ROMAN BETAMCONAM
BETAMCONAM
Poulwg Roman nyi tulungam pota xeqnam si Roman Dvrwq namlo ho Poul haadynam lamtangam mwx-mvaq mvdwb xeqnum. Mwwg mwwnamv Kristan nyi tulug pengko ho meeg bon nyipel hoq kokwb bulug svka naalayil Ispenwb wdwb hengnum. Mwv hindib xeqbnv tomswrnum hoggub mwv mwwg Kristan mwwjwngam cengdwn ho hoqg tomswr niqtuqkam hoggub Kristan swwca lo nyil mvl swwdwn. Pota so Poulwg tomswrl belaqnam mwlwngv doodwn.
Roman dvrwq namlo nyi tulungam xumrwql hoo bul gab xumjnam mam bexo kokw so Poul pota so bigw-xiqgwngam bis bedapan: “Tugu puiyv, nyia kov atv hoggub Pwnbog lvgab kvtaqtai ham kaatam dvn: Hv hvbaloqkam nyirab hoqgv nyinya namgob mwwjw lvgab kvtaq tayin (1:17).
Kokw so Poul bigw-xiqgwngam bedar yaiya bebnv: Nyia ko mwlwngv, Juhudi sujaqkam, Nyoodo nyi sujaqkam mwlwngv Pwnbog lvgab kvtaqdvb nyidwn hoggub mwlwngv nyic-nyia ator uraho doodwn. Nyia kov Jisu Kriston mwwjwko hoqgv Pwnbog lvgab kvtaqb nyi swwtayin. Hoq kokwb Poul betamnamv nitig swwgv Jisug lvgab doobaloqkam hoq niqtuqkv Pwnboam nitib ajin taikun. Mwwjw bov Pwnbog lvgab swrsomalob dootayin hoo Pwnbog Dvrwq Yalv nyic gvla sigwg ator hoqgv naalin taikun. Cens 5-8 si Poul Pwnbog pvvb pagoq nyinam mam la mwwjwbo swwgam Pwnbog Yal atorv hoggub nyidwn ham betampa. Hoo Pwnbog xuqnam nyi si Juhudi, Nyoodo nyi, Pwnbog nyia ko mwlw gab hoggub mwwl apnum ho hoggub jubtaqpan hoq toxnum mam bedar jipa kun. Bitur benya so Juhudi tulug Jisun xuqpaqnam si pagoq mwonamv nyia ko mwlwngam Jisug anya hoqgv Pwnbog nyiib bolwq dvb ho mwwg mwwjwnamv Juhudingv looxiam Jisun xuqpaq ram. Kokw jaqso Poul xeqpan Kristan swwca pagoq nyil swwnam mam hindy jaqb akwg akwg pengko lo aby minsnum. Mwv begamv soq pagoq si Pwnboam bon nyij pan, Kristan nyi tulug nyook gab ho asaq gab bon nyidynam, hoo hang mwwnam mam toxnam pagoqkam xeqpwl ap pan. Nyiip-nyiipam tomswrnv hoo agamv Pwnboam paqjonv pota sam xeqnya pakun.
Ura bol doonbo gvmp
Betamconam hoo pagoq bigwnam 1:1-17
Nyia koam ywwlin dvb nyikinam 1:18-3:20
Pwnbog ywwlinam lamta 3:21-4:25
Kristog lvgab niqtuq swwg 5:1-8:39
Israel gab Pwnbog mwo coonam 9:1-11:36
Kristan nyi nyidynam 12:1-15:13
Bitwr benya ho akwn xumrwqnam 15:14-16:27
ప్రస్తుతం ఎంపిక చేయబడింది:
ROMAN BETAMCONAM: NISS
హైలైట్
షేర్ చేయి
కాపీ
మీ పరికరాలన్నింటి వ్యాప్తంగా మీ హైలైట్స్ సేవ్ చేయబడాలనుకుంటున్నారా? సైన్ అప్ చేయండి లేదా సైన్ ఇన్ చేయండి
Nyishi, DVRWQ PVVB @ Bible society of India 2016