Daa 3
3
Gbɛ̃nazĩna kɛ̃akↄ̃wa ń Luao
1Mlɛ̃#3.1 Zia 12.9, 20.2 mɛ́ kↄ̃ni vĩ dɛ sɛ̃̀anↄbↄ pↄ́ Dii Lua kɛ̀ↄla píi, ↄ̃ à nↄɛ là à mɛ̀: Lua mɛ̀ ásu lupi líe bɛ bleoɛa? 2Ɔ̃ nↄɛ wè mlɛ̃piwa: Wá fↄ̃ wà lupi libɛ ble, 3ãma lí pↄ́ kú lupi guo, Lua mɛ̀ wásu wà a bɛ bleo, wásu ↄkãwà seo, kɛ́ wásu gao yã́i. 4Ɔ̃ mlɛ̃ òɛ̀: Á ga seo!#3.4 Zãa 8.44 5Lua dↄ̃ tó á blè, á wɛ́ a kɛ̃́, í gↄ̃ láawa, íↄ maa ń vãio dↄ̃.
6Kɛ́ nↄɛ è lípi bɛ kɛfɛũ mɛ́ a blea aↄ na, a to gbɛ̃́ wɛ́ kɛ̃́, ↄ̃ à a bɛ bò a blè.#3.6 2Kln 11.3 A kpà a zã́wa, ↄ̃ a blè sↄ̃.#3.6 Lom 5.12-21 7An pla ḿpii an wɛ́ kɛ̃̀, ↄ̃ aa dↄ̃̀ sa kɛ́ wa ku puizi. Ɔ̃ aa goola lá nàmi aa nàńzi.
8Kɛ́ gↄ̃ɛ ń a nao Dii Lua kĩ́i mà, àlɛ bɛbɛ luu oosiɛlɛ, ↄ̃ aa ùlɛɛ̀ lupi láu. 9Ɔ̃ Dii Lua lɛzù gↄ̃ɛzi à mɛ̀: Ń kú má ni? 10A wèwà à mɛ̀: Kɛ́ ma n kĩ́i mà, ↄ̃ vĩa ma kũ, kɛ́ má kú puizi yã́i, ↄ̃ ma ulɛ. 11Ɔ̃ Dii Lua aà là à mɛ̀: Dé mɛ́ ònɛ ń kú puiziɛi? Lí pↄ́ ma ginɛ ǹ a bɛ ble, ń blè yã̀? 12A wèwà à mɛ̀: Nↄɛ pↄ́ ń kpàa àↄ kumanↄ mɛ́ lípi bɛ kpàa, ↄ̃ má blè. 13Ɔ̃ Dii Lua nↄɛ là à mɛ̀: Bↄ́yãi ń kɛ̀i màai? A wèwà à mɛ̀: Mlɛ̃ mɛ́ ma sãsã, ↄ̃ má blè.#3.13 2Kln 11.3, 1Tim 2.14 14Ɔ̃ Dii Lua ò mlɛ̃ɛ:
Lá ń kɛ̀ màa, ńyↄ̃ↄ dɛ láaipↄ ũ
dɛ pↄtuoↄ ń sɛ̃̀anↄbↄↄla píi,
ńyↄ̃ↄ táa'o n gbɛɛwaɛ,
luutɛ̃ iↄ gɛ̃ n lɛ́u e n wɛ̃ni lɛ́u.
15Mpi ń nↄɛo, má ĩ́ida á zãnguo,
n bui ń aà buio zãnguo.
Aà bui a n mi wí,#3.15 Lom 16.20, Zia 12.17
mɛ́ ńyↄ̃ aà gbatoe kɛ'ĩa.
16Ɔ̃ a ò nↄɛɛ:
Má n nↄsia taasi kã́fĩnɛ,
níↄ nɛ'i ń wãwão.#3.16 1Tim 2.15
N zã́ ni aliↄ kumaɛ,
mɛ́ aↄ iko vĩmaɛ.
17Ɔ̃ a ò gↄ̃ɛɛ:
Lá n n na yãmà,
n lí pↄ́ ma ginɛ ǹ a bɛ ble blè,
tↄↄlɛ a gↄ̃ láaipↄ ũ n yã́i,#3.17 Lom 8.20
taasi guu ↄ̃ ńyↄ̃li blɛ eu e n wɛ̃ni lɛ́u.
18Bua pↄ́ↄ ↄ̃ ńyↄ̃li ble,
ali lɛↄ ń lá ṹadeↄ bↄlɛnɛ.
19Isimagakpaa guu ↄ̃ ńyↄ̃li blɛbleu,#3.19 2Tɛs 3.12
e ǹ ɛa ǹ gɛ̃ò tíu,
asa wekĩi ma n bↄu.
Bùsutin n ũ,
mɛ́ ńyↄ̃ ɛa gↄ̃ bùsutipi ũɛ.#3.19 Soũ 90.3
20Adamu#3.20 Bee mɛ̀ gbɛ̃nazĩna. tↄkpà a naɛ Ɛva,#3.20 Bee mɛ̀ wɛ̃ni. asa gbɛ̃́pii daziɛ. 21Dii Lua báa ula kɛ̀ Adamuɛ ń a nao a dànɛ́. 22Ɔ̃ à mɛ̀: Gbɛ̃nazĩna maa ń vãio dↄ̃̀ sa, à gↄ̃̀ láwáwa. Wà giɛ̀ aà lí wɛ̃nide bɛ bo ble, kɛ́ asu àↄ ku gↄↄpiio yã́i.#3.22 Zia 22.14 23Ɔ̃ Dii Lua aà yà à aà bↄ̀ Edɛni lupi guu. Ɔ̃ Adamu gɛ̀ tↄↄlɛ pↄ́ Lua aà kɛ̀ò zĩkɛ̀. 24Kɛ́ Dii Lua aà yà, ↄ̃ à malaika gã̀sĩadeↄ kàlɛ Edɛni lupi gukpɛ oi, aaↄ lí wɛ̃nide zɛ́ dↄ̃́a ń fɛ̃nda pↄ́ lɛ́ liasãizↄ̃, a wɛ́tɛ̃ lɛ́ tɛkɛo.
ప్రస్తుతం ఎంపిక చేయబడింది:
Daa 3: BBL2010
హైలైట్
షేర్ చేయి
కాపీ
మీ పరికరాలన్నింటి వ్యాప్తంగా మీ హైలైట్స్ సేవ్ చేయబడాలనుకుంటున్నారా? సైన్ అప్ చేయండి లేదా సైన్ ఇన్ చేయండి
Boko Bible © SIM International, 2010.
