cheningjerep-lo.
32Lahei arat atum kedo-an ke Noah aso-asu atumlo, latum prekjam prekjam aro pen kevang atengsi adet adet nangdolo. Langthepi vangdet aphi pirthe athak kedo-an akhei ta Noah asomar pensi vang-lo.
ప్రస్తుతం ఎంపిక చేయబడింది:
KECHENG 10: KARBIBSI
హైలైట్
షేర్ చేయి
కాపీ
మీ పరికరాలన్నింటి వ్యాప్తంగా మీ హైలైట్స్ సేవ్ చేయబడాలనుకుంటున్నారా? సైన్ అప్ చేయండి లేదా సైన్ ఇన్ చేయండి
Karbi Holy Bible © Bible Society of India, 2010.
Used by permission. All rights reserved worldwide.
