Matana Enjil 4
4
Bag. 4.
1Manin agabir newertiged Yesu halagir kujsum, Iblisirton jeribtakkiri an. 2Ugros erbeingi wide ugu erbeingi dertigi injessinn agabir orgossum.
3Tekk abidi ajeribel talin targi tekki wetirsum: „Er on tirna tod ekin, in kulwigi wetidiru kalanosrangi.“ 4Ama Yesu widegir wesum: „Bajbun: Kal agudeged zol aaïmunum, ama were artina agilloton belil nutinged.“
5Terin aharro Iblis tekki medine gadisebulg abidi ojju jamana berin dogor ebros, 6wide wetirsum: „Er on tirna tod ekin, ennewertigi togogir lufe shugudu. Mine ikkegon bajbun: Ter tenna malaikarigi ekked biweseirin. Tirgon ekki tinna ichin dogor binjiran, mine enn osigi kulu wekk abidi atremen an.“ 7Yesu widegirtirsum: „Ikkegon teran bajbun: Arti enna tirki jeribemen an.“
8Terin aharro Iblis tekki jebel desen sokebul werdogor ojju ebros wide alam malena mulkichigon wide tenna dulkanegongi amintiros wetirsum: 9„Ingu malegi ai ekki bitirrin, er on ungirgi aigi sejdedenkin.“ 10Mani wattigi Yesu tekki wetirsum: „Ju, wo shetan. Mine bajbun: Arti enna tirki sejdetir an, ter agudegongi abder an.“
11Iblis tekki wakos nogingad malaikari targi tekki ajelisan. 12Yesu Hanagi artakkisingi gijredirgi Jelilgir nogsum. 13Nasiragi wakos Kafrinahumir targi welesesum. Tekkon essin dogorum, Zabulungon Naftaligonna kelir. 14Ingon Ishayaged webulgi timer an: 15„Arid Zabulundi wide Naftalina arid, essin darubdogor dali, Urdunin jerked dali, umachina Jelil! 16Gebila dulumachir agil dawi dul wekki nalsum. Wide mangu diarn agarro wide diarna enenur agili, tindogor dawi wer belsum.“ 17Mani wattirton Yesu ugudisum beshiradti. Wide awesum: „Tubewe. Mine artina mulki irg abidi awtanossum.“
18Yesu Jelilna essinaiged talebungon timbes owigi nalirsum, Siman Butrus an awerangon, Andrawus timbeskon, tili wekki essir alufundurrangon. 19Mine karegi aarilirton esan. Tirgi wetidirsum: „Aigi tebaewe. Mine ai irgi zoligi barwandin.“ 20Tenna wattin tur tinna tilichigi mugos tekki tebaesan.
21Teddeton talosirgi widegon timbes echel owigi nalirsum, Yagub Zabadina todton wide Hana timbeskongi, kubtur Zabadi tintimbabkodon tinna tilichigi anijrangon. Tirgon uweirsum. 22Tirgon tenna lehdayen tinna kubkon timbabkongi wakos tekki tebaesan.
23Wide Yesu Jelil malegi geride, tinna jamachir akurkidir wide abeshireirsum enjil mulkindiged. Wide odil nutingi agengirsum wide jagad malegi, gebilan tur. 24Tenna hisigon Sham malegi eyegirsum. Tekk abidi attasan odili malegi, wide shariged durbuligi, wide galibtakkibuli echeli werigongi, doshanbuligon, anattiged jombuligon, sowibuligongi. 25Ter wide awayekidirsum. Jema dul wer tekki tebaedasum, Jelilloton wide medine dimingarirton, Urushalimirton, Yahudiyerton wide Urdunin jerrotongon.
ప్రస్తుతం ఎంపిక చేయబడింది:
Matana Enjil 4: XNZ1912
హైలైట్
షేర్ చేయి
కాపీ
మీ పరికరాలన్నింటి వ్యాప్తంగా మీ హైలైట్స్ సేవ్ చేయబడాలనుకుంటున్నారా? సైన్ అప్ చేయండి లేదా సైన్ ఇన్ చేయండి
Published by the British and Foreign Bible Society in 1912.
