MATHIUS, NOPUKU AFASAO SORE, 12.
NOPUKU AFASAO SORE, 12.
1I ANOPOGERA Iesu nifano ia nopoge tapu ia aroto o tamotu o korn; ma niana tagata aia nifakairo nitshitogi, ma neikamata keifacia nohua o korn togofia, ma nikeina.
2Kaia iai Afarasi neicitia, acre neitucage iateia, Kowcitia tshou tagata akoi fakairo nokomna ane itapu ia ta nopoge tapu.
3Kaia aia neitucage iacre, Acowa setawa mana, taha Tevit neimna, nopogera aia nitshitogi, ma acre wamuri iateia,
4Aia nifano ia tafare o Atua, nikeina aofa neicitia aia, aofa tira itapu aia nikeina, ma itapu iacre wamuri aia, kaia mugaro ana ia tagata tapu?
5Mo acowa setawa mana ia tafasao tapu, pe ia anopoge tapu tagata tapu iauiai nopoge tapu, ma acre semaganisa?
6Kaia avau koutucua iacowa, Pe ia none nei tasi konofo aia sore kagi tafare o Ihova.
7Kaia pe acowa nikeiro nokano o tafaso nei, Avau acitiafakarafia maganerefia, ma jimra takavari, acowa sefasosa acre semaganisa.
8Ma Nontariki o tagata aia Teriki sore ma o nopoge tapu.
9¶ Aia nifeke iai, aia nifano ia tafare mori tshare;
10Neicitia iai tasi tatane tshan orima nimate. Acre nifakowia aia, nokoutucua, Itapu penpena tagata ia nopoge tapu, mo jimra? pe acre acitiafakarafia kafasosa iateia.
11Aia neitucage iacre, Akai tatane o acowa pe tshana sip tishana, ma pe aia koto ia terua ia nopoge tapu, aia kapurutshia aia ma torotshiakace aia iluga, mo jimra?
12Tiaha tatane erefisa sore kagi ta sip? Ia ane nei maganerefia mugaro ia nopoge tapu.
13Iai aia neitucage ia tatane, Fakatonusia tshou norima. Aia nifakatonusia norima; ma aia penpena aia erefisa, hepe tasi foci tshana.
14¶ Iai Afarasi niroro efuafo, fakatamou iateia, pe acre katshi aia.
15Kaia iai Iesu nikeiro tira, aia nifeke none iai; ma tagata nalupai su niroro wamuri aia, ma aia neipenpena acreotshi;
16Aia neitucuasana acre pe acre natshicina koutucua tagata o aia;
17Pe tenei nimai hepe neiserea mokagi ia Aisaia ta profeta, nokoutucua,
18Kowcitia tshaku fitshicow, tshaku nakatucua nakamateia; tshaku nakacitiafakarafia kuroto kabisa sore iateia; Avau kanagi tshaku nokano iluga aia, ma aia kafakairo magane totonu ia tagata o fanua pouri.
19Aia sekafiatu, ma sekatagi; ma jimra tasi tatane kafakarona tshana norio i aretu.
20Ta tagasao kogafofo aia setutshia mana, ma aia setampte telama nokobusa fakasisi, ia taha nopoge aia kakowna magane totonu ia tamari.
21I neigo tshana tagata o fanua pouri kafakarogrogo.
22¶ Iai acre niarafia mai iateia tasi tatane agelo isa nienofo iateia, neimna tshana foimata pouri, ma aia tano; aia neipenpena aia erefisa, pe tatane foimata pouri ma tano, nifasao ma neicitia erefia.
23Acreotsoi tagata iai nimasaro, neitucage, Aia ta nontariki o Tevit mo?
24Kaia iai Afarasi neirogona tira, acre nokoutucua, Aia sesegeake agelo isa, kaia ia Belsebub ta teriki o agelo isa.
25Iesu nikeiro tshare afenagaro, ma neitucage iacre, Iotshi avaka kovaia pe nuntafa feimacowa nuntafa tavaka tira koiauiai, ma iotshi umrai sore mo tafare kovaia nuntafa feimacowa nuntafa sekonofo mukei acre.
26Ma pe Satana segeake Satana, aia kovaia ia aia, tiaha wamuri nei tshana tavaka kanofo, mo?
27Pe avau ia Belsebub segeake agelo isa, ia akai tshowa erecriki segeake acre? ia ane nei acre fakairo totonu acowa.
28Kaia pe avau segeake agelo isa ia ta Nokano o Atua, ta vaka o Atua komai iacowa.
