Mataio 5
5
1Kua kitea atu e Iehu te kaifenua oi fano ai ki luga o he mauga. Kua nofo ki lalo i kinā, oi ōmamai ai nā hoko o ia ki ona tafa. 2Oi kāmata ai kua akoako atu e ia ki lātou:
Ko te Fiafia Moni
(Luka 6.20-23)
3“Amutia nā tino e ki lātou iloa to lātou mātitiva i nā mea tau ki te Atua;
auā e o ki lātou te Mālō o te lagi!
4 #
Iha 61.2
Amutia nā tino e fakanoanoa;
auā ka fakamāfanafanagia ki lātou e te Atua!
5 #
Hal 37.11
Amutia nā tino e loto maulalo;
auā ka maua e ki lātou nā fakamanuiaga kua uma te folafola mai e te Atua!
6 #
Iha 55.1-2
Amutia nā tino e fakahilihili i o lātou loto te fakatinoga o nā mea e fofou ki ei te Atua;
auā ka fakamaliegia kātoatoa ki lātou e te Atua!
7Amutia nā tino e alolofa atu ki iētahi tino;
auā ka alofagia ki lātou e te Atua!
8 #
Hal 24.3-4
Amutia nā tino e loto mamā;
auā ka kitea e ki lātou te Atua!
9Amutia nā tino e fakatupua te fīlēmū;
auā ka takua ki lātou he fānau e a te Atua!
10 #
1 Pet 3.14
Amutia nā tino e maua i nā fakahāuāga ona e fai e ki lātou te finagalo o te Atua;
auā e o ki lātou te Mālō o te lagi!
11 #
1 Pet 4.14
“Amutia koutou kāfai koutou e fakamātagā ma fakahāuāgia e tagata, ma ki lātou faia ni talapepelo kino kehekehe e uiga ki a te koutou, ona ko koutou ni hoko e ōku. 12#2 NT 36.16; Gāl 7.52Koutou ke olioli ma fiafia, auā e i te lagi te koutou taui lahi. Nae vēnā foki lava nā fakahāuāga nae fai e tagata ki nā pelofeta i nā aho kua teka.
Māhima ma te Mōlī
(Maleko 9.50; Luka 14.34-35)
13“Ko koutou e vē ko he māhima ki tagata uma o te lalolagi. Kae kāfai te māhima kua uma tona kokona, e mafai vēhea nei ke toe fakakokona? E hē toe aogā ki he mea kae nā ko te togi lava ki fafo ma holi i vae o tagata.
14 #
Ioa 8.12; 9.5 “Ko koutou e vē ko he mōlī mo tagata uma o te lalolagi. Ko he kakai e fau i luga o he mauga, e hē mafai ke hē kitea. 15#Mlk 4.21; Luk 8.16; 11.33E hēai foki he tino e ia tutua he mōlī oi tuku ai ki lalo o he tānoa; kae e tuku e ia ki luga o he tugāmōlī, te mea e māina ai ki nā tino uma i loto o te fale. 16#1 Pet 2.12Ke vēnā foki oi māina atu tau mōlī ki tagata, kae ke kitea ai e ki lātou au mea lelei e fai, ma vīkia ai te koutou Tamana i te lagi.
Akoakoga e uiga ki te Tūlāfono
17“Ia koutou nā vēakē ko au na hau ke tatala te Tūlāfono a Mohe ma nā akoakoga a te kau pelofeta. Ko au e hēki hau ke tatala, kae ke taunuku ai a lātou akoakoga. 18#Luk 16.17Auā e takutino atu e au ki a te koutou, ka ko hēki mavae atu te lagi ma te lalolagi, e hēai he mea e tōkehea mai i te Tūlāfono, ke pa lava ki he koma pe he mataituhi — heiloga kua taunuku nā mea uma.#5.18 taunuku nā mea uma; pe taunuku uma ana akoakoga. 19Ko te mea ia, ko ai lava e hē uhitaki, e tuha lava pe ko te fakatonuga ia e pito hili ona taigole tona tāua, ma akoako e ia iētahi tino ke fakatakitaki ake ki a te ia, ka kavea ia ma tino e hili atu te hē tāua i te Mālō o te lagi. Kae ko ai lava e uhitaki ma akoako e ia iētahi tino ke fakatakitaki ake ki a te ia, ka kavea ia ma tino e tāua lahi i te Mālō o te lagi. 20Auā e lea atu au ki a te koutou, e fātoā mafai oioti koutou ke hao atu ki te Mālō o te lagi, pe kāfai e hili atu te koutou fakamāoni i te tauhi ki nā Tūlāfono, i lo nā faiakoga o te Tūlāfono ma te kau Falehaio.
