A Zã koe‑noogo 2
2
Yi-kãadem sẽn zĩnd Kana
1Dasem a tãab rẽnda zugẽ, yi-kãadem n zĩnd Galɩle Kana. A Zeezi ma rag n bee be. 2La b boola a Zeezi me ne b karen-biisã tɩ b wa yi-kãadmã. 3La reezẽ rãamã sẽn paooge, a Zeezi ma wã yeela lame: «Nebã ka leb n tar reezẽ rãam ye.» 4A Zeezi leoka lame: «Paga, bõe n be maam ne fo sʋka? Mam wakatã nan ka ta ye.» 5Bãmb ma wã yeela tʋmtʋmdbã tɩ b maan bũmb ning fãa a Zeezi sẽn na n yeel-b tɩ b maane. 6Sĩms a yoob sẽn pees ne kug n dag n be be, tɩ b ningd koom tɩ Zʋɩf-rãmbã tar n yɩlgd‑b mens wa sẽn zems bãmb miningu, la a yembr fãa tõe n deega ko-yʋy a naas bɩ a nu koom. 7A Zeezi yeel-b lame tɩ b pids sĩmsã ne koom, la b pids-b la pal-pale. 8La a Zeezi yeel-b lame: «Toog‑y moasã n tɩ kõ ned ning sẽn get-a rɩɩbã pʋɩɩb yellã.» La b tallame n tɩ kɩs-a. 9Sẽn get-a rɩɩbã pʋɩɩb yellã fʋrga koomã sẽn tedg n lebg reezẽ rãamã. Yẽnda rag n ka mi reezẽ‑rã‑kãng sẽn yitẽ ye, la tʋmtʋmdb nins sẽn wi-b koomã rag n miime. 10A boola pʋg-paalã sɩd n yeel-a: «Ned fãa rengd n kõo nebã reezẽ rã‑sõngã, tɩ nebã nens sã n wa n yuusdẽ, bɩ a yaool n kõ-b reezẽ rãam ning sẽn ka-a sõama zãngã. La foom, fo bĩnga reezẽ rã‑sõngã hal tɩ ta moasã.»
11Bõn-bãnã a Zeezi sẽn maanã sɩnga a woto Galɩle Kana. Bãmb wilga b ziiri, la bãmb karen-biisã tẽe bãmba. 12#Mat 4.13Rẽ poore, bãmb kẽnga Kapɛrnaom ne b ma wã, la b ma-bi-raopã, ne b karen-biisã, tɩ b tɩ zĩnd be rasem bilf bala.
A Zeezi riga koaasdb wẽnd doogẽ wã
(Mat 21.12-17, Mark 11.15-19, Luk 19.45-48)
13 #
Yik 12.1-27
Zʋɩf-rãmbã Pakã tigr dag n kolgame, la a Zeezi kẽnga Zeruzalɛm. 14Bãmb tɩ yãame tɩ neb n dag n zĩ wẽnd doogã zakẽ n koosd niigi, piisi, la manwalla. 15A Zeezi rɩka wĩy n kal n maan kaase, n dig bãmb fãa tɩ b yi wẽnd doogã zakẽ, la b riga piisã ne niigã, la b sãeeg ligd tɛkdbã ligdi, la b leeb taabl-dãmbã, 16la b yeel man-wal koaasdbã yaa: «Yiis-y yõwã kaanẽ. Da rɩk-y mam ba wã roog tɩ yɩ leebg zĩig ye.» 17#Yɩɩn 69.10Bãmb karen-biisã tẽegame t'a gʋlsame:
«Yãmb roogã nonglem na n sooga maam zãnga.»
18Zʋɩf-rãmbã goma ne a Zeezi n yeele: «Bõe bãnd la yãmb na n wilg tõndo, n wilg tɩ yãmb tara noor tɩ maan bõn-kãnga?» 19#Mat 26.61, 27.40, Mark 14.58, 15.29A Zeezi leoka bãmb n yeele: «Sãam-y wẽnd do-kãngã, la rasem a tãab pʋgẽ, mam na lebs-a n me.» 20Dẽ, Zʋɩf-rãmbã yeela bãmb yaa: Yaa yʋʋm pis-naas la a yoob pʋgẽ la b rɩk n tõog n me wẽnd do-kãngã n sa, tɩ fo na n wa n lebs-a n me rasem a tãab pʋgẽ? 21La a Zeezi dag n gomda b yĩngã sẽn yaa wẽnd doogã yelle. 22Bãmb sẽn wa n vʋʋg n bas kũumã, b karen-biisã tẽegame t'a Zeezi dag n yeela a woto, la b tẽe Wẽnnaam gʋls-sõamyã ne gomd ning a Zeezi sẽn dag n gomã.
A Zeezi mii nebã fãa
23Bãmb sẽn dag n be Zeruzalɛm Pakã tigrã wakatã, neb wʋsg tẽe bãmb yʋʋrã, b sẽn yã bãnã bãmb sẽn dag n maandã yĩnga, 24la sã n yaa ne a Zeezi, bãmb ka bas yard ne-b ye. Bala, bãmb dag n mi-b-la fãa, 25la bãmb dag n ka baood tɩ ned kɩs a to kaset ye, bala, bãmb mengã mii bũmb ning sẽn be ninsaal pʋgẽ.
ప్రస్తుతం ఎంపిక చేయబడింది:
A Zã koe‑noogo 2: MPBU
హైలైట్
షేర్ చేయి
కాపీ
మీ పరికరాలన్నింటి వ్యాప్తంగా మీ హైలైట్స్ సేవ్ చేయబడాలనుకుంటున్నారా? సైన్ అప్ చేయండి లేదా సైన్ ఇన్ చేయండి
Moore Bible © Bible Society of Burkina Faso, 2014.
