Popular Bible Verses from Luˉka‸ li‸ 18

షేర్ చేయి

Yawˇ hui nyi ma maˇ luˬ leh hkʼaˬ htaˆ ka‸ bon gʼa lawˬ tuˬ, yawˇ yawˇ hui hta‸ tawˇ pa haˉ te maˍ piˇ leh kʼoˆ ve

Gʼuiˬsha leuˆ yuˬ taˍ ve chaw teˇ hpaˍ lehˬ, tanˇ hkuinˇ tanˇ vanˇ yawˇ hta‸ lawˬ hkawˉ ve kʼo, Gʼuiˬsha lehˬ hteˇ ve cawˇ ve awˬ hkʼaw lo yawˇ hui awˬ pon maˇ te piˇ tuˬ leh laˇ. Yawˇ maw chaweh law chehˇ tuˬ leh laˇ. Ngaˬ nawˬ hui hta‸ kʼoˆ laˇ ve, hteˇ ve cawˇ ve teˇ ceuˬ yawˇ yawˇ hui awˬ pon haˆ haˆ te piˇ tuˬ yoˬ. Ya‸ hkʼaˇ, chaw yaˇ ve Yaˇ hpu kʼaw‸ gaˬ la ve teˇ yanˇ, miˬ guiˬ hkʼoˆ lo yonˍ ve teˇ ceuˬ cawˬ chehˇ ve hta‸ gʼa mawˬ tuˬ laˇ teh‸ kʼoˆ piˇ ve yoˬ.

Yawˇ kʼaw‸ kʼoˆ ve, Chaw yaˇ te maˇ gʼa ve teˇ hpaˍ hta‸ Gʼuiˬsha te gʼa ve yoˬ teh‸ kʼoˆ piˇ ve yoˬ.

Teˇ tcuhˉ teˇ yanˇ awˬ hkʼaw lo suhˉ jehˬ shehˍ hpaˇ oˇ ve te‸ chiˉ maˇ te piˇ. Ya‸ hkʼaˇ, awˬ hkʼaw‸ nawˉ yawˇ nyi ma hkʼaw dawˇ ve, Ngaˬ lehˬ Gʼuiˬsha hta‸ ka‸ maˇ kawˆ, chaw yaˇ hta‸ ka‸ maˇ yawˆ maˇ yan ve chaw hpeh‸ ve htawˇ, mehˇchawˇma chi ngaˬ hta‸ sho‸ sha‸ laˇ ve pa taw, hteˇ ve cawˇ ve awˬ hkʼaw lo ngaˬ yawˇ awˬ pon te piˇ tuˬ yoˬ. Hkʼe maˇ heˆ kʼo, yawˇ hkʼaˬ htaˆ ka‸ laˬ leh, hpeh‸ haˍ hkanˍ haˍ jaˇ htaˇ hkʼa gaˬ te laˇ tuˬ yoˬ teh‸ dawˇ ve yoˬ.

Ngaˬ nawˬ hui hta‸ awˬ tehˬ awˬ na kʼoˆ laˇ ve, yaˇ ehˉ hkʼa shuˍ shuˍ Gʼuiˬsha ve mvuhˇmiˬ hta‸ maˇ ha‸ yuˬ ve chaw hkʼaˬ ve teˇ gʼaˇ maˇ kʼoˆ, yawˇ ve mvuhˇmiˬ awˬ hkʼaw lo maˇ gʼa lo‸-e taˬ teh‸ kʼoˆ ve yoˬ.

Ya‸ hkʼaˇ Yeˍsuˆ lehˬ, yaˇ ehˉ teˇ hpaˍ hta‸ kuˬ leh kʼoˆ ve, Yaˇ ehˉ teˇ hpaˍ hta‸ ngaˬ geh laˬ piˇ-oˆ. Yawˇ hui hta‸ taˇ tawˍ taˍ. Awˬ lawn kʼo, Gʼuiˬsha ve mvuhˇmiˬ lehˬ, chaw oˇ hkʼe ve mvuhˇmiˬ hpeh‸ ve yoˬ.

Yeˍsuˆ kʼaw‸ kʼoˆ ve, Mehˆ mawˬ la piˇ-oˆ. Nawˬ yonˍ ve teˇ ceuˬ lehˬ, nawˬ hta‸ na-e la piˇ peuˬ teh‸, yawˇ hta‸ kʼoˆ piˇ ve yoˬ.

Yeˍsuˆ kʼaw‸ kʼoˆ ve, Aˬ hto‸ ma pa taw nawˬ ngaˬ hta‸ da‸ ve teh‸ kʼoˆ ve le. Gʼuiˬ sha maˇ heˆ kʼo, da‸ ve teˇ gʼaˇ ka‸ maˇ cawˬ.