Akoakoga e uiga ki te Ita
(Luka 12.57-59)
21 #
Eho 20.13; Teu 5.17 “Kua fakalogo koutou ki nā akoakoga nae fai ki tagata i nā aho kua leva, ‘Koutou nahe tāmate tino; ko te tino e fai e ia te mea tēnei, ka kave ki te fakamahinoga.’ 22Kae ko au e lea atu nei ki a te koutou, ko ai lava e ita#5.22 ko ai lava e ita; ko iētahi tuhituhiga e vē mai ko ai lava e hēai he māfuaaga e ita ai. ki tona uho, ka kave ki te fakamahinoga; ko ai lava e lea vē ki tona uho, ‘E hēai hō aogā!’ ka kave ki te Taupulega, ma ko ai lava e taku e ia tona uho ko he mea valea, e ono togi ki loto o te afi o kēna. 23Kāfai la kua hāuni atu tau tāulaga ki te Atua i te fata faitāulaga kae manatua e koe i kinā, e i ei he mea e hē fiafia ai tō uho ki a te koe, 24tuku tau tāulaga i mua o te fata faitāulaga kae fano oi fakalelei muamua ma tō uho, oi fātoā hau ai oi ofo atu tau tāulaga ki te Atua.
25“Kāfai he tino e fai hana tagi ma mōlia koe ki te fakamahinoga, teuteu vave te koulua va koi i ei he taimi ka ko hēki pa koulua ki mua o te fakamahinoga. Auā e pa loa koulua ki ei, oi ka tuku atu ai loa koe e ia ki te fakamahino, oi tuku atu ai koe ki leoleo, oi togi ai koe ki loto o te falepuipui. 26I kinā, e lea atu au ki a te koe, ka nofo ai pea koe ke pa lava ki te taimi e uma ai te totogi o te toe hene o tau hala.
Akoakoga e uiga ki te Mulilua
27 #
Eho 20.14; Teu 5.18 “Kua fakalogo koutou ki nā akoakoga, ‘Koutou nahe mulilua.’ 28Kae ko au e lea atu nei ki a te koutou: ko te tino e kikila ki he fafine ma nanau ki ei, kua agahala ia i te mulilua i tona loto. 29#Mat 18.9; Mlk 9.47Ko te mea ia, kāfai ko tō mata taumatau te māfua ai oi agahala koe, gape kehe oi tīaki. E hili atu te māumau o hō itūtino i lo te togi o tō tino kātoa ki kēna. 30#Mat 18.8; Mlk 9.43Ma kāfai ko tō lima taumatau te māfua ai oi agahala koe, tipi kehe oi tīaki. E hili atu te māumau o hō lima i lo te togi o tō tino kātoa ki kēna.
Akoakoga e uiga ki te Tatala Āvaga
(Mataio 19.9; Maleko 10.11-12; Luka 16.18)
31 #
Teu 24.1-4; Mat 18.8; Mlk 9.43 “E lea mai foki nā akoakoga, ‘Ko te tino e tatala e ia tana āvaga, e tatau ke ia fōkia ki te fafine he pepa fakamāonia ko te lā āvaga kua tatala.’ 32#Mat 19.9; Mlk 10.11-12; Luk 16.18; 1 Kol 7.10-11Kae ko au e lea atu nei ki a te koutou: ho he tamāloa e tatala e ia tana āvaga i he māfuaaga e kehe mai i lo te kua hē fakamāoni o te fafine, kua fai e ia te mea e mulilua ai tana āvaga; ma ko ai lava e fakaipoipo ki he fafine kua tatala tana āvaga, kua agahala foki ia i te mulilua.