29Konapecua tatane tasi fano efare o tatene tomatua, ma iauiai tshana toutogane, pe aia mokagi fousia tatane tomatua wamuri tira aia kaiauiai tshana fare.
30Aia sewamuri avau feimacowa avau; ma aia sefetacina mai iatavau furace acre papai.
31¶ Ia ane nei avau kautucua iacowa, Iotshi amaganisa ma afasosa katowaki nori iateia ia tagata; kaia aia kafasosa ia Nokano Tapu setowaki nori iateia ia aia.
32Pe tasi fasosa ia Nontariki o tagata, katowaki tshana nori iateia; kaia pe tasi fasosa ia Nokano Tapu, setowaki tshana nori iateia wararoni mo ia tafanua wamuri.
33Foci emna tererakou erefia, ma tshana nohua erefia; mo emna tererakou isa, ma tshana nohua isa; ma nohua fakairo acitia pe tshana afoirakou erefia mo isa.
34Kowe tagata konofo milownei hepe agata magu, tiaha acowa isa koutucua afasao erefia? ma ia kofonu o aroto ta nofafa outucua afasao.
35Ta tane erefia ia fakatapuria o anea erefia ia tshana roto, koutucua afasao erefia; ma ta tane isa ia fakatapuria o ane isa ia tshana roto koutucua afasosa.
36Kaia avau koutucua iacowa, pe afasao iotshi ta tane koutucua aia fakowia acre iateia ia nopoge wamuri.
37Ma ia tshou afasao aia katacua tshoua magane totonu iateia, mo ia tshou afasao kafakairo akoi isa iateia.
38¶ Nopogera iai faru o fakau fakairo ma faru o Afarasi, nokofasao, nokoutucua, Teriki acime acitiafakarafia keicitia akoi imna ane sore tasi tshou.
39Kaia aia nifasao, neitucage iacre, Tagata konofo milou maganisa ma tshigo afine nokofakowia keicitia ane sore, ma jimra ane sore katufwa iacre, kaia ane sore o ta profeta Jona.
40Ma hepe Jona neinofo tiau toru ma tupo toru ia nonai o tafora, hepe ana ta Nontariki o tagata kanofo tiau toru ma tupo toru ia aroto o tafanua.
41Tagata neinofo ia Ninive kamasike ia nopoge wamuri katucua isa tagata konofo milonei, ia ane nei acre nitagi ma natshicina maganisa ia nikova o Jona, ma kowcitia tasi sore kage Jona konofo icunnei.
42Ta fine riki o ta fanua wagatshifo kamasike i nopoge wamuri ia tagata konofo milownei, katucua isa acre, ma aia nimai ia fanua papai fakatshiciga wararoni keifarogona ta fakairo arapakou o Solomon, ma kowcitia, tasi sore kagi Solomon konofo icunei.
43I nopogera angelo isa kofano watafa tatane, aia kofano aroto o anone matu nokosara kogapu iai, kaia aia sekoamo kogapu.
44Iai aia koutucua avau kuafe fano ia tshaku fare aia avau neinatshicina; ma aia nimai iateia, aia nakacitia aia noagana, seria, ma penpena.
45Nopogera iai aia nifano arafia iateia fitu nokano isa sore kagi aia, acre roro konofo ia aia, ma wamuri nei tatane tera isa sore, sisa isa mokagi. Hepe ma komai ia tagata isa nokonofo milownei.
46¶ Iai hepe aia nifakairo tagata, neicitia niana nana ma oso nikotu watafa nakacitiafakarafia keifasao aia.
47Iai tasi neitucua iateia, Kowcitia nau ma oso kotu watafa keicitiafakarafia keifasao iatakoi.
48Kaia aia nifasao, neitucage ia aia nifasao aia, Akai tshaku mama ma akuso?
49Aia nifakatonusia tshanarima ia niana tagata aia nifakairo, ma neitucua, Kowcitia tshaku mama ma akuso!
50Ma aia kamaganerefia ia afasao o Tata aia konofo ia taragi, aia tshaku mama, ma akuso, ma akukave.
ప్రస్తుతం ఎంపిక చేయబడింది:
MATHIUS, NOPUKU AFASAO SORE, 12.: ANT
హైలైట్
షేర్ చేయి
కాపీ
మీ పరికరాలన్నింటి వ్యాప్తంగా మీ హైలైట్స్ సేవ్ చేయబడాలనుకుంటున్నారా? సైన్ అప్ చేయండి లేదా సైన్ ఇన్ చేయండి