मत्ती 11
11
यीशु अर यूहन्ना बपतिस्मा देण वळु
(लूका 7:18-35)
1अर जब यीशु न अपणा बारह चेलों तैं आज्ञा दे दिनी, त उ उख बटि चलि गै। अर ऊंका गलील मुलक का नगरों मा जैके उपदेस अर परचार करण लगि गै। 2मगर जब यूहन्ना बपतिस्मा देण वळा न जेलखाना मा यीशु मसीह का कामों का बारा मा सुणी, तब वेन अपणा चेलों तैं वेका पास या बात पूछण कू भेजि कि, 3“क्या तुम उई मसीह छाँ जु औण वळु छौ, या हम कै दुसरो को इंतजार कैरा?” 4तब यीशु न ऊंतैं जबाब दिनी, “जा, अर जु कुछ तुम दिखणा अर सुनणा छाँ, वेका बारा मा यूहन्ना तैं बतै दियां कि, 5‘अन्धा दिखणा छिन, अर लूला-लंगड़ा चलणा-फिरणा छिन, अर कोड़ियों तैं शुद्ध किये जाणु च, बैरा सुनणा छिन अर मुरदो तैं ज्यून्द किये जाणु च, अर गरीबों तैं शुभ समाचार सुणये जाणु च। 6अर धन्य च उ, जु मि पर सक नि करदु बल्किन मा बिस्वास करदु।’”
7अर जब यूहन्ना का भेज्यां चेला वापिस चलि गैनी, तब यीशु न यूहन्ना का बारा मा लोगु तैं बतै, “तुम निर्जन जगा मा क्या दिखणु कू ग्यां छा? बथौं बटि हिलण वळा निगुंला तैं क्या? 8फिर तुम क्या दिखणु कू ग्यां छा? क्या मखमल का कपड़ा पैरयां एक मनखि तैं? सुणा, जु सानदार कपड़ा पैरदिन, ऊ त राज महलों मा रौनदिन। 9फिर तुम क्या दिखणु कू गै छा? क्या परमेस्वर का एक रैबर्या तैं दिखण कू? हाँ मि तुमतै बतै देन्दु, कि रैबर्या से भि कै बड़ा तैं दिखणु कू ग्यां। 10अर यू उई च, जैका बारा मा पवित्रशास्त्र मा लिख्यूं कि,
#
मलाकी 3:1
“‘देख, मि अपणा रैबार देण वळा तैं त्वेसे पैलि भेजणु छौं।
अर उ त्वेसे पैलि जैके त्वे खुणि बाटु तयार करलु।’
11“अर मि तुम बटि सच्च बोन्नु छौं, कि जथगा भि लोगु न जनानियों बटि जनम लियूं च, ऊंमा बटि यूहन्ना से महान कुई नि च। पर जु परमेस्वर का राज मा सबसे छुटो च, उ यूहन्ना से भि महान च।” 12अर जब यूहन्ना बपतिस्मा देण वळन परचार करण शुरु कैरी, तब बटि अभि तक बुरा लोग परमेस्वर का राज की शिक्षा को अपणी पूरि ताकतळ विरोध कना छिन, अर वेतैं नास करण की पूरि कोसिस भि कना छिन। 13किलैकि यूहन्ना बपतिस्मा देण वळा का बगत तक परमेस्वर का नियम-कानूनों मा बटि और सब रैबर्यों की भविष्यबाणियों मा बटि लोग तैं सिखये गै। 14अर अगर तुम मेरी मनण चा, त एलिय्याह जु कि औण वळु छौ उ यूहन्ना ही च। 15जैका पास कन्दूड़ छिन, उ सुणी ल्यो।#11:15 अगर तुम ध्यान से सुणिल्या, त समझि सकिल्या।
16“अर मि ये जमना का लोगु कि तुलना कै बटि कैरुं? यू त ऊं नौनो का जन छिन जु कि बजारों मा बैठदिन, अर अपणा खेल मा एक-दुसरा कू चिल्लै-चिल्लै के बुल्दिन कि, 17‘हमुन तुम खुणि बांसुळि बजै मगर तुम नि नच्यां, अर हमुन दुख देण वळु गीत गै मगर तुम नि रुंयां।’ 18यूहन्ना बपतिस्मा देण वळु ऐ, जु नऽ त खाणुक खान्दु छौ, अर ना ही खाण-पीण करदु छौ, अर फिर भि लोग बुल्दिन कि, ‘वे पर खबेस लग्यूं च।’ 19जब की मनखि को पुत्र ऐ, अर खान्दु-पीन्दु च त लोग बुल्दिन कि, ‘देखा, यू त पेटू अर जादा खाण-पीण वळु मनखि च, अर चुंगी लेण वळो को अर इन्द्रया ही दुसरा पापि लोगु को दगड़्या च।’ पर फिर भि परमेस्वर का ज्ञान का द्वारा जु कुछ भि काम निकळि के औन्दिन, वु इन साबित कैरी देन्दिन कि उ ज्ञान सच्चु च।”
