MATHIUS, NOPUKU AFASAO SORE, 10.
NOPUKU AFASAO SORE, 10.
1NOPOGERA aia nitapa iateia niana twelv tagata aia nifakairo, aia neitufwa acre tomatua keisegeake agelo isa, ma keipenpena iotshi amace ma amy o tagata.
2Aneigo o acre ta twelv apostolo hepra; Aia mokagi Saimona, nitapa neigo tshana Pitrus, ma Antreus tsho noso; Jacobus ta nontariki o Sebeteius, ma Joanes tsho noso;
3Filipos ma Bartholomius; ma Mathius tatane niamo mune neitufwa teriki; Jakobus ta nontariki o Alfius, ma Lebius, nitapa neigo tshana mokagi Thatius;
4Saimona tatane o fanua Selotai, ma Jutas tatane o kariot, aia nifakareresia aia.
5¶ Acrera twelve Iesu nikowna watafa, ma neitucage iacre, nokoutucua; Natshicina kororo acowa ia teretu o tagata o fanua pouri, ma ia tumrai tasi o tagata o fanua Sameria natshicina acowa roro iai.
6Kaia karoro acowa ia sip nimuni o tafare o tagata Isreil.
7Hepe acowa roro, nokova, nokoutucua, Tavaka o taragi koitata.
8Penpena acowa tagata komace, penpena koma acre amace o leprose, keimna masike tagata nimate, segeake agelo isa; Avau eitufwa ana acowa anera, acowa eitufwa ana tagatotshi.
9Natshicina acowa kamo colt, mo selver, mo bras ia takato tshowa iateia.
10Natshicina kamo akato sore ia kororo tshowa, ma jimra kot erua, ma jimra ashu, ma jimra atokotoko; ma erefia tagata vere fakeina acreiotshi iateia.
11Ia tumrai sore mo sisi acowa kororo iai, kafakowia iai akai erefia arafia acowa ia niana fare; ma kanofo iai ia taha nopoge acowa karoce iai.
12Pe acowa nikaromai efare tasi, karofa aia.
13Pe tafare tira erefia iateia, nagi tshou karofa ia aia, kaia pe aia isa, erefia tshou karofa komai foci iacowa.
14Ma pe faru natshicina arafia acowa, ma natshicina fakarogona tshowa afasao, taha nopoge acowa karocea tafare tira mo tumrai tira, tuctuciace tefu takere o tshow avai.
15Tamari avau koutucua iacowa Fakamata o Sotom, ma o tagata o Comora fakasisi ia nopogi wamuri, kaia fakamata sore kagi o tumrai tira.
16¶ Kowcitia, Avau kowna acowa hepe asip arotorea o akuli eiro; ia ane tira erefia acowa arapakau hepe agata, ma seiauiai ane hepe magane o afoitu.
17Kaia fakasara tagata acowa; ma acre karafia acowa ia tagata arapakou kofasao, ma acre katacritshia acowa ia afare mori tshare;
18Acre karafia acowa ma mokagi fakau sore ma fateriki ma tshowa acitiafakarafia iatavu, ma keitucuasana magane o acre ma tagata o fanua pouri.
19Kaia ia taha nopoge acre karifia katufwa acowa iacre, natshicina acowa kamintua taha afasao acowa katucua; ma aia katufwa iacowa ia taha our tira afasao acowo katucua.
20Ma jimra acowa ana fasao, kaia ta Nokano o Tamanowa nokofasao i arotowa.
21Ta noso katufwa acre ta noso ia ta mate, ma ta mana ta nuntama; ma erecriki kamasike feimacowa ta mana ma nana, fakataia acre komate.
22Tagatotshi ma kafeimacowa acowa ma tshowa acitiafakarafia tshaku neigo; kaia aia kacitiafakarafia mukei avau ia taha nopoge wamuri aia kafano taragi.
23Kaia taha nopoge acre fakoko acowa ia tumrai sore tenei, kafura acowa ia tumrai tasi foci; ma tamari avau koutucua iacowa, Acowa sekororo ia umrai sore iotshi o Isreil, mokagi ta Nontariki o tagata komai.
24Tagata fakarogona fakairo jimra sore mokagi aia fakairo aia, mo tafitshicou sore mokagi tshana teriki.
25Erefia pe aia fakarogona tafasao konofo hepe aia fakairo aia, ma ta fitshicou hepe tshana teriki. Pe acre neitapa neigo o ta teriki o ta fare Belsebub, foci acre katapa sore isa acre o tshana fare, mo?
26Natshicina acowa kumtacu acre anira, ma jimra ane tasi niapotshia, kaia tagata kacitia aia; mo nifuna, kaia aia kafakairo aia.
27Taha avau fasao iacowa ia apouri, koutucua acowa ia merama; ma taha acowa fakarogona ia teregowa, tira acowa kova, ia tupo afare ilugia.
28Natshicina acowa kumtacu acre kotshi komate notshino, kaia acre kotaru kotaia komate ta nokano; kaia erefia acowa kumtacu aia tomatua takaroiai ta nokano ma ta notshino ia tiafi sore.
29Erua amanu sisi fakamata tasi farthig, mo jimra? mo tasi o acrawa sekoto ia takere ma Tamanowa puspusi.
30Kaia kobune tawa iotshi auru o tshou nouru.
31Natshicina acowa kumtacu anira, fakamata o acowa sore su mokagi amanu sisi nalupai.
32Aia akai katucua avau emoa tagata, aia foci avau katucua emoa tshaku tata aia konofo ia taragi.
33Kaia aia kafeiva puspusi avau emoa tagata, aia avau foci kapuspusi aia emoa tshaku Tata aia konofo ia taragi.
34Natshicina kamintua acowa avau komai keifakamoi iafanua wararoni; avau semai keikowna fakamoi wararoni, kaia ta tomatshira palo.
35Ma avau komai keimna tatane kofiatu tshana mana, ma ta nofine kofiatu tshana nana, ma tufugona kofiatu tshana nanogovai.
36Ma tagata feimacowa tatane acre konofo ia tshana fare.
37Aia acitiafakarafia ta mana mo nana sore kagi avau, aia isa iatavau; ma aia acitiafakaraia tshana nontariki mo tshana nofine sore kagi avau, aia isa iatavau.
38Aia foci sepurutshia tshana fakaravasia ma komai muri iatavau, aia isa iatavau.
39Aia kapurutshia tshana ania amouri, katowaki aia iateia; ma aia tshana ania mouri kamerigi iatavau aia kamo aia.
40Aia kamo acowa kamo avau, ma aia kamo avau, kamo foci aia nikowna avau.
41Aia amo tasi aprofeta ia ta neigo o aprofeta, aia kamo ta fakamata o ta profeta, ma aia amo ta tane maganerefia, ia neigo o ta tane maganerefia, aia kamo fakamata o ta tane maganerefia.
42Aia ma katufwa keinumea ia tasi o erecriki tira ta kup o tavai mukaligi ia neigo o tagata avau fakairo, tamari avau kautucua iacowa, tshana fakamata sekamerigi.
ప్రస్తుతం ఎంపిక చేయబడింది:
MATHIUS, NOPUKU AFASAO SORE, 10.: ANT
హైలైట్
షేర్ చేయి
కాపీ
మీ పరికరాలన్నింటి వ్యాప్తంగా మీ హైలైట్స్ సేవ్ చేయబడాలనుకుంటున్నారా? సైన్ అప్ చేయండి లేదా సైన్ ఇన్ చేయండి