Gyenesis 10
10
Noa ne Mba Hɔn Asefo
(1 Mbermunsɛm 1.5-23)
1Afei iyinom nye Noa ne mba, Sem, Ham nye Jafet hɔn ebusuasantsen a nsuyirii no n’ekyir no wɔwoo hɔn.
2Jafet ne mba nye Gomer, Magog, Madai, Javan, Tubal, Mesek, nye Tiras. 3Na Gomer ne mba nye Askenaz, Rifat, nye Togarma. 4Na Javan ne mba nye Elisa, Tarsis, Kittim, nye Dodanim. 5Woyinom hɔn mu na nsuano amanaman fi petsee hɔn asaase do, dɛ mbrɛ hɔn nyinara hɔn kasaa tse; dɛ mbrɛ hɔn ebusua ebusua tsetsee, wɔ hɔn amanaman mu.
6Ham ne mba nye Kus, Egypt, Put, nye Keenan. 7Na Kus ne mba nye Seba, Havila, Sabta, Raama, nye Sabteka: na Raama ne mba nye Seba, Dedan. 8Na Kus woo Nimrod: ɔno na ɔhyɛɛ ase yɛɛ ɔkatakyi wɔ asaase do. 9Ɔyɛɛ ɔbɔfo kɛse wɔ EWURADZE n’enyim: ma dɛm ntsi wɔse dɛ, ɔbɔfo a ɔyɛ kɛse wɔ EWURADZE n’enyim a ɔtse dɛ Nimrod. 10Na n’ahendzi n’ahyɛse nye Babel, Erek, Akad, nye Kalne, wɔ Sinar asaase do. 11Asaase no do na ofi kɔr Asiria, na ɔkɛkyekyeer Ninive, Rehoboth-Ir, nye Kala, 12na Resen kuropɔn a ɔda Ninive nye Kala ntamu no. 13Na Egypt woo Ludim, Anamim, Lehabim, Naftuhim, 14Patrusim, Kasluhim (a Filistiafo fiir hɔn mu no), nye Kaftorim.
15Na Keenan woo n’abakan Zidon, Het; 16na Jebusfo, Amorifo, Girgasfo; 17Hivifo, Arkifo, Sinfo; 18Arvadfo, Zemarfo, nye Hamatfo: na n’ekyir no na Keenan ebusua ebusua petsee. 19Na Keenanfo hɔn he fi Zidon, dze nam Gerar, dze kodu Gaza; dze nam Sodom nye Gomora nye Adma nye Zeboim, dze kodu Lasa. 20Woyinom nye Ham ne mba, dɛ mbrɛ hɔn ebusua ebusua tsetsee, dɛ mbrɛ hɔn kasaa tsetsee, wɔ hɔn asaase do, wɔ hɔn amanaman mu.
21Na Sem, Jafet no nua panyin no, no mu na Eber mba nyinara fir. 22Sem ne mba nye Elam, Assur, nye Arpaksad, Lud, nye Aram. 23Na Aram ne mba nye Uz, Hul, Geter, nye Mas. 24Na Arpaksad woo Sela; na Sela woo Eber. 25Na Eber woo mba beenu: baako ne dzin dze Peleg; osiandɛ ɔno ne nda mu na mpaapaamu baa asaase do; na no nua ne dzin dze Joktan. 26Na Joktan woo Almodad, Selef, Hazarmavet, Jera; 27Hadoram, Uzal, Dikla; 28Obal, Abimael, Seba; 29Ofir, Havila, nye Jobab. Woyinom nyinara Joktan mba a. 30Na hɔn tsenabew fi Mesa, rokɔ Sefar, boka kokwaa no ho no. 31Woyinom nye Sem ne mba dɛ mbrɛ hɔn ebusua ebusua tsetsee, dɛ mbrɛ hɔn kasaa tsetsee, wɔ hɔn asaase do, dɛ mbrɛ hɔn amanaman tsetsee.
32Woyinom nye Noa ne mba hɔn ebusuasantsen; na woyinom hɔn mu na nsuyirii no n’ekyir no amanaman fi petsee asaase do.
ప్రస్తుతం ఎంపిక చేయబడింది:
Gyenesis 10: MFANBRP
హైలైట్
షేర్ చేయి
కాపీ
మీ పరికరాలన్నింటి వ్యాప్తంగా మీ హైలైట్స్ సేవ్ చేయబడాలనుకుంటున్నారా? సైన్ అప్ చేయండి లేదా సైన్ ఇన్ చేయండి
Mfantse Bible © Bible Society of Ghana, 2011.
