ကမ္ဘာဦးကျမ်း 16

ဟာဂရနှင့်ဣရှမေလ

1အာဗြံ၏မယားစာရဲသည် အာဗြံအတွက် သားသမီးမမွေးဖွားပေးနိုင်ချေ။ စာရဲတွင် ဟာဂရအမည်ရှိသော အီဂျစ်လူမျိုးကျွန်မတစ်ယောက်ရှိ၏။ 2ထို့ကြောင့် စာရဲက အာဗြံအား “ကြည့်ရှုလော့။ ထာဝရဘုရားသည် အကျွန်ုပ်အား သားသမီးမွေးဖွားခွင့်ပေးတော်မမူ။ အကျွန်ုပ်၏ကျွန်မထံသို့ ဝင်ပါလော့။ အကျွန်ုပ်သည် သူ့အားဖြင့် မိသားစုတစ်ခုတည်ဆောက်နိုင်ကောင်းတည်ဆောက်နိုင်#16:2 သို့မဟုတ် “သားသမီးရနိုင်ကောင်းရနိုင်”။လိမ့်မည်”ဟု ဆိုလျှင် အာဗြံသည်လည်း စာရဲ၏စကားကိုနားထောင်လေ၏။ 3ဤသို့ဖြင့် အာဗြံသည် ခါနာန်ပြည်၌ ဆယ်နှစ်ကြာနေထိုင်ပြီးနောက်တွင် အာဗြံ၏မယားစာရဲသည် မိမိကျွန်မ အီဂျစ်လူမျိုးဟာဂရကိုခေါ်၍ မိမိခင်ပွန်းအာဗြံအား မယားအဖြစ်ပေးလေ၏။ 4အာဗြံသည်လည်း ဟာဂရထံသို့ဝင်သဖြင့် ဟာဂရသည် ကိုယ်ဝန်ဆောင်လေ၏။ ဟာဂရသည် မိမိကိုယ်ဝန်ရှိနေကြောင်းသိသောအခါ မိမိသခင်မကို မထီလေးစားပြုလေ၏။ 5သို့ဖြစ်၍ စာရဲက အာဗြံအား “အကျွန်ုပ်ခံရသောမထီလေးစားပြုခြင်းအမှုသည် သခင့်အပေါ်ကျရောက်ပါစေ။ အကျွန်ုပ်၏ကျွန်မကို သခင့်ရင်ခွင်၌ အကျွန်ုပ်ပေးအပ်ခဲ့ပါသည်။ သို့သော် သူသည် မိမိကိုယ်ဝန်ရှိနေကြောင်းသိသောအခါ အကျွန်ုပ်ကိုမထီလေးစားပြုပါသည်။ ထာဝရဘုရားသည် အကျွန်ုပ်နှင့်သခင့်ကြားတွင် တရားသဖြင့်စီရင်ပေးတော်မူပါစေသော”ဟု ဆိုလေ၏။

6အာဗြံကလည်း “ကြည့်ရှုလော့။ သင်၏ကျွန်မသည် သင့်လက်ထဲ၌ရှိ၏။ သင်အလိုရှိသည့်အတိုင်း သူ့ကိုပြုပါ”ဟု စာရဲအား ဆို၏။ ထိုအခါ စာရဲသည် ဟာဂရကိုနှိပ်စက်သဖြင့် သူသည် စာရဲထံမှထွက်ပြေးလေ၏။

7ထာဝရဘုရား၏ကောင်းကင်တမန်သည် တောကန္တာရ၌ရှိသည့် စမ်းရေတွင်းတည်းဟူသော ရှုရအရပ်သို့သွားသောလမ်း၌ရှိသည့် စမ်းရေတွင်းနားမှာ ဟာဂရကိုတွေ့၍ 8“စာရဲ၏ကျွန်မ ဟာဂရ၊ သင်သည် မည်သည့်အရပ်မှလာ၍ မည်သည့်အရပ်သို့သွားမည်နည်း”ဟု မေးလေ၏။ သူကလည်း “ကျွန်မသည် ကျွန်မ၏သခင်မ စာရဲထံမှထွက်ပြေးလာပါသည်”ဟု ဖြေလေ၏။

