Jon 2
2
1An nian neterol kisil neroean ker kamol Kena le Kalili, an ine Iesu iken.
2An kenaunin mun Iesu mene tan ieremim min le neroean.
3An wain neterika an ine Iesu netereni ton, Wain tenilar rika.
4An Iesu netereni ton, Neta tonio mene tonik, beravin? Aur tahak resuean.
5Inen netereni to nokatkokun nar, Takama tereni nar ker kamiar nakarol.
6An kahmatuk iken nevige nar kamol le kapiel katilum mekarena le tehwaga te Ju min le hnapelan, an kamaiuker in nevige nar asuas kiu wa kisil lan min.
7Iesu netereni to ilar, Arupen nu le nevige nar min ret. An netakaru pen ret iau.
8An netereni to ilar, Aru ita towek maros maruan kam ieremera le nauganan. An netakaros maruan.
9An ieremera le nauganan neterapaih nu kamol wain lan, an remetiktik am moma remsipeten, mero nolatkokun nar ierem min kamaruita nu karhinatin, an ieremera le nauganan neteraunin ieroe menipen ton,
10Neremim petum kameihlau aupan wain ut, an takama kaipus in takaihlau ierem retat, mero ik nemapas wain ut mosiatou am towek.
11In uk nerwowunan le nimtatin min Iesu ramol Kena le Kalili, an remhinhin nevitan tahan, an tan ieremim min netakani nuparhienan lan.
12Mun ka neteratite pen Kaperneam, in mene inen mene pian min mene tan ieremim min, an ilar kamairik iken resolan moma nian rapus.
13An napitean te Ju min reknuwaket, an Iesu neteret muan Jerusalem.
14An neterahm le nimwa ahwak nerem kamaiura in nepukas ituga mene ship min mene nemenuk mene nerem kametain mani kamaiwata.
15An netereap toul to hnoa til neterhaliatou petum ilar le nimwa ahwak mene ship min mene nepukas ituga, an neterui mani te nerem kametain, an neterahwin nar kametain mani lan.
16An netereni to nerem kamaiura in nemenuk, Arpuk ita nar min uk, arpas nolan nimwa te Tata kama nimwa kamaura in nar iken.
17An tan ieremim min nekin ilar ramakahmo moma kamrai, Nolkeikeian te nimwa taham rikinkin ita io.
18An Ju min netakairam manipen ton, Nimtatin neta nakamhinhin kamar in, mero in ka nakamol nar min uk?
19An Iesu neteraram menipen to ilar, Arhwasesan nimwa ahwak uk, an le nian kisil tiaposit mun.
20An Ju min netakani, Nimwa ahwak uk kamol le nu 46, an ik teneposit le nian kisil?
21Mero in rameni nimwa ahwak te nubalakin.
22An loanian kamosit in le neki nerem kamaremis tan ieremim min nekin ilar neterho moma in ramameni nar uk, an netakani nuarhienan le nawowa mene le nakaran Iesu ramameni.
23An nian ramarik Jerusalem le Napitean le nauganan asul neremim ribor kamani nuparhienan le netigen mero in ka kamaihm nar nimtatin min in ramol.
24Mero Iesu resateteatuan le ilar mero in ka rhinatin neremim min petum,
25An mero in ka resolkeikeian moma ieremim ker terausito in ieremim, mero in ka in atu remhinatin nar le neki ieremim.
ప్రస్తుతం ఎంపిక చేయబడింది:
Jon 2: LEN1902
హైలైట్
షేర్ చేయి
కాపీ
మీ పరికరాలన్నింటి వ్యాప్తంగా మీ హైలైట్స్ సేవ్ చేయబడాలనుకుంటున్నారా? సైన్ అప్ చేయండి లేదా సైన్ ఇన్ చేయండి
Published by the British and Foreign Bible Society in 1902, reprinted in 1935.
