Popular Bible Verses from Luˉka‸ li‸ 16

షేర్ చేయి

I ve kanˉ awˬ hkʼaw lo ka ti‸ yeˬ ve chaw lehˬ, uiˍ ve kanˉ awˬ hkʼaw lo htawˇ ka ti‸ yeˬ tuˬ yoˬ. I ve kanˉ awˬ hkʼaw lo maˇ hteˇ maˇ cawˇ ve hta‸ te ve chaw lehˬ, uiˍ ve kanˉ awˬ hkʼaw lo htawˇ maˇ hteˇ maˇ cawˇ ve hta‸ te tuˬ yoˬ.

Awˬ ceˬ hkʼaˬ ve teˇ gʼaˇ maˇ kʼoˆ, awˬ jawˇmawˇ nyiˇ gʼaˇ ve awˬ ceˬ te maˇ gʼa. Awˬ lawn kʼo, teˇ gʼaˇ hta‸ canˇ kʼo teˇ gʼaˇ hta‸ ha‸ tuˬ yoˬ. Teˇ gʼaˇ hta‸ yawˆ yan kʼo teˇ gʼaˇ hta‸ maˇ shawˍ maˇ caˆ te tuˬ yoˬ. Nawˬ hui lehˬ, Gʼuiˬsha ve awˬ ceˬ ka‸, hpu shi mawˇ jeˬ ve awˬ ceˬ ka‸, teˇ pawˆ tiˉ te maˇ gʼa taˬ teh‸ kʼoˆ ve yoˬ.

Hkʼe te leh, hpu shi mawˇ jeˬ lehˬ maˇ hteˇ maˇ cawˇ ve ka‸, oˇ ve hta‸ yehˇ ve teˇ yanˇ, nawˬ hui ka ti‸ maˇ yeˬ ve kʼo, hteˇ ve cawˇ ve mawˇ jeˬ teˇ ceuˬ a shu nawˬ hui hta‸ chiˇ a‸ laˇ tuˬ le. Nawˬ hui lehˬ shu ve mawˇ jeˬ hta‸ yehˇ ve awˬ hkʼaw lo ka ti‸ maˇ yeˬ ve kʼo, nawˬ hui ve mawˇ jeˬ a shu nawˬ hui hta‸ chiˇ a‸ laˇ tuˬ le.

Aˍbraˍhanˍ kʼaw‸ kʼoˆ ve, Moˉseˍ leh Gʼuiˬ sha ve tcuh kaˍ paˍ hui ve tawˇ hkawˇ hta‸ yawˇ hui maˇ na ve kʼo, suh kuiˬ lo chaw teˇ gʼaˇ kʼaw‸ te‸ tu la ve htawˇ yawˇ hui yonˍ tuˬ maˇ heˆ teh‸, yawˇ hta‸ kʼaw‸ kʼoˆ piˇ ve yoˬ.

A shu yawˇ ve awˬ miˇ ma hta‸ baˬ taˉ leh awˬ kaˍ awˬ nu yaˇ miˇ hta‸ heuˆ ve chaw hkʼa peu-eˬ lehˬ, haˉ chawˇ haˉ paˆ te ve yoˬ. Awˬ hpawˇ baˬ taˉ peuˬ ve yaˇ miˇ hta‸ ca heuˆ ve chaw htawˇ haˉ chawˇ haˉ paˆ te ve yoˬ.