BEGGAR 4
4
Keen la Ebel
1Adam mwwg nywxw Ibwn doognum, hoo mwn ko gvknv hoo Keennvn bwwnum, begamv, “At Swg svka hoqgv ngo nyega ak kaapa paku.” 2Hoo akta, mwn mwwg bor Ebelnvn ko bwwnum. Ebel sviya rvkil pvvcumbo akwb nyinum, hoo Keen rongo mvnbo akwb nyinum. 3Mood oyu kokw so Keen At Swn rongo hoqg aaxy-amaram aky bwa jinum, 4hoo Ebel mwwg sviya pvtw hoqg otuqcob ko bwwnam mam la dwjwl jwwtw boam bwa jinum. Hoo At Sw Ebelnvn la mwwg aky jinam mam xumtnum, 5hvbmabde Keen nvla mwwg aky jinam mam xumt maanum. Ho Keen vcjaqb haaxaqnum, hoo mwwg nyuqmv moiya rvxanum. 6At Sw Keennvn benum, “Hoggub no haaxaq dvn, hoo hoggub noqg nyuqmv moiya rvxa dvn? 7No alwb nyib nyiloqkam, nam loorwq ram yv? Hoo no alwb nyima baloqkam, nyicv viyapho suudu do. Soqg mwwbynam si noq gabsu, hvbmabde hoqham no hoggub nyijaqkam pvvb mviya to.”
8Keen mwwg bor Ebelnvn agam goonum. Hoo hwdlo bulv rongo ho yvi yikho, Keen mwwg bor Ebelg aoho ceekol mwam mengnum. 9Ho At Sw Keennvn benum, “Noqg bor Ebel hoglo?” “Mwv benum, “Ngo cengma; ngoqg boram ngo rvkil bongv i?” 10Hoo At Sw benum, “Hoggv no nyipa kun? Noq borwg hijum yalv ked hoqgv ngam sogoql xobdul doodo. 11Hoo sija no beenam ked hoqgv ku, hoqhv agam gamkoq tvl noqg alaq hoq mengnam noqg borwg hijum mam svgagvrwq paku. 12Hwdlo no kedam rongo mvikam, hoqhv hog hwdgo swwtanam hwdgo nam swwj kuram. Swcw nvg aoso no nam doomab gvqmwl yvtayin.” 13Keen At Swn benum, “Ngoqg laqm baqdynam si ngoqg baqdynam mam koi yaado. 14Kaato, no soolo ngam gvda soqgv ruqlin paku, hoo noqg kaaga hoqgv ngo kvs dvb nyipa ku. Swcw nvg aoso ngo nam doomab gvqmwl yvta yuku, hoo hiyv lajaqkam ngam kaapa bov ngam mengtayin.” 15Ho At Sw mwam benum, “Hvbma! Keennvn hiyv lajaqkam mengb nyiloqkam, kvn yaag hoq kwliam naatayin.” Hoo At Sw Keennvn kaacin dvb nyi mengm mvma dvb muxnam ak mvnum. 16Hoo Keen At Swg kaaga hoqgv wleq kunum hoo Idenwg dou-cagag Nod gvdaho nvmcw doa kunum.
17Keen mwwg nywxwngam doognum, hoo mwn ko gvnum hoo Inoknvn ko bwwnum. Mwv bopam ak ywrtwl hoq bopam hoqg eminam Inok, mwwg ko tuup eminho mingnum 18Inok gab Iradnvn ko bwwnum, hoo Irad Mehujaelg abv, hoo Mehujael Metusaelg abv, hoo Metusael Lamekwg abv. 19Hoo Lamek nywxw vnyi go naanum. Akwn hoqgv eminv Ada, hoo asaq akwn hv Jilla. 20Ada Jabalnvn ko bwwnum; mwv tombu ho doogw tvl tuun-meengam sorabo ab gob nyinum. 21Mwwg bor hoqg eminv Jubal; mwv rwwxw-gunggangam la piul mvnbo ab gob nyinum. 22Jilla Tubal-keennvn ko bwwnum; mwv tamangam la yoqdwr lvgab dupum-dvrab pam yip pwnbob nyinum. Tubal-keenwg bwrmv Naama.
23Lamek mwwg nywxw tulungam benum:
“Ada la Jilla, ngoqg goonam yalam tato;
Lamekwg nywxw tulug nulv ngoqg benam sam taiya to:
Nyi yaapa ak ngam un mvg ko-gab,
nyi yaapa ak ngam jwwgam gab ngo hoqg nyi akam mengpe kun.
24Keenwg kwliam kvn go kwly naab nyiloqkam,
ho Lamekwg kwliam camkvn leq kvn go kwly naadwb nyitayin.”
25Hoo Adam lokta mwwg nywxwngam doognum, hoo mwn nyega ko ak bwwnum hoo mwwg eminam Set hvl goqnum, hoggab mwn benum, “Pwnbog mood xikjaqb ngam Ebelg kwlib hosiqkam jipa ku, hoggab Keen mwam mengnum.” 26Set gab kam nyega ko bwwjnum, hoo mwv mwwg eminam Inos hvl goqnum. Hoq moodho nyiilungv At Swg eminam paql xuml goqrab kunum.
ప్రస్తుతం ఎంపిక చేయబడింది:
BEGGAR 4: NYISBSI
హైలైట్
షేర్ చేయి
కాపీ
మీ పరికరాలన్నింటి వ్యాప్తంగా మీ హైలైట్స్ సేవ్ చేయబడాలనుకుంటున్నారా? సైన్ అప్ చేయండి లేదా సైన్ ఇన్ చేయండి
Nyishi Bible - DVRWQ PVVB
Copyright © 2015 by The Bible Society of India
Used by permission. All rights reserved worldwide.
