Tich Joote Weche Motelo
Weche Motelo
Ma en ndiko machopo wi kama Injili mar Luka nogikie, ka Luka nyiso joma some ni tich mane Yesu ochako e piny, pod odhigo nyime kotimo e ngima kanisa.
Chakruok mar kitabuni puonjo kaka joote nopongʼ gi teko mar Roho ka giyalo matek kendo chiengʼno ji 3,000 norwako Yesu kaka Jawar mar chunygi (2:41).
Kitabuni puonjo kuom ngima mar kanisa ei Jerusalem, kaka Injili nolandore mochopo Samaria, kaachiel gi tich Jaote Petro, kod sand mager mokwongo ma joma noyie noyudo. Bangʼ mae to koro kitabuni wuoyo kuom Jaote Paulo kod kaka nolando Injili ne dhout ogendini. Wuodhe nyadidek mar tero Injili owuoye malach, kendo kitabuni orumo gi wuodh Paulo ka en Rumi. Jopuonjre mamoko mag Muma to wacho ni Luka ne dwaro ndiko kitabu mar adek manyiso kaka nogony Paulo e od twech, wuodhene mamoko, makne kaachiel kod thone.
Thoro
Tich Joote nondiki mondo wangʼe kaka Injili nolandore koa e gwenge jo-Yahudi nyaka ochopo e dhout ogendini (1:8). Wach maber manyiso kaka Yesu notho, kendo ochier ne en wach mane ok nyal mana nyis bath piny konchiel kende, to Nyasaye ne dwaro nongʼere e piny duto. Ma emomiyo Nyasaye nomiyo joge teko mondo ochopi tichgi.
Roho Maler e wuon tekono. Teko mar Nyasaye maduongʼ kuom gik moko duto nenore kuom locho mar tich Injili, kuom timbe mag piny kod sand, to kata obedo ni onyalo miyo ngima ji mangʼeny lal (mana kaka Petro gi Paulo ma Tich Joote wuoyo kuomgi), to giyudo loch kuom Kristo.
Jandiko
Luka
Kar Ndiko
Ok ongʼere
Kinde Mag Ndiko
Higa mar 65–70 bangʼ nywol Kristo
Weche Manie Kitabuni
Ndalo mag chakruok kanisa (1:1–5:42)
Sand kod landruok mar Injili (6:1–9:31)
Tich Petro mar tero Injili (9:32–12:25)
Wuodh Paulo mokwongo mar tero Injili (13:1–14:28)
Romo mane obedo Jerusalem (15:1-41)
Wuodh Paulo mar ariyo mar tero Injili (16:1–18:22)
Wuodh Paulo mar adek mar tero Injili (18:23–21:14)
Mak mar Paulo kod wuodhe ma Rumi (21:15–28:31)
ప్రస్తుతం ఎంపిక చేయబడింది:
Tich Joote Weche Motelo: MLM
హైలైట్
షేర్ చేయి
కాపీ
మీ పరికరాలన్నింటి వ్యాప్తంగా మీ హైలైట్స్ సేవ్ చేయబడాలనుకుంటున్నారా? సైన్ అప్ చేయండి లేదా సైన్ ఇన్ చేయండి
Muma Maler Mar Nyasaye, Motingʼo Loko Manyien™
Weg Loko © 1980, 2002, 2003, 2020 otim gi Biblica, Inc.
MItiyo kode gi thuolo moa kuom Biblica, Inc. Biblica, Inc. nigi ratiro duto e piny mangima.
Holy Bible, New Luo Translation™
Copyright © 1980, 2002, 2003, 2020 by Biblica, Inc.
Used with permission. All rights reserved worldwide.