MATHAI 6
6
Itna silpiak thu a hilhna
1Mi mai a silhoih nabawlte uh amauhte mitmuh a bawllou dingin pilvang un, atuachih keileh van a om na Pa uh a pan nuamman na mukei ding uhi. #Mat. 23.5.
2“Tuajiakin silhoih na bawlchiang un milepchiahte`n mite maipha zong a kikhopna inn leh khualai lak a abawl bang un namai ah pengkul mut ken, adiktak in na kiangah kung hilh ahi, amauhte`n a nuamman uh amuta uhi. 3Hinanleh silhoih na bawlchiang in nakhut jiatlam in abawl nakhut veilam in theihdah hen. 4Na silhoih bawl pen agu`k in bawl in, tuahileh na Pa uh agu`k a mupa`n amah in langtangtak in nuamman nang a hungpia ding hi.”
Thumna tawh kisai a hilhna
(Luk. 11.2-4)
5“Tualeh na thumchiang un milepchiahte bang kei un! Mi muh ding deih in amauhte`n kikhopna inn ah dinsa in a thum ua, tualeh kongjing ninglak ah athum nuam sese uhi. Adiktak in kung hilh ahi, amauhte`n a nuamman uh amuta uhi. #Luk. 18.10-14. 6Hinanleh nang na thumchiang in, na inndan sungah pai inla, kot nakhak zohchiah, agu`k a om na Pa kiang ah thum in. Tuahileh agu`k a hungmu na Pa in langtangtak in nuamman nang hung pia ding hi.
7“Hinanleh nathum chiang in, Lawkite bangin thulimlou pouh ngen kikkik kei un, amauhte`n tamveipi genlei ingetna ja`k in a om ding chi`n a ngaihsun uhi. 8Tuajiakin amauhte bang kei un. Na ngetma un na poimohte uh na Pa un a theikhin hi. 9Tuajiakin hihbang in thum un:
‘Ka pa uh van a om:
Na min kizahtak hen;
10Na gam hungtung hen;
Na deihlam van a akibawl bangin, leiah zong kibawl hen.
11Nisial a ka nekkhop uh an hung pian.
12Ka tung ua khialte ka ngaihdam bang un,
Kou khialhnate zong hung ngaidam in.
13Khemna ah hung kailut kenla,
Gilou lak pan hung hunkhiajaw in.’
Gam leh sil bawltheihna leh thupina,
tangtawn a Nang a ahihjiak in. Amen. chi-in. #6.13 Gam leh sil bawltheihna leh thupina, tangtawn tangtawn Amen. chih teng tulai Bible kisun thak atamjawte ah om nawn lou hi.
14“Mi tatkhialhna na ngaihdam uleh, van a om na Pa un ahung ngaidam ding hi. #Mrk. 11.25,26. 15Hinanleh mi tatkhialhna na ngaihdam kei uleh, van a om na Pa un ahung ngaidam kei ding hi.”
Anngawl thu a hilhna
16Tuaban ah, “An na ngawl chiang un milepchiahte bangin dahmel puakei un. Amauhte`n anngawl ahih uh mi mitmuh a akilat theihna dingin amai uh a nguisak uhi. Adiktak in kung hilh ahi, amauhte`n a nuamman uh a mukhinta uhi. 17Hinanleh nang an na ngawlchiang in, na lu sathau nuh inla, na mai phiat in, 18tuachi`n na Pa agu`k a om mitmuh ah loungal midangte mitmuh in anngawl na bangkei ding a, agu`k a hungmu na Pa in alangtang in nuamman a hungpia ding hi.
Van ah gou khol un
(Luk. 12.33,34)
19“Leia leikha leh samek in a neksiat theihna leh, gutate`n a suksiat ua a guktheihna mun hih leitung ah, gou kikhol kei un. #Jkb. 5.2,3. 20Hinanleh, van ah leikha leh samek in aneksiat theihlouhna leh, gutate`n asuksiat ua aguk theihlouhna mun ah, Gou kikhol jaw un. 21Ajiak pen nagou omna peuh uah na lungsim uh zong a om hi.
Taksa a vakna
(Luk. 11.34-36)
22“Taksapum a dingin mit pen meiva`k ahi a, tuajiakin namit ahoih leh na taksa pumpi va`k in a pumdim ding hi; 23hinanleh na mit ahoih keileh, na taksa pumpi mialna in a pumdim ding. Tuajiakin na sung a om va`kpen mialna a a pumdimleh, tua mial pen thupi tazen nan chia!
Pasian leh asilneihte
(Luk. 16.13; 12.22-31)
24“Kuamah in tounih nna a semkop thei kei; khat hua in khat a it ding; ahihkeileh khat ah agin-om ding a, adang khat a simmoh ding hi. Pasian leh dangka nna a semkop thei kei ding. #6.24 mammon (grik) wealth (english) hauhna sum leh pai chih pen sum chihna zong ahi.
25“Tuajiakin na kiang ah kung hilh ahi: bang ahia ka nek ding bang ahia ka dawn ding chi`n na hinna thu uh leh, bang ahia ka silh ding bang ahia ka ten ding chi`n na sapum thu uah lungkham kei un. Na nek ding sang un hinna poimohjaw hilou maw? Nasilh naten ding sangun na pumpi uh poimohjaw hilou maw? 26Tungleng vasate en un: amauhte`n buh atuhkei ua a atkei uh, anbuk ah a kholkhawm kei uh; hinanleh na Pa uh van a om in ava`k hi! Noute amauhte sangin manphajaw tham hilou nahi uh hiam? 27Noute lak ah kuan ahia lungkham jiaka adunglam tongkhat behlap thei?
28“Tuajiakin bangding a silh leh ten a lungkham na hi uh hiam? Gamlak a Lilipakte khandan ngaihsun un: nna asemkei ua, khau zong akhek kei uh. 29Tualeh na kiang uah kung hilh ahi, Solomon hilhial zong athupina tengteng tawh a kizep in zong hih Lilipakte lak a khat bang a zep in a omzou kei hi. #1 Kum. 10.4-7; 2 Kronk. 9.3-6. 30Tuachia gamlak a hampa tunia hing a, ajingchiang a vul a meikhuk a paihmai ding bawn Pasian in huachitan a azep tazen leh! aw nou ginna tawmte silh leh ten tamjawin hungjem jawtham lou ding maw!
31“Tuajiakin: ‘Bang ne in, bang idawn dia? chi-in hiam, bang isilh dia? chi-in hiam lungkham kei un.’ 32(Jentelte`n hihte tengteng a zong uhi.) Hihte tengteng na poimoh uhi chih van a om na Pa un athei hi. 33Hinanleh Pasian gam leh adiktatna pen zong masa phot un, tuahileh hihte tengteng zong na kiang uah piakbehlap ahi ding hi. 34Tuajiakin jingchiang a dingin lunghimoh kei un; ajingchiang in amah a ding aki lunghihmoh nading hi. Nikhat a dingin nikhat buai ahun hi.
ప్రస్తుతం ఎంపిక చేయబడింది:
MATHAI 6: THKHBSI
హైలైట్
షేర్ చేయి
కాపీ
Want to have your highlights saved across all your devices? Sign up or sign in
Thangkhal NT - Thukhun Thak
Copyright © 2014 by The Bible Society of India
Used by permission. All rights reserved worldwide.