Popular Bible Verses from Luˉka‸ li‸ 12

షేర్ చేయి

Nawˬ hui htawˇ hkʼa deh‸ hehnˇ taˍ-o‸. Awˬ lawn kʼo, nawˬ hui maˇ dawˇ maˇ gaˇ ve awˬ yanˇ awˬ hkʼaw lo chaw yaˇ ve Yaˇ hpu kʼaw‸ ya‸ la tuˬ yoˬ teh‸, Yeˍsuˆ yawˇ hui hta‸ kʼoˆ piˇ ve yoˬ.

Nawˬ hui lehˬ yawˇ ve mvuhˇmiˬ hta‸ ca-o. Awˬ ceuˬ chi teˇ hpaˍ htawˇ yawˇ nawˬ hui hta‸ htehˍ laˇ tuˬ yoˬ.

Yawˇ yawˇ hui hta‸ kʼoˆ piˇ ve, Shu mawˇ shu jeˬ hta‸ sheˉ lai ve nyi ma a ciˉ ka‸ taˇ cawˬ piˇ. Awˬ lawn kʼo, mawˇ jeˬ maˇ maˇ cawˬ ve pa taw chaw yaˇ a sha‸ gʼa te‸ ve maˇ heˆ teh‸ kʼoˆ ve yoˬ.

Awˬ lawn kʼo, nawˬ hui ve mawˇ jeˬ shaw hpoˆ taˍ ve teˇ kaˬ lo nawˬ hui ve nyi ma htawˇ oˇ kaˬ lo cawˬ tuˬ yoˬ.

Nawˬ hui awˬ hkʼaw lo hkʼaˬ ve chaw teˇ gʼaˇ maˇ kʼoˆ, dawˇ hkiˉ ve pa taw a shu yawˇ ve a sha‸ teˇ jaˆ kʼaw‸ zuhˬ la tuˬ, a shu te gʼa le.

Peuˬ leh, yawˇ ve awˬ la‸ gʼawˇ hui hta‸ kʼoˆ piˇ ve, Hkʼe te leh, ngaˬ nawˬ hui hta‸ kʼoˆ laˇ ve, hkʼaˬ hkʼe te gʼa caˇ gʼa dawˬ tuˬ, nawˬ hui a sha‸ te‸ ve awˬ pon taˇ dawˇ hkiˉ. Hkʼaˬ hkʼe te gʼa veu‸ gʼa deh tuˬ, nawˬ hui awˬ to awˬ pon ka‸ taˇ dawˇ hkiˉ.

Nawˬ hui ve uˉ hkeh mvuh hkʼa peu-eˬ hta‸ htawˇ gʼaw nyi taˍ peuˬ. Hkʼe te leh, taˇ kawˆ. Jaˍ meuˇ maˇ jaˇ ve a‸ kehˉ nawˬ hui awˬ hpfuhˇ hkʼaˆ jaˇ ve yoˬ.

I ve yawˬ teˇ moˍ-oˬ, taˇ kawˆ. Nawˬ hui ve Awˬ pa lehˬ, nawˬ hui hta‸ mvuhˇmiˬ oˇ ve pe‸ laˇ tuˬ nyi ma cawˇ ve yoˬ.

Aˉ naˆ kʼaˍ teˇ hpaˍ hta‸ dawˇ nyi-o. Yawˇ hui lehˬ, caˬ maˇ ti, maˇ gʼeu‸. Caˬ ciˇ yehˬ maˇ kʼoˆ, mawˇ jeˬ shaw hpoˆ kuiˬ yehˬ maˇ kʼoˆ, maˇ cawˬ. Ya‸ hkʼaˇ, Gʼuiˬsha yawˇ hui hta‸ caˍ piˇ taw piˇ ve yoˬ. Nawˬ hui lehˬ, ngaˆ oˇ ve teˇ hpaˍ a‸ kehˉ awˬ hpfuhˇ hkʼaˬ ma hkʼaˆ ve le.

Nawˬ hui hkʼaˬ hkʼe te gʼa caˇ gʼa dawˬ tuˬ taˇ ca. Dawˇ hkiˉ ve nyi ma ka‸ taˇ cawˬ piˇ.

Hkʼa deh‸ maˇ yonˍ ve chaw teˇ hpaˍ-oˬ, ya‸ nyi te‸ chehˇ leh shawˉ pawˍ aˬ miˍ hkʼaw baˬ keu tuˬ ve mvuh‸ cehˬ hta‸ Gʼuiˬsha chi hkʼe feuˉ piˇ deh piˇ ve kʼo, oˇ ve a‸ kehˉ leuˉ leh nawˬ hui hta‸ feuˉ laˇ deh laˇ tuˬ maˇ heˆ laˇ.

Hkʼa beh taˍ ve awˬ ceuˬ hkʼa peu-eˬ maˇ hpeu‸ tawˆ la tuˬ ve teˇ ceuˬ ka‸ maˇ cawˬ. Hkʼa faˉ taˍ ve awˬ ceuˬ hkʼa peu-eˬ htawˇ, maˇ shiˍ la tuˬ ve teˇ ceuˬ ka‸ maˇ cawˬ.