Acts 6

6
Sema Pithon Dalekin Pinispis Chen Ontolong Ired Apostolis
1Nontan a timpo, sema iren ematid Jesus, iyaa-choman ira. Nem sema iren Hodjos a Greek i esel cha, iyanriri maypangkep na Hodjos a Hebrew i esel chen kigwan cha i sema bibiin echom chen iyangkebalo, nadiya-tang cha ira no iap-ap chiy kakanen cha na gwiya-gwa-gwa. 2Et sema sawal na chegwen apostolis, tiya-gway chiy emiin a emati, et kigwan cha i “Nat iyaybagay no mesepol a onsalcheng kawin mankasaba na esel Afo Chiyos say mengiap-ap kawi na mekan. 3Isonga, aahi, pemispis kayo na pithon dalekid si-kayon maronong, edaing, tan iyapno na panakabalin na Ispirito Santo say si-kariy piyalen mi na pengiap-ap na mekan. 4Et tofogen min mankararag tan mankasaba na esel Afo Chiyos.”
5Sema emiin a ematin esa-sa-nop chiwan, iyapolbaran chiy kigwan iren ma apostolis, et pinispis ches Stephen a mahedsang i pamati thon gwared si-kathoy panakabalin na Ispirito Santo, pati si Philip, si Prochorus, si Nicanor, si Timon, si Parmenas, tan si Nicolaus a edafod Antioch. Si Nicolaus, Gentile a naengonod na rilijon na Hodjos. 6Et inparang cha ma pithon daleki ired apostolis, et sema iren apostolis, insagpat chiy diwa red si-kara et inkararagan cha ira.
7Et timolo-toloy i esel Afo Chiyos a iyaygwaris, tan sema karakel na ematid Jerusalem, dima-da-to. Et angken sema papari na Hodjos, chakel i ematid Jesus.
Chinmet Ches Stephen
8Si Stephen, engama-amag na milagro tan echom a kaskasdaaw a sini-neng na tothoo tep chakel i tolong Afo Chiyos cha si-katho tan gwared si-kathoy panakabalin a in-i-kan Afo Chiyos. 9Nem gwara ngo iriy Hodjos a naengontred Stephen a edafo ired siyodad na Cyrenia tan Alexandria. Iyaybilang ired synagog a nakigwan cha i Synagog na Tothoon Iyaydibchi. Si-kara tan sema echom a Hodjos a edafod probinsiya na Cilicia tan Asia, ekisongbat ired Stephen. 10Nem nat mahaagwak ches Stephen tep edaing tan inpaamta na Ispirito Santod si-kathoy pesing ton onsongbat. 11Et sema iren naengontred Stephen, iyandagbo ira na dalekin man-itek maypangkep cha si-kathon kigwan cha i “Inki-ngelan mis Stephen a engowa-kowan ira na ngaaw maypangkep Moses tan si Afo Chiyos.” 12Kagol na iyan-itekan cha, sema iren tothoo, iyangkaama, tan mamaistoro na dinteg, bimonget iren pasiyed Stephen. Et chinmet cha et intolod ched esa-nofan na naengibalbalnay na Hodjos. 13Et gwara ngod man iriy tothoon tiya-gway chen menistigo na ite-itek a kigwan cha i “Seja too, nakigwa-kigwan toy ngaaw maypangkep na timplo thayon esantoan tan dinteg Moses. 14Tep inki-ngelan min engowan i si Jesus a i-Nazareth, chechalen to konoy timplo thayo tan sa-dathan to iriy ogadin in-elbat Moses cha si-kathayo.” 15Et sema emiin a naengibalbalnay na Hodjos a ketinokkong chiwan, sini-neng ches Stephen, et mita ren sema dopa tho, singen dopa na anghil.

ప్రస్తుతం ఎంపిక చేయబడింది:

Acts 6: KAR

హైలైట్

షేర్ చేయి

కాపీ

None

మీ పరికరాలన్నింటి వ్యాప్తంగా మీ హైలైట్స్ సేవ్ చేయబడాలనుకుంటున్నారా? సైన్ అప్ చేయండి లేదా సైన్ ఇన్ చేయండి

Acts 6 కోసం వీడియో