مزگینیا مەتتای 11

عیسا و یوحەننایێ تافیركەر

(لوقا 7‏:18‏-35)

1پشتی عیسا ژ شیرەتكرنا هەر دوازدە شاگردێن خۆ ب دویماهی هاتی، ژ وێرێ چوو دا فێركرنێ بكەت و مزگینیێ د باژێڕێن جەلیل دا بدەت. 2دەمێ یوحەننای د زیندانێ دا گو‍‌ھ ل كارێن عیسای بووی، هندەك ژ شاگردێن خۆ هنارتنە نك و 3پرسیار ژێ كر: «ئەرێ تۆی ئەوێ دێ هێت، یان خۆ ل هیڤیا ئێكێ دی بگرین؟» 4عیسای بەرسڤا وان دا و گۆت: «هەڕن و ئەو تشتێن هوین دبهیسن و دبینن، بێژنە یوحەننای: 5كۆرە یێ دبینن، لەنگ یێ بڕێڤە دچن، گوڕی یێ پاقژ دبن، كەڕ یێ دبهیسن، مری یێ رادبنەڤە و مزگینی بۆ بەلەنگازان دهێتە دان. 6خوزیكێن وی یێ د من نەهەلنگڤیت#11‏:6 ئانكو خوزیكێن وی یێ دلێ وی ژ من سار نەبیت. !»

7دەمێ شاگردێن یوحەننای دچوون، عیسای بۆ وی خەلكێ كۆمبووی دەربارەی یوحەننای دەست ب ئاخفتنێ كر و گۆت: «هوین دەركەفتنە چۆلی دا چ ببینن؟ لەڤەنەكێ ب بای دهەژیێت؟ 8ئەڤجا هوین دەركەفتن دا چ ببینن؟ مرۆڤەكێ جلكێن نازك ل بەر؟ نەخێر، خودانێن جلكێن نازك د كۆچكێن پاشایان دانە. 9ئەڤجا هوین دەركەفتن دا چ ببینن؟ پێغەمبەرەكی؟ بەلێ، ئەز دبێژمە هەوە، ئەو ژ پێغەمبەرەكی ژی زێدەترە. 10ئەڤەیە یێ دەربارەی وی هاتیە نڤیسین:

‹ئەڤە ئەز دێ هنارتیێ خۆ ل پێشیا تە هنێرم،

ئەوێ دێ رێكا تە ل پێشیا تە ئامادە كەت.›#11‏:10 مەلاخی 3‏:1

11راستیێ دبێژمە هەوە: كەسەك ژ دایكا خۆ نەبوویە ژ یوحەننایێ تافیركەر مەزنتر. لێ بچویكترین كەس ل پاشایەتیا ئەسمانان ژ وی مەزنترە. 12ژ دەمێ یوحەننایێ تافیركەر هەتا نوكە، خورتی یا ل پاشایەتیا ئەسمانان دهێتە كرن و یێن خورت ب توندی ب دەست خۆ ڤە دئینن. 13چنكو هەمی پێغەمبەران و دەستووری هەتا دەمێ یوحەننای پەیام رادگەهاندن، 14ئەگەر هەوە دڤێت قەبیل بكەن ژی، ئەڤەیە ئەو ئلیاسێ پێدڤیە بهێت.#11‏:14 مەلاخی 4‏:5 15ئەوێ گو‍‌ھ هەبن، بلا ببهیسیت.

16لێ پا ئەز ڤی نفشی ب چ هەڤبەر بكەم؟ ئەو وەكو وان زاڕۆكانە یێن ل ناڤ بازاڕی دروینشتی و گازی هەڤالێن خۆ دكەن 17و دبێژن:

‹مە زڕنا بۆ هەوە لێ دا، هەوە سەما نەكر

و مە بۆ هەوە ڤەلووراند، هەوە شینی نەكر.›

18ژ بەر كو یوحەننا هات، نەدخۆت و نەڤەدخۆت و ئەو دبێژن: ‹ئەجنەیەكێ تێدا.› 19كوڕێ مرۆڤ هات، دخۆت و ڤەدخۆت و ئەو دبێژن: ‹ئەڤە مرۆڤەكە یێ ب دویڤ خوارنێ و مەی ڤەخوارنێ كەفتی و هەڤالێ باجگر و گونەهكارانە.› لێ ئاقلمەندی ب كریارێن وێ دهێتە سەلماندن.»

