Laataanooji 3
3
Aadamu e Hawwa mbaɗi hakke
1Dabbaaji ladde ɗi Jawmiraawo Allah tagi fuu, mboodi ɓuri ɗi ƴoyre. Ndi ƴami debbo: “Gooŋga Allah wi'i taa on nyaama ɓiɓɓe leɗɗe jarne fuu na#WY 12:9; 20:2.?” 2Debbo jaabi mboodi: “Min mbaawan nyaamugo ɓiɓɓe leɗɗe jarne. 3Ammaa ko laarani ɓiɓɓe lekki gonki caka jarne kam, Allah wi'i: Taa nyaame ɗe, taa meeme ɗe boo, ngam taa maayon#Mat 4:1-11.!” 4Mboodi wi'i debbo: “Woodaa! On maayataa! 5Ammaa Allah anndi, nyalaade nde on nyaami ɗe, gite mooɗon maɓɓititto, on laatoto bana Allah, on anndan ko woni booɗɗum e kalluɗum.” 6Debbo yi'i ɓiɓɓe lekki man welani nyaamugo, ɗe pottani gite, ɗe mbooɗi masin haa hokkugo hakkiilo. O hoo'i haa ɓiɓɓe maaki, o nyaami, nden o hokki goriiko mo ɗonno kommbi maako, gorko boo nyaami. 7Law gite maɓɓe maɓɓiti, ɓe annditi ɓe temmbuɓe. Ngam maajum ɓe mbami haakooji ibbi, ɓe mbaɗi ɗum bana gude.
8Nde hiiri, ɓe nani sonyo, Allah Jawmiraawo ɗon waanca nder jarne. Gorko e debbo muuɗum nyukki yeeso Allah Jawmiraawo caka leɗɗe jarne. 9Jawmiraawo Allah ewni neɗɗo, ƴami mo: “Toy ngonɗaa?” 10Neɗɗo jaabi: “Mi nani sonyo maaɗa nder jarne. Mi hultori, ngam mi temmbo. Ngam maajum nyukkiimi.” 11Allah Jawmiraawo ƴami: “Moy anndin ma a temmbo? Malla a nyaami ɓiɓɓe lekki ki kaɗnomaami nyaamugo go?” 12Neɗɗo jaabi: “Debbo gonduɗo bee am, mo ndokkuɗaami, hokki yam ɓiɓɓe lekki, mi nyaami.” 13Allah Jawmiraawo wi'i debbo: “Ngam ɗume mbaɗɗaa ɗum?” Debbo jaabi: “Mboodi esti yam, mi nyaami#2 Kor 11:3; 1 Tim 2:14..” 14Nden Allah Jawmiraawo wi'i mboodi: “Nde a waɗi ɗum, a naalaaɗo caka dabbaaji e kuuje ladde fuu. A dasoto dow reedu maaɗa, a nyaaman mbulwuldi balɗe ngeendam maaɗa fuu. 15Mi waɗan konnaagu hakkunde maaɗa e debbo, hakkunde danygol maaɗa e danygol maako. Goɗɗo danygol maako namete hoore, an boo a ŋatan mo teppere#WY 12:17..” 16Nden o wi'i debbo: “Mi ɗuɗɗinan luuwe danyki maaɗa. A danyan bee bone. A yenwan gondal bee gorko maaɗa, ammaa o laamoto dow maaɗa.” 17Nden o wi'i neɗɗo: “A jaɓani debbo maaɗa, a nyaami ɓiɓɓe lekki ki kaɗnomaami nyaamugo. Ngam daliila maaɗa mi naali lesdi. Bee bone keɓata ko nyaama haa maari balɗe maaɗa fuu. 18Ndi fuɗnante gi'e e giŋngille, a nyaaman haakooji gese#Ibr 6:8.. 19Bee wulweende yeeso maaɗa nyaamrata nyaamdu ma, haa to a lortake haa mbulwuldi, ngam haa maari a hoo'a. An a mbulwuldi, haa mbulwuldi boo lorotoɗa!”
20Neɗɗo inndi debbo muuɗum: Hawwa,#3:20 Hawwa bee Ibraniŋkeere yiɗi wi'go ngeendam. bana wi'go “Geeto”, ngam kaŋko woni daada yeeɗɓe fuu. 21Jawmiraawo Allah waɗani Aadamu e debbo maako kolte lare, o ɓorni ɓe. 22O wi'i: “Ndaa, nde neɗɗo laatake bana gooto meeɗen, o anndi ko woni booɗɗum e kalluɗum. Jonta kam taa o forta juŋngo maako, o hoo'a boo ɓiɓɓe lekki ngeendam. To o nyaami, o yeeɗan haa foroy#WY 22:14..” 23Nden Jawmiraawo Allah wurtini mo jarne Adnin, ngam o remoya lesdi ndi o hoo'ano e muuɗum. 24Ɓaawo nde o riiwi mo, o darni keruba'en#3:24Keruba'en ngoni aynooɓe leeso laamu Allah. haa fuunaaŋge jarne Adnin bee kaafahi ɗelkanki bana ɗemŋgal yiite, ki ɗon yirla nder bakeeje fuu, ngam aynugo laawol jahranŋgol haa lekki ngeendam.
ప్రస్తుతం ఎంపిక చేయబడింది:
Laataanooji 3: FB
హైలైట్
షేర్ చేయి
కాపీ
మీ పరికరాలన్నింటి వ్యాప్తంగా మీ హైలైట్స్ సేవ్ చేయబడాలనుకుంటున్నారా? సైన్ అప్ చేయండి లేదా సైన్ ఇన్ చేయండి
DEFTERE ALLAH © Alliance Biblique du Cameroun, 1994.
