కీర్తనలు 120
120
యాత్రకీర్తన.
1నా శ్రమలో నేను యెహోవాకు మొఱ్ఱపెట్టితిని
ఆయన నాకు ఉత్తరమిచ్చెను.
2యెహోవా, అబద్ధమాడు పెదవులనుండియు
మోసకరమైన నాలుకనుండియు నా ప్రాణమును
విడిపించుము.
3మోసకరమైన నాలుకా, ఆయన నీకేమి చేయును?
ఇంతకంటె అధికముగా నీకేమి చేయును?
4తంగేడునిప్పులతోకూడిన బాణములను
బలాఢ్యుల వాడిగల బాణములను నీమీద వేయును
5అయ్యో, నేను మెషెకులో పరదేశినై యున్నాను.
కేదారు గుడారములయొద్ద కాపురమున్నాను.
6కలహప్రియునియొద్ద
నేను చిరకాలము నివసించినవాడను.
7నేను కోరునది సమాధానమే
అయినను మాట నా నోట వచ్చినతోడనే వారు
యుద్ధమునకు సిద్ధమగుదురు.
ప్రస్తుతం ఎంపిక చేయబడింది:
కీర్తనలు 120: TELUBSI
హైలైట్
షేర్ చేయి
కాపీ
Want to have your highlights saved across all your devices? Sign up or sign in
Telugu Old Version Bible - పరిశుద్ధ గ్రంథము O.V. Bible
Copyright © 2016 by The Bible Society of India
Used by permission. All rights reserved worldwide.
