Bwób Zitül 10
10
Noan Olmalab Olmalbobatal
(1 Krronikol 1:5-23)
1Ini Noan simanal olmalab ngiko, Syem, Am, akó Zeipet, akó i nibiób balngenóp naiz kakóm.
Zeipetón Olmalbobatal
2Zeipetón simanal olmalab ngi idipako:
Gomerr, Magog, Madae, Zaban, Tubal, Mesek, akó Taerras, tibiób olmalbobatalpükü.
3Gomerrón olmalbobatalab zitül we kla kwarilürr:
Askenaz, Rripat, akó Togarrma, tibiób pamkolpampükü.
4Zabanón olmalbobatalab zitül we kla kwarilürr:
Ilaesya pamkolpam, Tarrsyis pamkolpam,#10:4 Tarrsyis pamkolpama Spein kantrridü ngyabenónóp. Spein Yurrop kugupidüma. Kit pamkolpam,#10:4 Kit pamkolpama Saeprrus kaodó ngyabenónóp, Grris kantrridü. akó Rrodes pamkolpam.#10:4 Rrodes pamkolpama Rrodes kaodó ngyabenónóp, Grris kantrridü. 5Da olgab bürrgrrütóp, ngiIsbürra malu kabedó akó ngibürra kaodó we barselórr. Zeipetón olmalbobatal we kla kwarilürr.#10:5 Ngibürr Ibrru bóktane tange wibalómórrón Bwób Zitülpebadó ini bóktan opor wialómórrón babulako: Zeipetón olmalbobatal we kla kwarilürr. I blamana zitül-zitül we ngyabenónóp tibióban tüpdü, akó ibü ta tibióban bóktan asi kwarilürr.
Amón Olmalbobatal
6Amón simanal olmalab ngi idipako:
Kus, Mizrra-im,#10:6 Mizrra-im pamkolpama Izipt kantrridü ngyabenónóp. Put,#10:6 Put pamkolpama Libia tüpdü ngyabenónóp. akó Keinan, tibiób olmalbobatalpükü.
7Kusün olmalbobatalab zitül we kla kwarilürr:
Syeba, Abila, Sabta, Rra-ama, akó Sabteka, tibiób pamkolpampükü.
Rra-aman olmalbobatalab zitül we kla kwarilürr:
Syeba akó Dedan pamkolpam.
8Kus Nimrrodón ab yarilürr. Nimrrod tüób ini tüpan ngaen-gógópan wirri arüng gazirr pam yarilürr. 9Wa ta wirri arrak pam yarilürr ⌊Lodón⌋ obzek kwata,#10:9 LODón obzek kwata: Mi tai umul-kókakla oya küp laróga. Ngibürr Godón Bukbóka wirri umul pama bóktandako oya küp inzana wagó, Nimrrod kari arrak pam koke yarilürr. Ngibürra ma bóktandako wagó, Nimrrod wirri arrak pam yarilürr Lodón tangbamtindügab. A ngibürra ma bóktandako wagó, Nimrrod Lodka bóka bamgün yarilürr. da i igósidi bóktan kwarilürr pambóka wagó: “Wa Nimrrodzan arrak pama Lodón obzek kwata.” 10Oya kingan balngomól bwóban ngaen-gógópan wirri basirr ngi módó kwarilürr: Babel, Errek, Akad, akó Kalne,#10:10 Kalne: Ngibürr Ibrru bóktane tange wibalómórrón pebadó Kalnebabula: oya pabodó blaman aüdangrirrüna; blaman ene aüd wirri basirr Babilonia kantrridü kwarilürr. Babilonia#10:10 Babilonia, darrü ngi módóga Ibrru bóktane: Syinarr. kantrridü. 11Olgab wa we wamórr ama Asirria kantrridü, ó wa ngibürr wirri basirr balmelórr: Ninebe, Rreobot-Irr, Keila, 12akó Rresen wirri basirr, Ninebe akó Keila, ibü aodóma.
13Mizrra-imün olmalbobatalab zitül we kla kwarilürr:
Lud, Anam, Le-ab, Naptu, 14Patrrus, Kaslu (Pilistia pamkolpama noakagabi togobórr#10:14 Pilistia pamkolpama Krrit kaodó ngyabenónóp. ), akó Kaptorr, tibiób pamkolpampükü.
15Keinanón nis siman olom nis ilngumilürr:
Sidon, oya ngaen olom, akó Et. 16Wa ta akó ibü abbobat yarilürr: Zebus, Amorr, Girrgas, 17Ib, Arrk, Sin, 18Arrbad, Zemarr, akó Amat, tibiób pamkolpampükü.
Ene kakóm, Keinanón pamkolpama zitül-zitül we barsenórr, 19da ibü tüpa wirri bailürr, tai Saedon wirri basirrdügab, ama Gerrarr wirri basirrdübóna, tai kókó Gaza wirri basirr amrran, ó akó ama Sodom, Gomorra, Adma, akó Zebo wirri basirrdübóna, pamkolpama ne ngyabenónóp, tai kókó Lasa amrran.
20Amón olmalbobatal we kla kwarilürr. I blamana zitül-zitül we ngyabenónóp tibióban tüpdü, akó ibü ta tibióban bóktan asi kwarilürr.
Syemón Olmalbobatal
21Syem, Zeipetón naret, wa blaman Ibrru pamkolpamab#10:21 Ibrru ngi Eberr ngidügab tamórr. Ibrru pamkolpam Eberrón olmalbobatal kwarilürr (10:24-25). abbobat yarilürr.
22Syemón simanal olmalab ngi idipako:
Ilam, Asyurr, Arrpaksad, Lud, akó Arram, tibiób olmalbobatalpükü.
23Arramón olmalbobatalab zitül we kla kwarilürr:
Uz, Ul, Geterr, akó Mesek,#10:23 Ngibürr Mórrke-mórrke Godón Bukdü inzan angrirrüna: Mas. tibiób pamkolpampükü.
24Arrpaksad Syelan ab yarilürr,
akó Syela ma Eberrón ab yarilürr.
25Eberrón nis olom nisa tómtómórri:
darrüpan ngi Peleg#10:25 Peleg ngian küp módóga: syórr bangón. yarilürr, zitülkus oya ngyaben tonarrdó tüpan pamkolpama ugón syórr bangónórr. Oya zoretan ngi ma Zoktan yarilürr.
26Zoktanón olmalbobatalab zitül we kla kwarilürr:
Almodad, Syelep, Azarrmabet, Zerra, 27Adorram, Uzal, Dikla, 28Obal, Abima-el, Syeba, 29Opirr, Abila, akó Yobab, tibiób pamkolpampükü. Ini blaman Zoktanón olmalbobatal kwarilürr.
30I ne tüpdü ngyabenónóp, tai igó wamlórr Mesya bwóbdügab ama Separr bwóbdübóna, podopükü bwóbdü, abüsa nólgabi banikda.
31Syemón olmalbobatal we kla kwarilürr. I blamana zitül-zitül we ngyabenónóp tibióban tüpdü, akó ibü ta tibióban bóktan asi kwarilürr.
32Ini blaman Noan olmalbobatal we kla kwarilürr; tibiób abankwata akó guankwata ini pebadó wialómórrónako. Naiz nae kakóm, blaman ini tüpdü pamkolpama ibükagab barselórr.
ప్రస్తుతం ఎంపిక చేయబడింది:
Bwób Zitül 10: TOF
హైలైట్
షేర్ చేయి
కాపీ
Want to have your highlights saved across all your devices? Sign up or sign in
© 2019, Wycliffe Bible Translators, Inc. All rights reserved.