باژێڕێن ل خۆ نەزڤڕین

(لوقا 10‏:13‏-15)

20پاشی عیسای دەست ب پاشڤەبرنا وان باژێڕان كر، ئەوێن پڕانیا حنێرێن وی لێ هاتینە كرن، چنكو ل خۆ نەزڤڕین. 21گۆت: «نەخوزیكێن تە خۆرازین#11‏:21 خۆرازین و بێت‌سایدا: دوو گوندێن دەڤەرا جەلیل بوون.! نەخوزیكێن تە بێت‌سایدا! ئەو حنێرێن ل ناڤ هەوە روی داین، ئەگەر ل سور و سایدا روی دابان، ئەو هەر ژ مێژە دا ل خۆ زڤڕن، كو خراری#11‏:21 خرار: نیشان بوو بۆ تۆبەكرنێ. ل فەرهەنگۆكێ بنێڕە. بكەنە بەر خۆ و خولیێ ب سەرێ خۆ دا كەن، 22لێ دبێژمە هەوە: ل رۆژا دادكرنێ دێ رەوشا سور و سایدایێ ژ یا هەوە باشتر بیت. 23تۆ ژی هەی كەفەرناحوم، ما دێ بۆ ئەسمانی هێیە بلندكرن؟ نەخێر! تۆ دێ كەڤیە وارێ مریان#11‏:23 وارێ مریان: ئانكو دۆزەخ. ل فەرهەنگۆكێ بنێڕە.. ئەگەر ئەو حنێرێن ل ناڤ تە هاتینە كرن ل سەدۆمێ هاتبانە كرن، دا هەتا ئەڤرۆ مینیت، 24لێ دبێژمە هەوە: ل رۆژا دادكرنێ دێ رەوشا وەڵاتێ سەدۆمێ ژ یا تە باشتر بیت.»

بێهنڤەدان بۆ ماندیبوویان

(لوقا 10‏:21‏-22)

25ل وی دەمی عیسای گۆت: «باب، خودانێ ئەرد و ئەسمانی، ئەز سوپاسیا تە دكەم، چنكو تە ئەڤ تشتێن هەنێ ژ تێگەهشتی و ئاقلمەندان ڤەشارتن و تە بۆ زاڕۆكان ئاشكرا كرن. 26بەلێ باب، چنكو هۆسا د دیتنا تە دا باش بوو.

27هەمی تشت ژ لایێ بابێ من ڤە بۆ من یێن هاتینە دان. كەس كوڕی ناس ناكەت ژبلی بابی، كەس بابی ژی ناس ناكەت ژبلی كوڕی و هەر كەسێ كوڕی بڤێت بابی بۆ وی ئاشكرا بكەت.

28وەرنە نك من، هەی هەمی ماندیبووی و بارگرانان، ئەز دێ بێهنا هەوە ڤەدەم. 29نیركێ#11‏:29 نیرك: ئەو دارە یێ ستۆیێ گایێن جۆتی ب هنجاڕی ڤە گرێ ددەت. من داننە سەر ستۆیێ خۆ و ژ من فێر ببن، چنكو ئەز یێ دلنەرم و دەروونبچویكم و دێ بۆ دەروونێن خۆ بێهنڤەدانێ بینن. 30چنكو نیركێ منێ گونجایە و بارێ منێ سڤكە.»

ప్రస్తుతం ఎంపిక చేయబడింది:

مزگینیا مەتتای 11: BHD

హైలైట్

షేర్ చేయి

కాపీ