9ထာဝရဘုရား၏ကောင်းကင်တမန်ကလည်း “သင်၏သခင်မထံသို့ပြန်သွား၍ သူ၏လက်အောက်၌နှိမ့်ချရိုကျိုးစွာနေလော့”ဟု သူ့အား မြွက်ဆို၏။ 10တစ်ဖန် ထာဝရဘုရား၏ကောင်းကင်တမန်က “ငါသည် သင်၏သားစဉ်မြေးဆက်တို့ကို အလွန်များပြားစေမည်။ သူတို့သည် များပြားလှသဖြင့် မရေမတွက်နိုင်အောင်ဖြစ်လိမ့်မည်”ဟု ဆိုလေ၏။ 11ထို့နောက် ထာဝရဘုရား၏ကောင်းကင်တမန်က “ကြည့်ရှုလော့။ သင်သည် ကိုယ်ဝန်ဆောင်လျက်ရှိ၍ သားကိုမွေးဖွားလိမ့်မည်။ သူ၏အမည်ကို ဣရှမေလဟုမှည့်ခေါ်ရမည်။ အကြောင်းမူကား ထာဝရဘုရားသည် သင်ခံရသောဖိစီးနှိပ်စက်မှုကို ကြားသိတော်မူပြီ။ 12သူသည် မြည်းရိုင်းကဲ့သို့သောသူဖြစ်ပြီး သူသည် လူတိုင်းကိုဆန့်ကျင်လိမ့်မည်။ လူတိုင်းသည်လည်း သူ့ကိုဆန့်ကျင်လိမ့်မည်။ သူသည် မိမိညီအစ်ကိုအပေါင်းတို့နှင့် ရန်ဘက်ပြုလျက်#16:12 သို့မဟုတ် “မျက်နှာချင်းဆိုင်” သို့မဟုတ် “သူသည် မိမိညီအစ်ကိုအပေါင်းတို့ရှေ့တွင်သေဆုံး၏”။နေထိုင်လိမ့်မည်”ဟု မြွက်ဆို၏။

13သို့ဖြစ်၍ ဟာဂရက “ငါ့ကို မြင်တော်မူသောအရှင်ကို ဤအရပ်၌ပင် ငါဖူးမြင်ရသည်တကား”ဟု ဆိုလျက် မိမိအားမိန့်မြွက်တော်မူသော ထာဝရဘုရား၏နာမတော်ကို “ကိုယ်တော်သည် အကျွန်ုပ်ကိုမြင်တော်မူသောဘုရားပေတည်း”ဟု ခေါ်လေ၏။ 14ထို့ကြောင့် ထိုရေတွင်းကို ဗေရလဟဲရော#16:14 “ငါ့ကိုမြင်တော်မူသော အသက်ရှင်တော်မူသည့်အရှင်၏ရေတွင်း”ဟူသောအဓိပ္ပာယ်ရှိ၏။ ဟုခေါ်၏။ ၎င်းသည် ကာဒေရှအရပ်နှင့် ဗေရက်အရပ်ကြား၌ရှိ၏။

15ထို့နောက် ဟာဂရသည် အာဗြံအတွက် သားယောက်ျားကိုမွေးဖွား၏။ အာဗြံသည်လည်း ဟာဂရမွေးဖွားသော မိမိသား၏အမည်ကို ဣရှမေလ ဟုမှည့်ခေါ်လေ၏။ 16ဟာဂရသည် အာဗြံအတွက် ဣရှမေလကိုမွေးဖွားသောအခါ အာဗြံသည် အသက်ရှစ်ဆယ့်ခြောက်နှစ်ရှိပြီဖြစ်၏။

ప్రస్తుతం ఎంపిక చేయబడింది:

ကမ္ဘာဦးကျမ်း 16: MSBU

హైలైట్

షేర్ చేయి

కాపీ

మీ పరికరాలన్నింటి వ్యాప్తంగా మీ హైలైట్స్ సేవ్ చేయబడాలనుకుంటున్నారా? సైన్ అప్ చేయండి లేదా సైన్ ఇన్ చేయండి

MYANMAR STANDARD BIBLE©

မြန်မာ့စံမီသမ္မာကျမ်း గురించి మరింత తెలుసుకోండి