KU̧U̧NAŊMƆ 10
10
O bezaŋ bem ko Nɔe
(Zɔk 1 Kal Ny 1.5-23)
1O pɛ́r-nam ko Sɛm, Kam in Jafɛt o bem ko Nɔe nɛ koo ɗoŋ ha̧a̧-yì nɛ mɔɔ nɔ'ɔ:
2O bem ko Jafɛt nɛ Gɔmɛr, Magɔg, Madai, Yavaŋ, Tubal, Mɛsɛk in Tiras. 3O bem ko Gɔmɛr nɛ Askenaz, Rifat in Togarma. 4O bem ko Yavaŋ nɛ Elisa, Tarsis, Kitim in Rodanim. 5Mɛ̀ nɛ́ sɛn tɛ-wa a̧ dukbíí ku̧u̧ nɛ naŋ gbina-a sitɛ o gasa see-kisi, kóó o nde baa nù nyɛm nɛ ɗoŋ duk kɔ‘i, nú-gara kɔ‘i in nú kɔ‘i.
6O bem ko Kam nɛ́ Kus, Misraim, Put in Kanaŋ. 7O bem ko Kus nɛ́ Seba, Hawila, Sabta, Rama, Sabteka; o bem ko Rama nɛ́ Seba in Dedaŋ. 8Kus koo Nɛmrod nɛ̀ duka nɛ́ kuti ŋgaŋa-wi sɛn zu nù. 9Nɛmrod duka nɛ́ gasa ŋgaŋa wi-de-gia sɛn ti GASA WAN. Hegɔ tua-wen gboo nɛ nin-a'e: «GASA WAN a̧ de ha̧ mɛ mɛ duk nɛ́ gasa wi-de-gia hee Nɛmrod ga.» 10O gasa ye tɛ nú kɔ̧-a̧ duka nɛ́ Babɛl, Ɛrɛk in Akad, nɛ̀ duka nɛ́ o gasa ye nú Sinɛar. 11A̧ kura tɛ nù‘i yak si Asur, ɓɛɛ a̧ de ye Ninivɛ nɛ a̧a̧ nɛ o gasa bee-gara, sɛka Kala, 12nɛ̀ duka nɛ́ gasa ye, in Rɛsɛn mgbara Ninivɛ in Kala.
13Misraim koo o be Lud, o be Anɛm, o be Lehab in o be Naftua, 14o be Patros, o be Kaftɔr in o be Kaslua, ye nɛ o be Filistii gboo nɛnɛ.
15Kanaŋ koo Sidɔŋ, kaya-bem kɔ̧-a̧, in Hɛt, 16in o be Jebus, o be Amɔr, o be Girgas, 17o be Hiv, o be Ark, o be Sin, 18o be Arvad, o be Sɛmar in o be Hamat. Hɔ-ɗoŋ mɔ‘i, o pɛ́r-nam ko o be Kanaŋ dɔka siti, 19ɓɛɛ mgbara nù kɔ-wa ku̧ naŋ nɛ Sidɔŋ si sɛn Gerar, hɔ nɛnɛ Gaza si war Sɔdɔm, Gɔmɔr, Adma in Seboyim hɔ Lɛsa. 20O bezaŋ Kam, nyɛm nɛ ɗoŋ o nú-gara kɔ-wa, o nutua kɔ-wa, o nú nɛ wa tɔ̧ in nù kɔ-wa nɛ́ mɔ‘i.
21Sɛm duka nɛ́ zɔmwi ko Jafɛt; a̧ nɛ́ zɔmdáa ko o bem ko Ebɛr lɛŋ. 22O bem ko Sɛm nɛ́ Elam, Asur, Arpaksad, Lud in Aram. 23O bem ko Aram nɛ́ Us, Hul, Gɛtɛr in Mas. 24Arpaksad koo Sela, ɓɛɛ Sela ko Ebɛr. 25Ebɛr koo be-wiwii yiitoo; nin kaya-a nɛ́ Pɛlɛg, wen nɛ́ tɛ́ ŋgimbi kɔ̧-a̧ a̧ wa kɛ̧ɛ̧ nɛ nù, ɓɛɛ nin nya-a̧ nɛ́ Yoktaŋ. 26Yoktaŋ koo Almɔdad, Selɛf, Hasarmavɛt, Yera, 27Hadɔram, Uzal, Dikla, 28Obal, Abimaɛl, Saba, 29Ofir, Hawila in Yobab; o bem ko Yoktaŋ lɛŋ nɛ́ mɔ‘i. 30Nù kɔ-wa ku̧u̧ naŋ Mɛsa hɔ nɛnɛ tɛ kaya Sefar nɛ duk si daŋa-wese. 31O bezaŋ Sɛm nyɛm nɛ ɗoŋ nutua kɔ-wa, o nú-gara kɔ-wa, o nú nɛ wa tɔ̧ in nù kɔ-wa nɛ́ mɔ‘i.
32O nú-gara ko o bem ko Nɔe nyɛm nɛ ɗoŋ o bíí nutua kɔ-wa, tɛ o zuduk kɔ-wa nɛ́ mɔ‘i. Kɛ̧ɛ̧ o tugun bíí zu nù'ɛ ku̧u̧ naŋ nɛ tɛ-wa ɗoŋ gasa ha̧a̧-yì.
ప్రస్తుతం ఎంపిక చేయబడింది:
KU̧U̧NAŊMƆ 10: GB11DC
హైలైట్
షేర్ చేయి
కాపీ
మీ పరికరాలన్నింటి వ్యాప్తంగా మీ హైలైట్స్ సేవ్ చేయబడాలనుకుంటున్నారా? సైన్ అప్ చేయండి లేదా సైన్ ఇన్ చేయండి
KALATA KO SƆ̧ La Sainte Bible en Langue Gbaya © L’Alliance Biblique du Cameroun, 2011.
