Jon 20
20
1An le nian aupan le nahwakan ka Meri Makdalini neterua le nepag lakapnipin aken, ramemapinap ena, an neterahm kapiel kenosita le nepag.
2An neteraetkin mua to Saimon Piter mene tan ieremim ker mun, ierem Iesu rolkeikei, an netereni to ilau, Ilar kenarosiatou Ieremera le nepag, an katiktik am moma kameihlau petuan.
3An Piter neterier, ilau tan ieremim ker mun, an netikiava to nepag.
4An ilau netukuai was, an tan ieremim ierem ka neterai mapita le Piter maupan mua le nepag.
5Neteremelemel metagpen mahm nar ituga tuan rakamel, mero remesuenan le nepag.
6An Saimon Piter neterua mun moatisig in, an neteruan le nepag;
7An neterahm nar ituga tuan rakamel, mene noanverin ierem le tenkapa, remesemelwasan ilau nar ituga tuan, mero kamek rakamel pusen.
8An tan ieremim ierem ka neterua le nepag, ierem ramaupan mua to nepag, an neterahm mameni nuparhienan lan.
9Mero in ka kamesiahinatinan nawowa moma terakeikei mermig mun le neki nerem kamaremis.
10An tan ieremim mil netikiavan mun imwan ilau.
11Mero Meri neteramail le nepag mamasak ilua, an neteramasak mamelemel mametagpen le nepag,
12An neterahm agelo kiu le nar ituga tuan kamuowata, ker le tenkapa an ker le nelikin iken nubalaki Iesu ramakamel iken.
13An netukuani ton, Beravin, Nakamasak tona? Netereni to ilau, moma, Kenarosiatou Ieremera tahak, an iakatiktik am moma kameihlau petuan.
14Netereni nar uk, neterhwin le nematan, neterahm Iesu ramail, an remeshinatinan moma in Iesu.
15Iesu netereni ton, Beravin, nakamasak tona? Pehe un nakamatkoigen? Nekin neterho moma in ierem ramasum iken an netereni ton. Ieremera, takama ik nemles iatou in ani tonio moma nemehlau petuan an io tiaplesita in.
16Iesu netereni ton, Meri. In neterhwin mameni ton le nakaran Hibru, Raboni, ierem kameni, Ietikun.
17Iesu netereni ton, Tenesekan io, mero in ka iemesetan muan to Tata. Mero uan to piak min meni to ilar, Io tiakat muan to Tata mene Remimiar, mene to Wuhgin tahak mene Wuhgin temiar.
18Meri Makdalini neterua mausito in kam tan ieremim min moma, Ieknahm Ieremera, an moma rameni nar min uk ton.
19An lehnaiu le nian ka nian aupan le nahwakan, tapin riakis petum iken tan ieremim min kamairik iken to nagninan Ju min, an Iesu neterua mamail ilukan mameni to ilar, Nemelinuan to kamiar.
20An netereni nar uk an neterhinhin nelimin mene nikalin to ilar. An tan ieremim min netakaigien mero in ka kenaihm Ieremera.
21An Iesu netereni mun to ilar, Nemelinuan to kamiar; rolkoma Tata rehmalipa io, rol mok lan io tiakhalipen kamiar.
22An netereni nar uk an neterhegpen le ilar mameni to ilar, Aros Nanumum Ausim.
23Nerem tenakarosita tehwaga tat tenilar, tapositat to ilar; an nerem tenakarpas am tehwaga tat tenilar, terapamarik.
24Mero Tomas ker le katilum katilum mekiu, ierem netigen Didimas, remuka to ilar loanian ka Iesu rava.
25An tan ieremim min nevin netakani ton, Iaknaihm Ieremera. Mero netereni to ilar, Takama tiakasahman nami neil le nelimin, mesehlauan nowa nelimok le nami neil, an mesehlauan nelimok le nikalin, tiepesenian nuparhienan lan.
26An nian katilum mekisil neterua muan, an tan ieremim min kamemairik mun imwa, an Tomas mun ilar min. An Iesu neterua, mero tapin min riakis, an neterail ilukan mameni, Nemelinuan to kamiar.
27An netereni to Tomas, Ahuopa in nowa nelimam mahm nelimok, an ahuopa in nelimam mofen le nikaluk, an mesenian neiwean mero ani nuparhienan lak.
28Tomas neteraram menipen ton, Tahak Ieremera mene tahak Wuhgin.
29Iesu netereni ton, Mero in ka neknahm io neknameni nuparhienan lak? Nerem keikei nerem kasaihman mero kamani nuparhienan lak.
30An nimtatin mun nevin Iesu ramol le nemri tan ieremim min, ierem min kasraian le nawowa uk.
31Mero ierem min uk kamrai moma tenakani nuparhienan le Iesu moma in Kristo Neri Wuhgin, an moma le nuparhienan temiar teneparos nemihwan le netigen.
ప్రస్తుతం ఎంపిక చేయబడింది:
Jon 20: LEN1902
హైలైట్
షేర్ చేయి
కాపీ
మీ పరికరాలన్నింటి వ్యాప్తంగా మీ హైలైట్స్ సేవ్ చేయబడాలనుకుంటున్నారా? సైన్ అప్ చేయండి లేదా సైన్ ఇన్ చేయండి
Published by the British and Foreign Bible Society in 1902, reprinted in 1935.
