1Mos. 11
11
Menara Babel
1Kapanandatnia, sabangsa ka sangalio polak sara le nganga samba sia masipakei tiboiet simakere. 2Kateteret arapujaujau ka isit kabelaiat sulu, sege sia kasara polak simalio ka Babilonia, lepa kuddu sia sedda. 3Patiborangan pasasambatda, “Konan tagalaikam bukku bagata samba laborangannia terei imakela.” Kisedda te aibara bukku bagata addeat bukkut lalep samba ter addeat pasiottotnia. 4Kuarangan, “Konan tarioakekam laggai pasamba sara menara tu'tunia teret ka manua, bule tuabeu sita samba ta'ipasasaragai sita ka sangliao polak.”
5Iageti gorosot si Tuhan masiitco laggai samba menara sirioakenen sirimanua. 6Lepa Kuanangan, “Sia nene sara bangsa sara nganga, samba nene sibau rataadaake sibara ka pinaatutra. Taan mauuju minca momoi le ragalaiake geti apa siobakat bagatra. 7Simaerunia tugororot le Sita samba masipakatai ngangandra bule pasasambagatra taan paagai sia.” 8Kise te aipasabu sia si Tuhan ka sangalio polak. Lepa ari sia masirioake laggai nenda. 9Aipoi laggai nenda tukau oni Babel, kalulut sedda poi aipakatai si Tuhan nganga sangamberi bangsa samba barania sedda ipasabu sia si Tuhan ka sangalio polak.
Punuteteu Sem
10 #
1Mos. 1:24-27
Nene te sapunuteteu Sem. Rua ngarura lepat eba sabeu, kateteret ai si Sem sangotu ngarura, bara togania sara simanteu sipuoni si Arpakhsad. 11Lepa nenda murimanua peilenia limangotu ngarura minca, samba bara tatoga begei.
12Kateteret si Arpakhsad ainia telu pululima ngarura, bara togania simanteu, oninia si Selah. 13Lepat nenda si Arpakhsad murimanua peilenia epat ngotutelu ngarura minca.
14Kateteret si Selah ainia telupulu ngarura, bara togania simanteu, oninia Eber. 15Lepa nenda si Selah murinanua peilenia epat ngotutelu ngarura minca, samba bara tatoga minca.
16Kateteret si Eber ainia telupuluepat ngarura, bara togania simanteu, oninia Peleg. 17Lepa nenda si Eber marimanua peilenia epat ngotutelu ngarura minca, samba bara tatoga bagei.
18Kateteret si Peleg ainia telupulu ngarura, bara togania simanteu, oninia Rehu. 19Lepa nenda si Peleg murimanua peilenia rua ngotusiba ngarura minca, samba bara tatoga bagei.
20Kateteret si Rehu ainia telu pulu ruangarura, bara togania simanteu, oninia Serug. 21Lepa nenda si Rehu murimanua peilenia ruangotu pitu ngarura minca samba bara totoga bagei.
22Kateteret si Serug ainia telu pulu ngarura, bara togania simanteu, oninia Nahor. 23Lepa nenda si Serug murimanua peilenia ruangotungarura minca, samba bara tatogania bagei.
24Kateteret si Nahor ainia rua pulusiba ngarura, bara togania simanteu, oninia Tera. 25Lepa nenda si Nahor murimanua peilenia sangotu pulusiba ngarura minca samba bara tatoga bagei.
26Lepa nenda si Terah ainia pitupulu ngarura, bara telu togania simanteu, iate si Abram, Nahor samba Haran.
Punuteteu Terah
27Nene te sapunuteteu Terah: Terah ukkui Abram, Nahor samba Haran. Si Haran ai togania simateu, oninia si Lot. 28Aimatei si Haran ka laggai pututukatmatania, iate Ur ka Kasdim, kateteret aipeile muririmanua ukkuinia. 29Si Abram mutalimou kai Sarai, samba si Nahor mutalimou kai Milka togat Haran sinanalep. Si Haran aipeile togania simanteu bagei oninia Jiska. 30Si Sarai nene sitaipususule le.
31Kaddiuakenangan si Terah laggai Ur ka Babilonia pasamba si Abram togania, si Lot punuteteunia, samba si Sarai talikunia, iate sinanalep Abram. Pinaatunia ioba mei ka laggai Kanaan. Tapoi kele aisege ka Haran, mukuddu sia sedda. 32Samba ka kudduat sedda leuet matei si Terah, katetere ainia ruangotu limangarura.
ప్రస్తుతం ఎంపిక చేయబడింది:
1Mos. 11: MWV
హైలైట్
షేర్ చేయి
కాపీ
మీ పరికరాలన్నింటి వ్యాప్తంగా మీ హైలైట్స్ సేవ్ చేయబడాలనుకుంటున్నారా? సైన్ అప్ చేయండి లేదా సైన్ ఇన్ చేయండి
