KU̧U̧NAŊMƆ 5
5
O bezaŋ Adam
(Zɔk 1 Kal Ny 1.1-4)
1Kalata pɛ́r-nam ko Adam nɛ́ mɔ'ɔ. (Wese nɛ Sɔ̧ dee nɛ bíí, a̧ dee bíí hɔ ŋmaa in a̧.#Ku̧u̧ 1.27-28 2A̧ dee wiwii in okoo; a̧ toka de yoŋgo zu wa, ɓɛɛ a̧ a nin-wa'e «bíí», wese n'aa dee nɛ wa.)#Mt 19.4; Mk 10.6 3Ŋgimbi nɛ Adam kpaa pɛ 130, a̧ koo be-wiwii nɛ hɔɔ ŋmaa in a̧, ɓɛɛ a̧ sa nin bem’ɛi nɛ́ Sɛt. 4Ɗoŋ nɛ Adam koo Sɛt kaɗi, a̧ duka zu nù pɛ 800; a̧ koo o be-wiwii in o be-okoo. 5Adam duka zu nù pɛ 930, ɓɛɛ a̧ fe.
6Sɛt kpaa pɛ 105, ɓɛɛ a̧ ko Enɔs. 7Ɗoŋ koo Enɔs, Sɛt duka pɛ 807; a̧ koo o be-wiwii in o be-okoo. 8Sɛt duka zu nù pɛ 912, ɓɛɛ a̧ fe.
9Ŋgimbi nɛ Enɔs kpaa pɛ 90, ɓɛɛ a̧ ko Kenaŋ. 10Ɗoŋ koo Kenaŋ, Enɔs duka pɛ 815; a̧ koo o be-wiwii in o be-okoo. 11Enɔs duka zu nù pɛ 905, ɓɛɛ a̧ fe.
12Ŋgimbi nɛ Kenaŋ kpaa pɛ 70, ɓɛɛ a̧ ko Mahalalɛl. 13Ɗoŋ koo Mahalalɛl, Kenaŋ duka pɛ 840; a̧ koo o be-wiwii in o be-okoo. 14Kenaŋ duka zu nù pɛ 910, ɓɛɛ a̧ fe.
15Mahalalɛl kpaa pɛ 65, ɓɛɛ a̧ ko Yɛrɛd. 16Ɗoŋ koo Yɛrɛd, Mahalalɛl duka zu nù pɛ 830; a̧ koo o be-wiwii in o be-okoo. 17Mahalalɛl duka zu nù pɛ 895, ɓɛɛ a̧ fe.
18Yɛrɛd kpaa pɛ 162, ɓɛɛ a̧ ko Enɔk. 19Ɗoŋ koo Enɔk, Yɛrɛd duka pɛ 800; a̧ koo o be-wiwii in o be-okoo. 20Yɛrɛd duka zu nù pɛ 962, ɓɛɛ a̧ fe.
21Enɔk kpaa pɛ 65, ɓɛɛ a̧ ko Matusalɛm. 22Ɓɛɛ Enɔk nɛ nɔ̀ in Sɔ̧ tɛ pɛ 300 ɗoŋ koo Matusalɛm; a̧ koo o be-wiwii in o be-okoo. 23Enɔk duka zu nù pɛ 365. 24Enɔk nɛɛ nɔ̀ in Sɔ̧, hegɔ Sɔ̧ baa a̧ nɛ yí.#Judɛ 14; Heb 11.5
25Matusalɛm kpaa pɛ 187, ɓɛɛ a̧ ko Lamɛk. 26Ɗoŋ koo Lamɛk, Matusalɛm duka zu nu pɛ 782; a̧ koo o be-wiwii in o be-okoo. 27Matusalɛm duka zu nù pɛ 969, ɓɛɛ a̧ fe.
28Ŋgimbi nɛ Lamɛk kpaa pɛ 182, ɓɛɛ a̧ ko be-wiwii kpɔk. 29A̧ aa nin bem’ɛi Nɔe tɔ̧ nɛnɛ‘e: «Wi’ɛ tɛ ha̧ nɔɔ-ŋgiɗi h’ɛ́ɛ́ tɛ tom k’ɛɛ in tɛ bɔnɛ tom n’ɛɛ de nɛ er yɛ tɛ nù nɛ GASA WAN baa fom so.» 30Ɗoŋ koo Nɔe, Lamɛk duka pɛ 595; a̧ koo o be-wiwii in o be-okoo. 31Lamɛk duka zu nù pɛ 777, ɓɛɛ a̧ fe.
32Ŋgimbi nɛ Nɔe kpaa nɛ pɛ 500, ɓɛɛ a̧ ko Sɛm, Kam in Jafɛt.
ప్రస్తుతం ఎంపిక చేయబడింది:
KU̧U̧NAŊMƆ 5: GB11DC
హైలైట్
షేర్ చేయి
కాపీ
మీ పరికరాలన్నింటి వ్యాప్తంగా మీ హైలైట్స్ సేవ్ చేయబడాలనుకుంటున్నారా? సైన్ అప్ చేయండి లేదా సైన్ ఇన్ చేయండి
KALATA KO SƆ̧ La Sainte Bible en Langue Gbaya © L’Alliance Biblique du Cameroun, 2011.
