NINGPAWT NINGHPANG 7
7
Sha-u
1Dai Madu gaw Noa hpe, “Nang hte na a nta masha ni yawng dai sanghpaw li kata de shang manu; ndai mungkan ga yawng hta jaw ai amu galaw ai gaw nang chyu sha rai nga ndai hpe ngai mu se ai. 2Nang hte rau san seng ai dusat yam nga shagu hta na ayi ala sanit nit; n san n seng ai dusat yam nga hta na chyawm gaw gup gup hpe sha nang jashawn na rai ndai. 3Ntsa malen u amyu shagu hta na mung gup sanit hpe bang da na rai ndai. Dai amu hpe galaw u, shaloi ginding aga ntsa e bai pra wa na matu dai dusat yam nga amyu shagu hte ntsa malen u amyu shagu hte gaw hkrung nga na mara ai. 4Dai ni kaw nna sanit ya du jang, shani mali shi ya, shana mali shi na tup, ga ntsa de ngai marang jahtu dat na nngai; shing rai ngai hpan da sai hkrung mahkrung mahkra hte hpe shamyit kau na nngai,” ngu nna tsun wu ai. 5Dai Madu hkang da sai hte maren, lam shagu hte hpe Noa galaw wu ai.
6Ginding aga ntsa e sha-u ing ai shaloi, Noa gaw 600 ning rai nga ai. 7Shi hte shi a madu jan, shi a shadang sha ni hte shanhte a madu jan ni gaw sha-u sha-ing ai kaw nna lawt lu hkra nga, sanghpaw li kata de shang ma ai. #Mat 24:38-39; Luk 17:27. 8Karai Kasang hkang da nu ai hte maren, san seng ai hte n san n seng ai dusat yam nga amyu shagu hta na mung, 9ntsa malen u ni hta na mung, ayi ala lahkawng hkawng, Noa hte rau dai sanghpaw li kata de shang wa ma ai. 10Dai sanit ya nhtoi du jang, sha-u sha-ing ai gaw du sai.
11Noa a asak kru tsa ning du ai shaning a shata lahkawng a shi sanit ya shani e nan, aga a kata de nga ai hka hpungtun ni yawng kapaw pru wa nna sumsing lamu na sha-u chyinghka ni hpaw malang mat wa ai hte, 12shani mali shi ya, shana mali shi na tup, ga ntsa e marang ahtu nga ai. 13Dai shani jang, Noa hte shi a madu jan, shan a shadang sha masum rai nga ai Shem, Ham, Yahpet ni hte shanhte a madu jan ni gaw sanghpaw li kata de shang ma ai. 14Shanhte hte nawng ni ai, zai ai, kaji ai, kaba ai n nga dusat yam nga amyu shagu hte 15ntsa malen u amyu shagu hte hta na ayi ala lahkawng hkawng hte gaw Karai Kasang hkang da sai hte maren, 16Noa hte rau dai sanghpaw li kata de shang ma ai. Dai hpang dai Madu gaw Noa hpe kata e la sharawng da wu ai.
17Dai sha-u sha-ing ai gaw nhtoi mali shi ya tup matut ing nga ai rai nna, sanghpaw li shawaw mat wa na matu hka ni tung rawt wa nga ai. 18Dai hka gaw grau nna tung jat wa magang sanghpaw li gaw hka ntsa e yawng nang magang rai nga ai. 19Dai hka gaw grai tung lung wa ai rai nna tsaw htum ai bum ni hpe pyi lim kau nga ai. 20Dai hka gaw bum pungding kaw nna ntsa de pe 25 tawt hkra naw tung rawt nga ai. 21Ginding aga ntsa e shanu nga ai hkrung mahkrung shagu ngu na ntsa malen u mung, yam nga mung, shinggyim masha shagu mung si mat nga ai. 22Ginding aga ntsa na nsoi nsa rawng ai nga manga hte mung si mat ma ai. 23Dai Madu gaw ga ningtsa na hkrung mahkrung mahkra ngu na shinggyim masha, yam nga hte ntsa malen u ni hpe atsai awai jahten kau wu ai. Noa hte dai sanghpaw li kata na shi hte rau rawng ai ni chyu sha ngam nga ma ai. 24Dai hka gaw nhtoi latsa e manga shi ya du hkra yawm mat nga ai n rai.
ప్రస్తుతం ఎంపిక చేయబడింది:
NINGPAWT NINGHPANG 7: JCLB
హైలైట్
షేర్ చేయి
కాపీ
Want to have your highlights saved across all your devices? Sign up or sign in
Jinghpaw Common Language Bible © Bible Society of Myanmar, 2009.