PĚNDARIADI 40
40
I Yusup měnẹ̌nualagʼu mangal᷊ene ipin taumatan tahungkụ e
1Samuring kal᷊awọu hal᷊ẹ̌ tamai ene, tangu ruang katau mẹ̌tatangkiangu ratum Misirẹ̌ e, těmbonangu mamamingihẹ̌ anggorẹ̌ dingangu těmbonangu mẹ̌kakoạ simokol᷊ẹ̌ e kai nẹ̌koạ pẹ̌sasal᷊an dědua su těngon datu. 2Tangú nẹ̌pědụ e ratu e si rẹ̌dua mẹ̌tatangkiang ene e, 3bọu ene nisuẹ̌ e karạ e i rẹ̌dua su ral᷊ungu tahungkụ su wal᷊en těmbonang u měndal᷊ukadẹ̌ bal᷊en datu e su piněnahungkutangʼi Yusup. 4Diọ l᷊ai piạ kararěngụ e i rẹ̌dua e su ral᷊ungu tahungkụ ene, mal᷊aaresẹ̌, kụ těmbonangu měndal᷊ukadẹ̌ bal᷊en datu e nẹ̌ngoro si Yusup apẹ̌tẹ̌tangkiang si sire.
5Piạ sěhěbi těmbonangu měmamingihẹ̌ inumang dingangu těmbonangu mẹ̌kakoạ simokol᷊ẹ̌ e sěngkatau-sěngkatau e kai nipi. Kụ mangal᷊eng ipin dẹ̌dua e wal᷊inewe mẹ̌sul᷊ung. 6Piạ i Yusup diměnta su anun dědua sěngkariọěllone mal᷊ukadẹ̌ e, i rẹ̌dua e kakěllaěng měngkai lụlahunsusa. 7Bọu e i sie nakiwal᷊o, ”Kawe unụe i rua měngkate apa masusa naung i rua su sahěllo ini?”
8Sasimbang i rẹ̌dua e, ”Mẹ̌kalaeng ini e, i kandua nipi, kụ tawẹ u sarang sěngkatau e nakapitua mangal᷊ene.”
Angkuěng i Yusup, ”Kětạembeng Duata makakariadin taumata makapitua mangal᷊eng ipi. Kụ kěnangko pẹ̌běkeng ipin dua ene.”
9Měmamingihẹ̌ inumange nẹ̌bera u, ”Su ipiku tangu iạ kai nakasilo piạ kalung anggorẹ̌ su těngoku. 10Kalu ene nělelang tatěllu. Buhụewe lai lelange lẹ̌hětikang u raunge, ene manga wurạ e měngkatewe masahawụ němpaměsị, mase wuane něngkasasạ. 11Su tempo ene iạ e kai měngẹ̌ngumpaedẹ̌ galasẹ̌ panganginungangu ratu, kụ iạ měngkai mangal᷊ạ buang anggorẹ̌ ene kụ takụ nipěhụ su ral᷊ungu galasẹ̌ u ratu, wọu ene takụ nisiliwirẹ̌ si sie.”
12I Yusup nẹ̌bera, ”Ini e pituane: Lelange tatěllu e mangal᷊ene těllu ěllo. 13Su ral᷊ungu těllu ěllo ini e datu sarung měliwirʼi kau, i sie sarung mẹ̌gěllị u ampung si kau ringangu manul᷊eng kau su diabatangu e kal᷊imona. I kau e sarung ipěniliwirẹ̌ u galasẹ̌ u panganginumang su ratu e kere nạung kal᷊imona. 14Kaiso pẹ̌tahěndung bue si siạ kereu kakakoạu e seng mapia. Tul᷊ungko habarẹ̌ kakakoạku su ratu e tadeạu iạ iapasěbang bọu tahungkụ ini. 15Batụu tumuhụ hinone nạung kal᷊imona iạ e kai nitako wọu wanuan tau Ibrani, kụ sini su Misirẹ̌ ini e iạ mal᷊ain tawe nẹ̌kẹ̌koạ dal᷊akisẹ̌ kụ hinong sarung isuẹ̌ su ral᷊ungu tahungkụ.”
16Sarangke mẹ̌kakoạ borotẹ̌ e nasingkạ u mangal᷊eng iping měmamingihẹ̌ inumange kawe mapia wue, ute i sie mal᷊aing mẹ̌bera si Yusup, ”Iạ e mal᷊aing nipi u, iạ e kai měnẹ̌nuěng pangisangu borotẹ̌ těllum baụ su wowon těmbọ mědẹ̌dal᷊ensung. 17Su ral᷊ungu pangisang karangetange piạ haghing kukisẹ̌ baugu ratu, kutẹu kai nirěntaěng u manụ u winalangeng kụ němpẹ̌nemọ kal᷊awọu kukisẹ̌ ene.”
18Sasimbang i Yusup, ”Kai ini pituang ipi ene: Pangisang tatěllu e mangal᷊ene ute kai ěllo tatěllu. 19Su ral᷊ungu těllu ěllo ini e datu sarung dumolohu taumata ipěmotọ těmbọ u e kụ bọu ene ipěmiting u bal᷊unangu wadangu su kalu papasị sěmbua, kụ manga manụ u winalangenge sarung měmpěnemọ gěsinu e.”
20Těllu ěllo samuring ene e ute kai ěllong kal᷊aiwantelu ratu, kụ i sie tangu kai mamangung sal᷊iwang masaria waugu kěbị mělahal᷊ẹ̌ e. I sie něngoro tadeạu měmamingihẹ̌ inumang dingangu mẹ̌kakoạ borotẹ̌ apasěbang bọu tahungkụ kụ iapẹ̌těngong kal᷊awọu mělahal᷊ẹ̌ u istana. 21Mẹ̌sasiliwirẹ̌ u inumang seng saụ nisul᷊e kapia su diabatange kal᷊imona. 22Arawe mẹ̌tatangkiang borotẹ̌ e kawe nihukungu papate. Kěbị ene nariadi e natuhụ e kere pinẹ̌berang Yusup. 23Arawe mẹ̌sasiliwirẹ̌ inumange semben tawe nakatahěndung lai i Yusup. I sie měngkatewe seng tawe nakatahěndu-hěndung si sie.
ప్రస్తుతం ఎంపిక చేయబడింది:
PĚNDARIADI 40: SXN
హైలైట్
షేర్ చేయి
కాపీ
మీ పరికరాలన్నింటి వ్యాప్తంగా మీ హైలైట్స్ సేవ్ చేయబడాలనుకుంటున్నారా? సైన్ అప్ చేయండి లేదా సైన్ ఇన్ చేయండి