Akoakoga e uiga ki nā Tautōga
33 #
Lev 19.12; Nūm 30.2; Teu 23.21 “Kua fakalogo foki koutou ki nā akoakoga nae fai ki tagata i te kāloā, ‘Nahe kē tautō pepelo, kae fakatino nā mea kua uma tō tautō ki te Aliki e fai e koe.’ 34#Iak 5.12; Iha 66.1; Mat 23.22Kae ko au e lea atu nei ki a te koutou: nahe koutou tautō kāfai e fai ni autou folafolaga. Nahe koutou tautō ki te lagi, auā ko te nofoāliki tēnā o te Atua; 35#Iha 66.1; Hal 48.2pe ko te lalolagi, auā ko te mea ia e mapu ki luga ona vae; pe ko Ieluhalema, auā ko te kakai tēnā o te Tupu hili. 36Nahe tautō foki ki outou ulu, auā e hē koutou mafaia oi fakahinā pe fakauliuli he lāulu e fokotahi. 37Kae lea oioti, ‘Io’ pe ‘Hēai’ — ko ho hētahi mea e lea ai koutou, e mai te Tiāpolo.
Akoakoga e uiga ki te Tauimahui
(Luka 6.29-30)
38 #
Eho 21.24; Lev 24.20; Teu 19.21 “Kua fakalogo koutou ki nā akoakoga, ‘E hui te mata i te mata, ma te nifo i te nifo.’ 39Kae ko au e lea atu nei ki a te koutou: nahe tauia e koutou he mea kino a he tino na fai ki a te koutou. Kāfai tō pakōkō taumatau e po e he tino, liliu ki ei tētahi pakōkō. 40Kāfai he tino e fai hana tagi ki te fakamahinoga ki tō kofutino, fōki foki mo ia tō peleue. 41Kāfai koe e fakamālohia e he fitafita a he vaegākau mai he tahi atunuku kua pukea tō fenua, ke amo tana taga mo he maila, oi amo mo he lua maila. 42Kāfai he tino e gogō atu ki hau mea, fōki ki ei; kāfai he tino e fia fakaaogā e ia hau mea, fōki ke fakaaogā e ia.
Alolofa ki nā Tino e fai koutou ma o lātou Fili
(Luka 6.27-28, 32-36)
43 #
Lev 19.18
“Kua fakalogo koutou ki nā akoakoga, ‘Alofa ki au uō, kae ita ki nā tino e fai koe ma o lātou fili.’ 44Kae ko au e lea atu nei ki a te koutou: alolofa ki nā tino e fai koutou ma o lātou fili, ma tatalo mo ki lātou e fakahāuā atu ki a te koutou, 45kae ke kavea ai koutou ma fānau a te koutou Tamana i te lagi. Auā e fakapupula e ia te la ki tagata lelei ma tagata kino, ma fakamaligi ifo te ua ki a te ki lātou e āmiotonu ma ki lātou e āmiokino. 46Auā kāfai koutou e alolofa oioti ki nā tino e alolofa atu ki a te koutou, he ā te ka maua tauanoa ai he koutou taui? E pa foki lava ki nā aolāfoga e fai e ki lātou te mea tēnā! 47Ma kāfai koutou e fakataumuna oioti ki autou uō, kua koutou faia nei he mea e kehe mai nā mea e fai e iētahi tino? E pa foki lava ki tagata nukukehe e fai e ki lātou te mea tēnā! 48#Lev 19.2; Teu 18.13E tatau koutou ke lelei kātoatoa — ke vē ko te koutou Tamana i te lagi e kātoatoa tona lelei.
ప్రస్తుతం ఎంపిక చేయబడింది:
Mataio 5: TNT
హైలైట్
షేర్ చేయి
కాపీ
మీ పరికరాలన్నింటి వ్యాప్తంగా మీ హైలైట్స్ సేవ్ చేయబడాలనుకుంటున్నారా? సైన్ అప్ చేయండి లేదా సైన్ ఇన్ చేయండి
Tokelauan New Testament © Bible Society New Zealand, 2009.
