Ioane 2
2
1Rere kaiane lare ai a’e mia purai liakei’inave Kana pai’iri ai, Galilaia eiei ai; Iesu unu mei i‐pokoinave ane.
2A’e mia purai navai Iesu, Una aivara ane, nawki?-?ekavakei’inave.
3Iri uru unu ika periakei’inave, Iesu unu mei erau voa kurunave, Iri uru unu ika oro miape.
4Iesu erau voa kurunave, A’e e, ei awku keinamoki uku Nai eiai, Na pani aneape ei awku evere’eai.
5Una mei pei kamaia a’a erau voa kuruenave, Voa kavakava U nakiakana orau noro li’ine.
6Ere vana 6 i‐pa‐ekava?-?kei’inave (Isaraela a’a anu opara orau uku omo kape ere‐kiai) vana monou‐monou ere 20 galona naea, ere mo naea.
7Iesu erau voa ekinave, Vana ere evopone. Oro vana epo ai ere evoponave.
8U erau voa ekinave, Eai mau’u urune, purai mai?-?vaki awkuai iou mi’ira. Oro kamaiali’inave.
9Kurua ere iri uru unu ika evere’eakeiaka purai mai‐vaki ipiaka, mako mere ere anenave u a‐ipali’inavea, aivara ere urunave oro e ipali’inave, mai‐vaki vaki nawawrea laea‐ulau’unave,
10Erau voa kurunave, ane, A’a kavakava anu opara iri uru unu ika ima pinai aiai a’a anu paku ai, a’a veruku na’ane, iri uru unu ika rurupu u aina: a iri uru unu ika ima ni oiviriane euna anea’anea eai pani ai.
11Pinai iva veia eire Iesu Kana ai, Galilaia eiei ai, li’inave, orau Una evao’evao iva U ipawkinave; Una aivara pirimaroakoanave.
12Neko mere ai U Kaperanauma ai ve’enave, U, Una mei ane, Una aroa a’a ane, Una aivara ane: oro i‐pokoinave lare aila peo.
13Isaraela a’a anu pasova purai pani arekamu ai kei’inave, Iesu Ierusalema ai inanave.
14Omoro marea laru ai U a’a auienave, bovi, mamoe ane, naku ane, oro inaealimakei’inave, moni kavani‐kavani a’a i‐papa’amakei’inave.
15U naw mau’u aila ke?-?momoaka’ane uku vaki‐emiai, omoro marea iki ai U la‐ei’inave, mamoe ane, bovi ane; moni kavani‐kavani a’a anu moni U orekanave, omo pakara U eme?-?ekanave ane.
16Oro naku inaeali’inave U erau voa kuruenave, Ei naku iou‐mi’ira, Na Mai inu marea peipei inaea mako noro pa liai.
17Una aivara laikora‐ekinave ei iaa voa kikiriakei’inave, Na iviri Ni marea eiai awkoni‐ikavakeiakana.
18Isaraela a’a erau voa veve’enave, Oi veia ana Ni ipakina Ni iva eiai, uku Ni ei opara li’ina?
19Iesu erau voa kuruenave, Ei omoro marea upu?-?pune, lare rere kaiane ei marea Nai moawku la‐okana?-?vailia.
20Oro erau voa kurunave, Ei omoro marea aumeia 46 la‐okavakeima?-?kei’inave, lare rere kaiane Ni ei marea la‐okamau?
21U kurumakei’inave uku Una kape enu omoro marea eiai.
22U imua mere la‐avaka’ane U ei voa kurueaka Una aivara laikora‐ekinave; iaa revareva anu voa oro pirimaroakoaka, voa awku Iesu kuruaka.
23U Ierusalema ai pasova anu purai pani ai, a’a aila pirimaroakoanave, oro inamu‐eiaka’ane iva veia U liaka.
24Iesu a‐epirimaroakoa?-?navea uku oro uriria U ipa?-?elau’unave.
25A’a ioneliai uku a’a e eiai U oea‐rokoapea: uku U verukua a’a anu lai ipali’inave.
ప్రస్తుతం ఎంపిక చేయబడింది:
Ioane 2: IAR1920
హైలైట్
షేర్ చేయి
కాపీ
మీ పరికరాలన్నింటి వ్యాప్తంగా మీ హైలైట్స్ సేవ్ చేయబడాలనుకుంటున్నారా? సైన్ అప్ చేయండి లేదా సైన్ ఇన్ చేయండి
Published by the British and Foreign Bible Society in 1920.
