HLIMI 10
10
Tra ti hɛɛn
1Nyufafaʔa panma kruʔu ma, Nowe wi pii Sɛmu nì Syamu nì, ní Jafɛte nì à pe pii pèè he. Pe kluʔu pii pe yegee ké gee:
2Jafɛte pii pe yegee ké gee: Gomɛri, Magogi, Madayi, Yafan, Jubali, Mesyɛki ní Tirasi nì. 3Gomɛri wi pii pe yegee ké gee: Akenasi, Hrifate, ní Togarima nì. 4Yafan wi pii pé bee: Elisya, Tarisisi, Kitimu, ní Dodanime nì. 5Wa pe kluʔu ni hɛɛn tyɛnʔɛ fafaʔagaa ma nyini wa pe ni. Ki hɛɛn pé ma craʔa mà klɛn wa nyugbɔmo tanla dere tì bɛfu na mà yala pe hɛnrɛ yomo ní me.
6Syamu wi pii: Kusi nì, ní Misrayimu nì, Pute nì, ní Kana nì. 7Kusi wi pii pé bee: Seba nì, Hafila nì, Sabita nì, Hrayema nì, ní Sabiteka nì. Hrayema wi pii pé bee: Syeba nì, ní Dedan nì. 8Kusi wi dá Nimrode he. Nimrode wiì wi wi daʔa hlí mâ po drunya hɛnkpangbanŋa naʔa tra na de. 9Nimrode wi dá bo disonaŋa kpangbanŋa Bajegɔ Nyɛʔɛlɛ li yɛʔɛ̀ na ge. Kiì kɔsɔ na pé naʔa nyu ma yo: Disonaŋa kpangbanŋa Bajegɔ Nyɛʔɛlɛ li yɛʔɛ̀ na nɛ pa Nimrode nyɛ we. 10Wi klo kyɛkplɛrɛ ti yegee ké gee: Babɛli, Erɛki, Akadi, ní Kaline nì wa klo la ni pé na yeri Syineyari ge 11Nimrode wɔ̀ɔ bâ jɛ wa ki klo ni mà kɛri Asiri klo ni mà yâ Ninife kàʔà fan, ní Hrehobɔti nì we, ní Kala nì, 12ní ga nì pé na yeri Hrɛsɛn ga kí nyɛ wa Ninife nì, ní Kala kakpɔʔɔ ní pi kpafoʔo ni ge.
13Misrayimu wi dá bo bee tokpɔ pe yegee ké gee: Ludi woo, Anami woo, Lehabi woo, Nafitu woo, 14Patrusi woo, Kasilu woo ní bee pé nyɛ Filisite woo pe tokpɔɔ be, ni Kafitɔri woo ní be.
15Kana wi dá Sidon he. Wɔ̀ɔ po wi pikplɛɛ. Wɔ̀ɔ ní mà Ɛti he we nɛ. 16Wiì wi Yebusi woo ní Amori woo ní, ní Girigasi woo ní pe tokpɔ we, 17Ɛfi woo ní, Ariki woo ní, Sini woo ní, 18Arifadi woo ní, Semari woo ní, ní Amate woo ní. Ki kruʔu ma Kana kluʔu woo à pe bâ janmu pe na. 19Pe klo à li kpɔʔɔ fɔ mà jɛ wa Sidon na mà yâ no wa Gerare na, Gasa nì, mà kɛri wa Sodɔmu nì, Gɔmore nì, Adima nì, Seboyimu nì fɔ mà yâ no wa Lesya na we. 20Syamu wi pii pee bɛ, bee pe dá janmu mà yala pe kpoʔolomo ní, pe hɛnrɛ ní, ní pe klòʔo ní ge.
21Sɛmu ŋa Jafɛte wi lɛ we wi dá pii pèè he kpo. Wí nyɛ Ebɛri wi tokpɔ mà plɛn wi kluʔu woo pè bɛfu ní. 22Sɛmu wi pii pé bee: Elamu, Asuri, Aripakisade, Ludi ní Aramu nì. 23Aramu wi pii pé bee: Usi nì, Uli, Getɛri, ní Masyi nì. 24Aripakisade wi dá Syela he. Syela wɔ̀ɔ Ebɛri he. 25Ebɛri wi dá he pii syɛn. Kplɛɛ pe dáa wi yeri Pelɛgi. Ki na po pé yo konʔolomo, mɛjɛn nyiŋi ga na wii wi dá bo nyuwyeʔe na tra hɛɛn pè bɛfu à pe konʔolo pe na. Wi conlo pe dáa wi yeri Yokitan. 26Yokitan wɔ̀ɔ Alimodade he ní Syelɛfu nì, Asarimafɛte nì, Yera nì. 27Adoramu nì, Usali nì, Dikla ni, 28Obali nì, Abimayɛli nì, Saba nì, 29Ofire nì, Afila nì, Yobabe nì ki woo bee pè bɛfu pe dá bo Yokitan wiì pii. 30Pe dáa goro wa Mesya klɛnmɛ ní, ní Sefari angoro ní pi kpafoʔo ní yaa jɛhaʔa namyɛlɛ na le. 31Sɛmu wi kluʔu pii pee bɛ bee be. Pe dá janmu mà yala pe tyɛnʔɛ ní, pe hɛnrɛ ní wa klòʔo kè bɛfu ni.
32Ki dá bo banmɛ ge. Nowe wi pii à pe konʔolo pe na mâ yala pe kluru pii ní be klɛnmɛ klɛnmɛ Hɛɛn pè bɛfu bee naʔa tra na pé ma nyini wa pe kluru tiì ni mâ craʔa mà klɛn klɛnmɛ klɛnmɛ hɔgɔ kpangbanŋa tomo kruʔu ma ge.
ప్రస్తుతం ఎంపిక చేయబడింది:
HLIMI 10: NLK10
హైలైట్
షేర్ చేయి
కాపీ
మీ పరికరాలన్నింటి వ్యాప్తంగా మీ హైలైట్స్ సేవ్ చేయబడాలనుకుంటున్నారా? సైన్ అప్ చేయండి లేదా సైన్ ఇన్ చేయండి
Bible Society of Côte d'Ivoire
