MATTHAI 2
2
1Herod siangpahrang a ṭuan lio ah Judia ram Bethlehem khua i Jesuh a chuah tikah, ngaihmanh, nichuahlei in mifim Jerusalem khua ah an ra, 2“Judah Siangpahrang a chuakmi cu khuazeiahdah a um? Nichuahlei ah a arfi kan hmuh i Amah biak awkah kan ra” tiah an ti. 3Cucu Herod nih a theih tikah, amah le Jerusalem i a ummi vialte an awlok a chong. 4Tlângbawi upa le phungbia cawnpiaktu kha a kawh hna i Krih chuahnâk kong kha a hal hna. 5Annih nih, “Judia ram Bethlehem khua ah, profet nih hitihin a rak ṭial: 6‘Nang, Bethlehem, Judia ram chungmi, Judia khuapi hna lakah na hmebik naisai lo; zeitintiah na chungin ka mi Israel hna kilvengtu ding Uktu kha a chuak lai,” tiah an ti. 7Cuhnuah Herod nih mifim kha a thli tein a kawh hna i arfi a chuah cân kha ṭha tein a hal hna. 8Bethlehem khua ah a kalter hna i, “Vakal u law, Ngakchia cu ṭha tein va kawl law nan hmuh tikah, kei zong nih ra in ka biak khawh ve nâkhnga, thawng rak ka thanh te u,” tiah a ti hna. 9Siangpahrang bia an theih hnuah, an kal i zohhmanh, nichuahlei i an hmuhmi arfi kha, Naute umnâk cung a phanh i a dir hlan lo an hmaiah a kal. 10Arfi an hmuh tikah an i lawm ngai ngai. 11Cubangin inn chung an luh tikah, Naute cu a nu Mary he an hmuh, cun an bawk i an biak. Cuticun an robawm kha ong in Sui, Frankinsen le Mura kha laksawng an pêk. 12Herod sinah kir ti lo dingin Pathian nih an mangah ralrin a pêk hna caah lam dangin an ram lei ah an kal. 13An kal hnu ah, ngaihmanh, Bawipa vancungmi pakhat Josef sinah â lang i, “Naute le anu kha hruai hna law, Ezip ramah zâm, kan chimh ṭhân hlantiang cuka ah um, zeicatiah Herod nih Naute thah awkah a kawl,” tiah a ti. 14Cuticun a tho i cu zan lila ah Naute le a nu cu hruai in Ezip ramah a kal, 15Herod a thih hlantiang cuka ah an um, Bawipa nih profet hmangin, “Ka Fapa cu Ezip ram in ka auh,” tiah a rak chimmi a tlin nâkhnga caah a si. 16Cuticun mifim hna nih an hlen ti kha Herod nih a hngalh tikah a thin a hung ngai ngai; a cân kong mifim hna sinin a rak theih cang bangin, Bethlehem khua le a pawngkam vialte i pa ngakchia kum hnih tanglei pauh that dingin ralkap kha a thlah hna. 17Profet Jeremiah nih: 18Ramah khua ah thawng a thang, ṭah le aihramnâk thawng a si; Rachel nih a fale a ṭah hna i an um ti lo caah hnemh khawh a si ti lo,” tiah a rak chimmi a tlin nâkhnga caah a si. 19Herod a thih hnu ah, ngaihmanh, Bawipa vancungmi pakhat Ezip i a ummi Josef mangah â lang, 20“Tho law, Naute le anu kha hruai hna law, Israel ramah kal, zeitintiah Ngakchia pa thah a timtu kha a thi cang,” tiah a ti. 21A tho i Naute le anu kha hruai in Israel ram kha an phân. 22Asinain Arkelau nih apa Herod chângin Judia ramah Siangpahrang a ṭuan ti kha Josef nih a theih tikah, cuka i kal kha a ṭih, Pathian nih mangin ralrin a rak pêk cang bangin Galili ramah a kal. 23Nazaret khua ah an um i profet nih, “Nazaret khuami ti a si lai” tiah a rak chim chungmi a tlin nâkhnga caah a si.
ప్రస్తుతం ఎంపిక చేయబడింది:
MATTHAI 2: HAKABSI
హైలైట్
షేర్ చేయి
కాపీ
మీ పరికరాలన్నింటి వ్యాప్తంగా మీ హైలైట్స్ సేవ్ చేయబడాలనుకుంటున్నారా? సైన్ అప్ చేయండి లేదా సైన్ ఇన్ చేయండి
Haka Chin NT with PSA and PRO - Laibaibal Thiang
Copyright © Bible Society of India, 2015.
Used by permission. All rights reserved worldwide.
