1 Samuel 5
5
Jaga'me lae't daa'me Dios lamajoĝonaĝaco neta'ña ga'me 'lachaqa't jogaa'me filisteopi
1Ca'li deuodaĝatec jaga'me lae't daa'me Dios lamajoĝonaĝaco jogaa'me filisteopi, qama'le yachiyoĝoteda'ña di'me Eben-ézer jaga'me, da'me yedotegue di'me noic jo'ne lenaĝat da'me Asdod#5:1 Asdod: noic let'adaic jo'ne 'lachaqa't gaa'me filisteopi.. 2Yacota jaga'me lae't daa'me namajoĝonaĝaco qama'le yanedaue ga'me tamenaqa' joñe'me qop'iya'a jo'ne Dagón, qama'le qoyen nichi'ña lae joñe'me. 3Nete' laqaya, ca'li gaa'me 'lachaqa't di'me Asdod yec'adeta, qama'le yauata ñe'me Dagón da'me ueta'añdi dajo'tot jaga'me lae't daa'me lamajoĝonaĝaco ñe'me Jaliaĝanec. Qama'le yitaĝa qoyachimaĝachiñi ñe'me Dagón, qoyana'ña ga'me jo'ne chiyaqa'ña. 4Qalaĝaja nete' laqaya ca'li, yitaĝa ueta'añdi ñe'me Dagón, dajo'tot jaga'me lae't daa'me lamajoĝonaĝaco ñe'me Jaliaĝanec. Male yauata da'me qoyichaĝadegue ga'me laqaic choqogaa'me loua', ueteda'ña joga'me qotayape'uo. Nach'egata ga'me lajot da'me maqachaĝa nalo'ta't. 5Jouaĝat da'me dojo', chayovida'a nayi jogaa'me lo'ol ga'me netamenaĝaiqui ñe'me Dagón, nataq'aen ena'uaque gaa'me tadoue nale ga'me tamenaĝaiqui jo'ne 'lachaqa't di'me Asdod, ja pedelegue ga'me qotayape'uo ga'me tamenaĝaiqui.
6Qama'le ñe'me Jaliaĝanec yataqata yaloĝonalo da'me lalemataic, qama'le en najaqachiguilo da'me loqolanaqa't jogaa'me 'lachaqa't di'me Asdod, nataq'aen ena'uaque jogaa'me neteda'ña di'me aleua. Ñe'me Dios en nenoĝodijeguem naa'me loje' joga'me daloĝo nataq'aen e'n nala't, qama'le jogaa'me degueja da'me lachoĝode'j. 7Ca'li yauata jogaa'me 'lachaqa't di'me Asdod da'me dojo' qama'le enapega't:
«Jaga'me lae't daa'me lamajoĝonaĝaco ñe'me Nedios di'me Israel laje'pi, 'noota ta'le ja queta da'me qo'mi netauelo, qa'a joñe'me Dios yataqata qo'mi yachalo'te da'me lalemataic, choqoñe'me Dagón mach'e Qanedios.»
8Qama'le qoyiyaĝanalo jogaa'me lajoĝola'te jogaa'me filisteopi#5:8 Lajoĝola'te jogaa'me filisteopi: uo'oe ca'li cinco gaa'me noyaqa let'adayaqa jo'ne 'lachaqa'te gaa'me filisteopi, naajo' lenaqa'te jo'ne Asdod, Gat, Ecrón, Gaza nataq'aen Ascalón. Onolqa'tape naajo' noyaqa 'uo ca'li ñe'me jaliaĝanec jo'ne yelolegue ga'me noic. qama'le qoyenatouelo:
«¿Jach'e jogamaĝa je'etaĝac jaga'me lae't daa'me lamajoĝonaĝaco ñe'me Nedios di'me Israel?»
Qama'le 'ya't jogaa'me:
«Auedoyigue di'me noic jo'ne Gat.»
Chane'eja jogaa'me filisteopi yedota jodi'me.
9Qalaĝaja mane'e ca'li nechigaĝa't, ñe'me Jaliaĝanec en najaqachiguilo da'me loqolanaqa't jogaa'me 'lachaqa'tedi, qama'le uo'oe jogaa'me e'n nenoĝodijeguem jo'ne yédidiñe jogaa'me 'yaĝayaqa choqoga'me ñoqolqapi. 10Chane'eja jogaa'me filisteopi nechigaĝa't jaga'me lae't daa'me lamajoĝonaĝaco ñe'me Dios, yedota di'me Ecrón. Qalaĝaja mane'e da'me yovita di'me noic jaga'me lae't daa'me namajoĝonaĝaco, qama'le gaa'me 'lachaqa'tedi 'nalaĝadijeguem:
«¡Qo'mi qoneda'alo jaga'me lae't daa'me lamajoĝonaĝaco ñe'me Nedios di'me Israel qaedi qo'mi nomachichidiñe!»
11Qama'le qoyiyaĝanalo jogaa'me najoĝola'te qama'le qodojapegue'to:
«Auachiyi jaga'me lae't daa'me namajoĝonaĝaco: a'viyelaĝachiyigue ga'me chiyaqa'ña, qaedi ja qo'mi 'te qonomachichidiñe.»
Qa'a ena'uaque gaa'me Ecrón laje'pi jalcote da'me loqolanaqa't da'me leleuaqa't, jouaĝat joñe'me Dios da'me yachetalo'te da'me lalemataic. 12Qama'le ga'me 'lalaĝa'j jogaa'me yedaje'ma di'me piyem, qa'a jogaa'me ja yele'u yataqata degueja da'me lachoĝode'j, jouaĝat da'me najaqachiguilo joga'me napite'na jo'ne daloĝo.
ప్రస్తుతం ఎంపిక చేయబడింది:
1 Samuel 5: TDO
హైలైట్
షేర్ చేయి
కాపీ
మీ పరికరాలన్నింటి వ్యాప్తంగా మీ హైలైట్స్ సేవ్ చేయబడాలనుకుంటున్నారా? సైన్ అప్ చేయండి లేదా సైన్ ఇన్ చేయండి
Biblia en Toba del Oeste © Sociedad Bíblica Argentina, 2014, 2019.