पस्ताप नि करण वळो तैं चितौण
(लूका 10:13-15)
20फिर यीशु न ऊं नगरों तैं भौत झिड़की जौं नगरों मा वेन चमत्कार का भौत काम कैरी छा। अर इन वेन इलै कैरी, किलैकि उखा लोगु न अपणा पापों को पस्ताप नि कैरी। 21यीशु न बोलि, #आमो 1:3-5“हे खुराजीन अर बैतसैदा नगर का लोगु तुम पर हाय च, किलैकि जु चमत्कारिक काम तुमरा इख किये गैनी, अगर ऊ काम #यशा 23:1-18 सूर अर सैदा नगर मा किये जान्दा, त उखा लोगु न कभि टाट ओड़ि के अर छारा मा बैठि#11:21 इस्राएली लोग अपणा-अपणा पापों का खातिर पापों से पस्ताप करणु खुणि टाट ओड़ि के छारा मा बैठि के परमेस्वर से माफी मंगदा छा। के पस्ताप कैरी देण छौ। 22पर मि तुमतै बतै देन्दु, कि न्याय का दिन सूर अर सैदा नगर का लोगु की दसा से भि जादा खतरनाक तुमरि होलि। 23हे कफरनहूम नगर का लोगु, तुम क्या सोचद्यां कि तुमतै स्वर्ग तक ऊँचो#11:23 इख मा यीशु को बोन्न को मतलब यू च कि, तुम इन नि सोचा कि तुमतै स्वर्ग मा बड़ु आदर-सम्मान मिललु। किये जालु, ‘नऽ रे ना’ #गिन 16:30; यहेज 31:18तुमतै त अधलोक मा डळै जालु, किलैकि सामर्थ का जु काम तुम लोगु का बीच मा किये गैनी, अगर वु सदोम नगर मा किये जान्दा, त वु नगर आज तक बणयूं रौन्दु। 24पर मि तुमतै बतै देन्दु, कि न्याय का दिन सदोम नगर का लोग की दसा से भि जादा खतरनाक तुमरि होलि।”
पिता परमेस्वर से यीशु की प्रार्थना
(लूका 10:21-22)
25अर वे ही बगत यीशु न पिता परमेस्वर बटि प्रार्थना कैरिके बोलि, “हे मेरा पिता, स्वर्ग अर धरती का प्रभु, मि तुमरो धन्यवाद करदु, कि यू सब बात तुमुन समझदारों अर अकलमन्दो बटि छिपै, अर ऊं लोगु पर परगट कैरी जु बच्चों का जन छिन। 26हाँ पिता किलैकि तुमतै यू ही अच्छु लगि।”
बोझ तौळ दबयां लोगु तैं आराम
27तब यीशु न लोगु कू इन भि बोलि, “पिता परमेस्वर न सब कुछ मि मा सौंप्याली, अर पिता का अलावा कुई नि जणदु कि पुत्र कु च, अर ना ही पुत्र#11:27 इख मा यीशु खुद खुणि पुत्र शब्द को इस्तेमाल करदु। का अलावा कुई जणदु की पिता कु च, पर केवल पुत्र ही च जै पर उ चान्दु, वे पर वेतैं परगट करदु।” 28“हे सब मेहनत कैरी-कैरिके थक्यां अर बोझ से दबयां लोगु, मि मू आ, मि तुमतै आराम द्यूलु। 29मेरा जुवा तैं अपणा मथि#11:29 इख मा यीशु को बोन्नु को मतलब यू च कि मेरा अधीन मा ऐ जा। ले ल्या अर मि बटि सीखा, किलैकि मेरु सभौ नमर अर मन से मि दीन छौं अर तुमरा मन तैं चैन मिललु। 30किलैकि मेरा अधीन मा औण सरल च, अर जु मि सिखौन्दु ऊ कठिन नि च।”
ప్రస్తుతం ఎంపిక చేయబడింది:
मत्ती 11: GBM
హైలైట్
షేర్ చేయి
కాపీ
మీ పరికరాలన్నింటి వ్యాప్తంగా మీ హైలైట్స్ సేవ్ చేయబడాలనుకుంటున్నారా? సైన్ అప్ చేయండి లేదా సైన్ ఇన్ చేయండి
© (Active) Wycliffe Bible Translators, Inc. All rights reserved.
