लूका 20:46-47

“मोशाकु डु़म्‍ला सीपा पातु़म्‍रीमिमडाम चङचङया बानी वो, माम्‍चु़नीकु लाम्‍दीडा लाम्‍दिपा होङङा ल्‍वाम्‍सिमु लागि क्‍वा लु़पा हुम-ये फसिक्‍साका आनो-मेनो लाम्‍दिपा, मा मु़चु़मिमकु ङादोडा सेव सान्‍ला सो़सिक्‍पा, घ्रो़म्‍दीनेमडा ङादोनोम डोक्‍पु ङाउमिम गन्‍खोपडा गन्‍मु माल्‍पा, मा ग्रुला पेखोपडाम डोक्‍पु मु़चु़ गन्‍खोपडा गन्‍मु माल्‍मी। मेर्मिमका अर्दोमेकु खाप्‍ची लु-फेले बोमिमा पोम्‍सामी, माम्‍चु़नीकु लाम्‍दीडा लाम्दिपा लिम्‍सिमु लागि छो़म दु़पा सो़म्‍दी बोमी। माम्‍चु़नीका मेर्मिमलाई छो़म इम्‍मु मेझापा देन्‍दे ग्‍वामी।”