Nar 1
1
1Nakaran ierem iraupan iamol, Theofilas, le naremnar min Iesu ramerwowun mamol mametikun.
2Meroatis nian kamosit in mero reknamuhwagita kam tan ieremim min le nanumun Ausim, nerem in reknahmpen ilar.
3An remhinhin atu in le nemihwan to ilar oatisig le nemisan tahan le nimtatin min ribor, mamier atou to ilar le nepenian 40 mameni naremnar le niko te Wuhgin.
4An neterhwafugen ilar min, netereni to ilar moma tesarieran le Jerusalem, mero takameitanin nar Remin reknamenita, ierem nemairou tonio.
5Mero in ka Jon ramamol nebaptisoan le nu, mero kamiar teneparos nebaptisoan le Nanumun Ausim resolan moma nian isou towe mene.
6An ilar netakarhwafugen ilar min mameihrapuk ton, mama, Ieremera, le nian uk tenepofen mun niko kam Israel?
7Netereni to ilar, Resolan moma temiar tenakarhinatin nian nowa nu Tata ramehlau le nesanenan tahan.
8Mero teneparos nesanenan takama Nanumun Ausim terua le Kamiar, an tenepaiusito in io Jerusalem mene le Judia petum mene le Sameria meroatis le nuhiefi ten.
9An neterenita nar min uk, an nemrin ilar rememail lan, an netakosit in, an napua neterosita in le nemrin ilar.
10An nemrin ilar ramemail ena le neai in ramakavan, an ahm ru ieremim mil kiu kamuail iwaket to ilar le nar retuan.
11An netukuani, Kamiar nerem Kalili, retol nakamailil mamareitaget le neai? In an Iesu ierem kenosit to kamiar le neai terepua maka lan kama in ka mene nemaihm in rakavan le neai.
12An netakalelegpen mun Jerusalem le towar netigen Te Oliv min ierem ramail iwaket to Jerusalem le navenan te nian ausim.
13An netakarua imwa, maret le nowa nimwa ierem iles, iken kamairik iken Piter mene Jon mene Jems mene Andru, Filip mene Tomas, Bartholomiu mene Mathiu, Jems neri Alfias mene Saimon Selotes, mene Judas neri Jems.
14Ilar min uk kamairik le nekin ilar karena le nahwakan, ilar neberavin mene Meri ine Iesu mene pian min.
15An loanian ka Piter neterermig le neki pian min neterameni, an nahuto le neremim kenarhwafugen ilar ama 120.
16Piak min, nawowa ramakeikei met, ierem Nanumun Ausim ramaupan meni le hnuli Devid le Judas ierem ramaupan in nerem kamaros Iesu.
17Mero in ka kamahwin le katar an ramos nowanverin tahan le nolatkokun an nar uk.
18An wus uk ramos nemri ten le tain tehwaga tat tahan, an neteram masin nemrin khapu nubalakin an nisigan etahun neterier.
19An netikhinatin le neremim petum kamairik Jerusalem moma nemapten ka kameni le nakaran tenilar, Akeldama, kameni mok lan, Ten te nita.
20Mero in ka kamrai le nawowa te Sam min,
Pas nauanu tahan terelilikun,
An pas ieremim ker teresarikan lan:
an,
Pas ierapusen teros nolatkokunan nar tahan.
21Mero in ka le neremim kamamaivan katar min ilar le nian min petum Ieremera Iesu ramakava makavan le nekitar,
22Rerwowun le nebaptisoan taha Jon meroatis nian kamosit to katar, ker le ilar terakeikei mol ierem terausito in nermigan mun tahan katar ker.
23Netakaruhiatou kiu, Josef ierem netigen Barsabas ierem netigen ker mun Justus, mene Mathias.
24An netakameihwak mamani, Ik Ieremera, nakhinatin neki neremim petum, atikun kamar moma neknahmpen ierem petuan le ilau,
25Moma teros nowanveri nolatkokunan nar uk mene nolan apostelo, ierem Judas ramamita ton moma teruan imwan ena.
26An netakarofen nimtatin to ilau, an nimtatin neteram pen to Mathias, an kamahwin pen to apostelo min katilum katilum makarena.
ప్రస్తుతం ఎంపిక చేయబడింది:
Nar 1: LEN1902
హైలైట్
షేర్ చేయి
కాపీ
మీ పరికరాలన్నింటి వ్యాప్తంగా మీ హైలైట్స్ సేవ్ చేయబడాలనుకుంటున్నారా? సైన్ అప్ చేయండి లేదా సైన్ ఇన్ చేయండి
Published by the British and Foreign Bible Society in 1902, reprinted in 1935.
