Luka 21

1 # Mk 12:41-44. Kikeu akekonyen, koany ikabarak icakanakinete ainakinetakec toma aiŋadis, 2Koany apuserut adiopet nakican ecakakini ikapun iarei.

3 # 2 Kor 8:12. Kotema atiar, “Abeit katemari yes atiar, acakaki apuserut ŋin nakican luipu adepar ice kere: 4Naarai acakanakis ŋul kere kotoma luebarara, konye ŋin kotoma ocanike acakaki Iukejaatar kere.”

5 # Mat 24:1-21; Mk 13:1-19. Nakineratar ice nuka eyekalu, kwape kitubusitere kamor nuejok ka ainakineta, kotema atiar, 6#Luk 19:44.“Ŋun nuisesenete, epote apaarasia numam esalakinia amoru adiopet kuiu kanace namam etiyakinio.” 7Kiŋita ŋes ebe, “Ekesisianakinan, ejaunete bo ŋun wori? Anyoin da aanyunet naeapuuniata ŋun adolun?” 8#Dan 7:22. Kotema atiar, “Kocoito kinyein aitapaar yes; naarai epote luipu kokirorika, kobalas ebe, ‘Eoŋ ŋopeŋol!’ Ebe da, ‘Aapuu apak!’ Aso sirikitupasi ŋul. 9#Dan 2:28. Naiirariata rwaru nuka ijiisio ka iceleta, sirikikuriakaros, naarai ibusakinit ber ŋun ajaun, konye mam awasia edoluni atipet.”

10 # Isa 19:2; 2 Siit 15:6. Kosodi kotema kes atiar, “Enyoikini ateker asurokin ateker, ka ajakanut da asurokin ajakanut. 11Ejaununete amaraneta nuepolok nuka akwap, ejaunun da ebeli, ka atular kaiboisio nuegelegela; ejaunete nuketasuro ka aanyuneta nukos abunore kotoma akui. 12#Luk 12:11. Konye eriŋa ŋun edoluno, kikamunete yes, kireete, kijaikinete yes kakonyen nuka atukosia ka aidarisia, kiyaŋaario kakonyen nuka ikabakan ka ikayaitok kanuka ekakiror. 13Eraunete ŋun akajenak kamakus. 14#Luk 12:11-12. Aso kibwaikisi otauonokus ebe sirikiwomoomata ber nuiboŋokinete; #Mat 10:19. 15#Asw 6:10. naarai kainakinete yes aituk ka acoa, numam lukasurupokus kere epedorete aitepeg karaida airebokin. 16Kijaikinete ikauriakakus, ka iinacanakus, ka lukatekerekus, ka ipaperokus, earete ice kayesi; 17#Mat 10:21,22. kiŋarunete yes ituŋa kere kanuka ekakiror. 18#Luk 12:7; 1 Sam 14:45. Konye mam eoliori etimat ediopet loka akwesikus. 19#2 Siit 15:7; Bur 10:36. Kotoma atitiŋikinikus ikucaunete akusiijar.

20“Konye naianyuniata irimorito ajoresio Yerusalem, aso kojenut ebe aapiki amudiarioke. 21Ŋes konyet ekeriata ŋul luejaas Yudaya oroŋan, kolomutu ŋul luejaas kotomake kiŋa, sirikelomasi ŋul luejaas amanat; 22#Kos 9:7; Ikis 32:35; Yer 5:29. naarai eraas nu apaarasia nuka einyaŋane, tetere edolete kere nuiwadikatai. 23#1 Kor 7:26. Itukwi kes nuepotiete, ka nuitanakete da kapaarasia kaŋun! Naarai ejaun ationus naepol toma akwap, ka anyunyura da asurokin ateker na, 24#Ikis 28:64; Sek 12:3; Isa 63:18; Sab 79:1; Dan 8:10; Rom 11:25; Apu 11:2. Eŋianakinere akwanis naka ekileŋ, ijoreorio toma atekerin kere; icakacakaete Imo Yerusalem, aitodol naedolioto apakio nuka Imo. 25#Mat 24:29,30; Mk 13:24-26. Ejaunete moolo aanyuneta toma akoloŋ ka elap ka aacer, ido toma akwap aburun naka atekerin, nuebuonokinos kanuka agat naka aŋolol ka akailan; #Sab 65:7. 26#Isa 34:4. ipirisiaros itauon luka ituŋa kanuka akurian, ido kanuka aidaret akiro nueponikinito akwap: naarai itamaranio nukapedor nuka akuj. 27#Dan 7:13; Apu 1:7; Mat 26:64. Kosodi konyet eanyunete Okoku loka etuŋanan ebuni kodou kapedor ka aibuses naepol. 28#Pil 4:4,5. Konye naegeuniata ŋun atakanun, kikeutu akwesikus, kosesenata kuju, naarai aapu alakuniokus.”

29 # Mat 24:32-35; Mk 13:28-31. Kolimok kes awaragan ebe, “Koanyutu etini, ka icekito kere. 30Apak naegeuniata ailib, ianyunete, ijenunete da kanukus ebe aaput apaarasia nuka aidweny, 31Aso do, yes da, naianyuniata akiro ŋun ketakanut, kojenutu ebe aapu ajakanut naka Edeke. 32Abeit katemari yes atiar, Mam edaun atur na, aitodol naejaunotor akiro kere. 33#Luk 16:17. Edaunos akuj ka akwapin; konye akakiro mam edaunos cut.

34 # Luk 17:27; Mk 4:19; Mat 24:49. “Konye kocoito yesi kinyek airaŋanut ka emeret ka aiyaloŋoŋ da naka aijar kana aisilaŋirir ikusitauon, konesakin apaaran ŋin kwape ipokia akuluma, 35#Isa 24:17; 1 Ses 5:3. Naarai edolokini ituŋa kere luejaas akwapin kere. 36#Mk 13:33; Apu 6:17. Konye kokwenya apakio kere, kiŋaiŋaata tetere idumunete agogoŋ aiku kakiro ŋun kere nuedolokinete, ka aibwo da kakonyen nuka Okoku loka etuŋanan.”

37 # Luk 19:47; Yok 8:1. Kisisianakinenei ŋinipaaran koyekalu, konye kolosenenei apero kuare moru loenyaritai loka Iseitunin. 38Kodilenenete ituŋa kere tupuruc sek alosit mama ejai oyekalu akiirar ŋes.

ప్రస్తుతం ఎంపిక చేయబడింది:

Luka 21: AOV1961

హైలైట్

షేర్ చేయి

కాపీ