Matayo 8
8
OW’OMUBILI NAKIZIBWA. — OMWIRU W’OMUKURU W’ABASIRIKALE IGANA.
1Mbe ka yahanantukire h’ebanga, embaga ningi y’abantu nemuruba. 2Aho ow’omubili naiza, namuhabudu nagira ati: Mukama wange, okayenda, okuhicha kunkiza. 3Yezu nagorora omukono namukwataho, nagira ati: Nkwenda, nokire. Aho n’aho omubili gwe nigukira. 4Yezu namugambira ati: Lora, otagambira muntu, nawe nogende oyeyoleke omusaserdoti, ohereze omuherezo ogwo Musa yalagire gw’ekimanyisyo#8, 4 Mu naku z’Omuchunguzi wetu ab’omubili basororwaga kutura bonka haraho n’amaka, bateririra abazima. Bamaraga kwehulira, baliga balagirwe kuza ha musaserdoti, abafuhe kusuba mu maka kutura n’abantu. — Yezu akuzibira ow’omubili kutengera abandi nk’okwo yamukiza, abahate be batamuchubira, bakazazahara mu myoyo zabo..
5Yezu ka yahikire Kafarnahumi, omukuru w’abasirikale igana namwizaho, namusaba, 6nagira ati: Mukama wange, omwiru wange amamire mu ka, alemahere, akusaswa muno. 7Yezu namugambira ati: Nkwiza kumukiza. 8Omukuru w’abasirikale igana nasubamo ati: Mukama wange, ine timpikire iwe otahe mu nzu yange, nawe nogambe kigambo kimo chonka, omwiru wange akukira. 9Kuba ine, naho ndi muntu atwerwe ondi, ndi n’abasirikale bange; ka nkugambira onu nti: Roko, yagenda; kai oliya, nti: Iza, yeza; n’omwiru wange, nti: Kora kinu, yakola. 10Yezu ka yahulire atyo, nakuma nagambira abamurubaga ati: Koto nkubagambira nti: tinkabonaga kwikiriza kuli kutyo mul’Israeli. 11Mbe nkubagambira nti: Bengi baliruga obuturuka n’obugw’ezoba, balikara na Ibrahimu na Izaki na Yakobo mu bukama bwo mw’igulu; 12nawe abana b’engoma balinagwa mu mwirima gwa hanza, eyo haliba kulira no kuteranisy’ameno#8, 12 Omukuru ogwo yaliga ali musenzi. Yezu namusimira kwikiriza kwe kwingi, kandi nalaga okwo ihanga ly’Abayahudi lilayangwa, kai ha mwanya gwalyo amahanga gandi gona gaikirize kubatizibwa no kuruba edini ekomereze.. 13Aho Yezu nagambira omukuru w’abasirikale igana ati: Roko, ogirwe nk’okwo wekiriza. Mbe omwiru we nakira katungu ako.
NINAZARA PETRO N’ABALI N’AMASITANI NIBAKIZIBWA. — KUSIGA BYONA.
14Yezu ka yahikire mu nzu ya Petro, nasanga ninazara arwere omuswiza, amamire. 15Namukwata omukono, omuswiza nigumuhwaho; naimuka nabakolera. 16Mbe ka habere bwebazo, nibamuletera bengi abali n’amasitani, nairucha amasitani n’ekigambo che, nakiza abarwere bona; 17niho nikihika ekigambo echagambirwe omulagi Izaiya, ati: Akayanankula obubi bwetu, natwara endwara zetu.
18Mbe Yezu ka yabwene embaga ningi y’abantu emuzongere, nalagira kwambuka ngego endi. 19Aho nihezaho omwandiki omo, namugira ati: Mwolekerezi, nkwenda kukuruba buli honahona aho olazaga. 20Yezu namugambira ati: Zinamubwebwe zili n’amena, n’enoni zo mu lutumba zona zili n’obwari, nawe Omwana w’omuntu#8, 20 “Omwana w’omuntu” nikwo kugira oti: Mwende Adamu. niwe atali n’aho kwesagura omutwe gwe. 21Kai ondi wo mu bahemba be namugambira ati: Mukama wange, nonsindike ntandike kuza kunaga tata. 22Yezu namugira ati: Nondube, oleke abafu banage abafu babo#8, 22 Ebigambo binu bya Yezu bili n’ensonga zinu: leka abantu abatali n’enema n’abakwanga obukama bwo mw’igulu bazongoke mu magambo go mu nsi, go kuzika abafu, n’ebindi bityo: niz’emilimo zibengene kimo. Nawe iwe olagirwe omulimo guhikire kukiraho, nikwo kunduba no kusomborera abantu amakuru g’Evanjeli..
EKIHULE MU NANZA. — AB’AMASITANI BA GERAZA.
23Mbe nahanama mu bwato, abahemba be nibamuruba. 24Mbe aho ekihule ch’omuyaga mwingi nikisyora mu nanza, obwato nibwenda kwefumibwa amakonzo; nawe wenene yaliga anagire. 25Abahemba be nibamwiriraho, nibamusisimura, nibagira bati: Rugaba, otukize, twafwa. 26Yezu nabagambira ati: Mukutina ki, imwe abo kwikiriza kuke? Mbe naimuka, nalagira omuyaga n’enanza, nibichulera koto. 27Abantu nibakuma muno, nibagira bati: Onu ali ata si, owe omuyaga n’enanza bikuhulira?
28Ka yahikire mwambu gundi mu nsi y’Abanageraza, nabugangana n’abantu babili bali n’amasitani, nibaruga mu bituro, bali basazi koto, hataliho muntu ayahichaga kuraba omuhanda ogwo. 29Nibahamuka nibagira bati: Tuli na ki n’ewe, Yezu Mwana wa Mungu? Si wezire kutunaranaza, omwanya gutakabere? 30Hehi aho na bonene haliga haliho ekihyo ch’engurube ningi nizilya. 31Mbe amasitani nigamusaba nigagira gati: K’olatwirucha, otusindike tuze mu kihyo ch’engurube. 32Wenene nagagambira ati: Nimugende. Gonene nigarugamo nigagenda mu ngurube; mbe ekihyo chona nikilengetukira mu nanza mani mani, nikifwera mu menzi. 33Abalisya niberuka nibahika mu maka, nibagamba byona eby’abaliga bali n’amasitani. 34Echaro chona nikimuka kuza kwesungana Yezu; ka bamubwene, nibamusaba aruge mu nsi yabo.
ప్రస్తుతం ఎంపిక చేయబడింది:
Matayo 8: KED1946
హైలైట్
షేర్ చేయి
కాపీ
మీ పరికరాలన్నింటి వ్యాప్తంగా మీ హైలైట్స్ సేవ్ చేయబడాలనుకుంటున్నారా? సైన్ అప్ చేయండి లేదా సైన్ ఇన్ చేయండి
First published in 1946 by the White Fathers. Published online with the permission of the White Fathers.
