مزگینیا مەتتای 4

ئبلیس عیسای تاقی دكەت

(مەرقۆس 1‏:12‏-13؛ لوقا 4‏:1‏-13)

1پاشی گیانێ خودێ عیسا برە چۆلی، دا ژ لایێ ئبلیسی ڤە بهێتە تاقیكرن. 2پشتی چل رۆژ و چل شەڤان ب رۆژی بووی، برسی بوو. 3تاقیكەر هاتە نك وی و گۆتێ: «ئەگەر تۆ كوڕێ خودێی، بێژە ڤان بەران ببنە نان!» 4عیسای بەرسڤ دا و گۆت: «یا هاتیە نڤیسین:

‹مرۆڤ نە ب تنێ ب نانی دژیت،

لێ ب هەر پەیڤەكا ژ دەڤێ خودێ دەردكەڤیت.›#4‏:4 گۆتارا مووسای 8‏:3»

5پاشی ئبلیسی ئەو برە باژێڕێ پیرۆز و ل سەر لێڤا بانێ پەرستگەهێ راوەستاند 6و گۆتێ: «ئەگەر تۆ كوڕێ خودێی، خۆ بهاڤێژە خوارێ، چنكو یا هاتیە نڤیسین:

‹ئەو دێ دەربارەی تە فەرمانێ ل فریشتەیێن خۆ كەت

و دێ تە ل سەر دەستێن خۆ هەلگرن،

نەكو پێیێ تە ب بەرەكی بكەڤیت›.»#4‏:6 زەبوور 91‏:11‏-12

7عیسای گۆتێ: «هەروەسا یا هاتیە نڤیسین: ‹خودان خودایێ خۆ تاقی نەكە›!»#4‏:7 گۆتارا مووسای 6‏:16 8پاشی ئبلیسی ئەو برە سەرێ چیایەكێ گەلەك بلند و هەمی پاشایەتیێن جیهانێ و مەزناهیا وان نیشا دان 9و گۆتێ: «ئەز دێ ڤان هەمیان دەمە تە، ئەگەر تۆ بۆ من چوك ڤەدەی و سوجدێ ببەی!» 10ئینا عیسای گۆتێ: «هەڕە هەی ئبلیس! چنكو یا هاتیە نڤیسین:

‹بۆ خودان خودایێ خۆ سوجدێ ببە و وی ب تنێ بپەرێسە›.»#4‏:10 گۆتارا مووسای 6‏:13

11وی دەمی ئبلیسی ئەو هێلا و وەسا چێبوو فریشتە هاتنە نك و خزمەتا وی كر.

عیسا دەست ب كارێ مزگینیدانێ دكەت

(مەرقۆس 1‏:14‏-15؛ لوقا 4‏:14‏-15)

12پشتی عیسای گو‍‌ھ لێ بووی كو یوحەننا یێ هاتیە گرتن، چوو جەلیل 13و ناسیرە هێلا و بەرەڤ كەفەرناحوم چوو، ئەوا دكەڤیتە سەر لێڤا دەریاكێ، ل ناڤ سنوورێن زەبولون و نەفتالی و ل وێرێ ئاكنجی بوو. 14ئەڤ چەندە چێبوو داكو ئەوا ب رێیا ئیشایا پێغەمبەری هاتیە گۆتن، ب ج‍‌ھ بهێت، دەمێ دبێژیت:

15«ئەردێ زەبولون و ئەردێ نەفتالی،

رێكا دەریایێ ل لایێ دی یێ رویبارێ ئوردن

و دەڤەرا جەلیلا مللەتان،#4‏:15 مللەتان: مەبەست پێ مللەتێن نە جوهی.

16ئەو خەلكێ د تاریاتیێ دا روینشتی،

رۆناهیەكا مەزن دیت

و ئەوێن ل دەڤەر و سیبەرا مرنێ دروینشتی،

رۆناهیەك ب سەردا هەلات.»#4‏:16 ئیشایا 9‏:1‏-2

17ژ هنگی وەرە عیسای دەست ب راگەهاندنا مزگینیێ كر و دگۆت: «ل خۆ بزڤڕن، چنكو پاشایەتیا ئەسمانان یا نێزیك بووی.»

عیسا شاگردێن ئێكەمین داخواز دكەت

(مەرقۆس 1‏:16‏-20؛ لوقا 5‏:1‏-11)

18دەمێ عیسا ل بەر كنارێ دەریاكا جەلیل بڕێڤە دچوو، دوو برایێن ئێك دیتن، ئەو ژی شەمعون یێ دگۆتنێ پەترۆس و برایێ وی ئەندراوس بوون، یێ تۆڕێ دهاڤێژنە د دەریاكێ دا، چنكو ئەو ماسیگر بوون. 19گۆتە وان: «ب دویڤ من بكەڤن، دێ هەوە كەمە نێچیرڤانێن مرۆڤان#4‏:19 نێچیرڤانێن مرۆڤان: ئانكو یێن مرۆڤان قاییل دكەن كو ببنە شاگردێن مەسیحی.!» 20ئێكسەر وان تۆڕێن خۆ هێلان و ب دویڤ وی كەفتن. 21پاشی ژ وێرێ وێڤەتر چوو، دوو برایێن دی دیتن، ئەو ژی یەعقوبێ كوڕێ زەبەدی و یوحەننایێ برایێ وی بوون. د بەلەمێ دا ل گەل بابێ خۆ تۆڕێن خۆ دروست دكرن، ئینا گازی وان كر. 22وان ئێكسەر بەلەم و بابێ خۆ هێلان و ب دویڤ وی كەفتن.

عیسا فێركرنێ دكەت و نەخۆشان ساخ دكەت

(لوقا 6‏:17‏-19)

23عیسا ل ناڤ هەمی دەڤەرا جەلیل دگەڕیا و فێركرن د ناڤ كنیشتەیێن#4‏:23 كنیشتە: جهێ پەرستنێ یێ جوهیان. ل فەرهەنگۆكێ بنێڕە. وان دا دكر، مزگینیا پاشایەتیێ رادگەهاند و هەمی دەرد و نەخۆشیێن د ناڤ خەلكی دا ساخ دكرن. 24ئەڤجا ناڤودەنگێن وی ل هەمی سوریێ#4‏:24 سوری: مەبەست پێ ئەو دەڤەرە یا دكەڤیتە باكوورێ جەلیل. ل فەرهەنگۆكێ بنێڕە. بەڵاڤ بوو، ئەوان ژی هەمی نەخۆش ئینانە نك، یێن دەرد و ژانێن جۆراوجۆر لێ، یێن ئەجنەیان هنگافتی، یێن تەبۆیی و یێن فاڵنجیبووی. وی هەمی ساخ كرن 25و جەماوەرێن مەزن ژ جەلیل و دێكاپۆلیس#4‏:25 دێكاپۆلیس: ئانكو دە‍‌ھ باژێڕ. ل فەرهەنگۆكێ بنێڕە. و ئورشەلیمێ و یەهودیایێ و لایێ دی یێ رویبارێ ئوردن#4‏:25 رویبارێ ئوردن دكەڤیتە رۆژهەلاتێ ئورشەلیمێ و ‹لایێ دی یێ رویبارێ ئوردن› رۆژهەلاتێ رویباریە. ب دویڤ كەفتن.

ప్రస్తుతం ఎంపిక చేయబడింది:

مزگینیا مەتتای 4: BHD

హైలైట్

షేర్ చేయి

కాపీ